Lecturas de TDAH


Lecturas sobre o Trastorno por Déficit de Atención con Hiperactividade

O meu perfil
lecturasdetdah@gmail.com
 Categorías
 DESTACADOS
 RECOMENDADOS
 Buscador
 Buscar Blogs Galegos
 Arquivo
 ANTERIORES

Felipe con síntomas de déficit de atención
Comentarios (0) - Categoría: Xeral - Publicado o 26-01-2008 17:49
# Ligazón permanente a este artigo
TDAH e o risco de uso e abuso de substancias
A maior probabilidade que as persoas con TDAH teñen de iniciarse no consumo de substancias (tabaco, alcohol, outras drogas) é coñecido na literatura de investigación. Recentemente vense de publicar un novo estudio dentro do marco do Minnesota Twin Family Study (Estudio de Familias con Xemelos de MInnesota) que engade novas evidencias a este aspecto do TDAH.

O Estudio de Familias con Xemelos de Minnesota é un gran estudio lonxitudinal levado a cabo desde hai anos por investigadores da universidade dese estado dos EE.UU.

En 1989 convidouse a todos os xemelos nados no estado a inscribírense no estudio. Aos participantes pedíuselles que visitasen a universidade para unha avaliación sobre catro áreas principais:

- Competencia académica, personalidade e intereses.
- Relacións familiares e sociais.
- Saúde física e mental.
- Medidas de tipo fisiolóxico.

Despois diso contáctese con eles cada ano e repítese a avaliación cada tres anos.

Os datos obtidos, veñen xenerando numerosos estudios sobre aspectos do desenvolvemento de tendencias psicolóxicas e a etioloxía de procesos psicopatolóxicos, entre eles, o abuso de substancias.

Para este estudio empregáronse os datos de 760 xemelas e 752 xemelos aos que se entrevistou xunto coas súas nais e que foron procesados mediante unha técnica de regresión loxística. Coa mesma consegue establecerse o ‘peso’ ou contribución que teñen unha serie de variables (neste caso, a sintomatoloxía do TDAH) na aparición das conductas obxecto de estudio: Neste caso, a iniciación no uso do tabaco, alcohol e outras drogas ilícitas aos 14 anos, e a existencia de trastornos por abuso de substancias aos 18.

Os resultados obtidos indican que, tanto para rapaces como para rapazas, a presenza de hiperactividade e impulsividade predín a maior posibilidade de iniciación no uso de todo tipo de substancias, o grao de dependencia da nicotina e o uso/abuso de cannabis. Polo contrario, os síntomas de inatención, cando se dan sós non teñen relación co uso de substancias (agás a dependencia da nicotina).

Non obstante, é ben coñecido que outros factores (como o Trastorno de Conducta) tamén teñen unha grande relación co uso e abuso de substancias e, debido á comorbilidade que o mesmo presenta co TDAH era necesario establecer o papel de cada un dos trastornos na aparición do consumo de substancias.

Mediante a análise estatística levada a cabo, os investigadores estableceron que o valor predictivo dos síntomas de hiperactividade/impulsividade é alto, aínda que non exista Trastorno de Conducta. Así mesmo, os síntomas de inatención, unidos á presenza de Trastorno de Conducta incrementan a probabilidade do consumo/abuso.

En resumo, a hiperactividade/impulsividade predí a aparición de posteriores problemas co uso de substancias, mentres que a inatención por si soa parece presentar menos risco.

O estudio orixinal é:
Irene J. Elkins; Matt McGue; William G. Iacono (2007) Prospective effects of attention-deficit/hyperactivity disorder, conduct disorder, and sex on adolescent substance use and abuse. Archives of General Psychiatry, 64(10):1145-1152.
Comentarios (0) - Categoría: Xeral - Publicado o 26-01-2008 16:36
# Ligazón permanente a este artigo
Resolución sobre o TDAH no parlamento catalán
O pasado 8 de novembro o parlamento catalán aprobou por unanimidade unha resolución para instar ao goberno da Generalitat a emprender medidas para a atención dos nenos e nenas con TDAH.

Velaquí o texto da resolución:

O Parlamento de Cataluña insta ao Goberno a:

a) Elaborar e tramitar no Parlamento, durante o curso escolar, un estudio sobre a complexidade dos problemas de conducta que presentan os nenos e nenas e adolescentes,entre outros, os afectados polo trastorno por déficit de atención con hiperactividade (TDAH) e, de maneira específica,
sobre as necesidades educativas que xeneran, e tamén das variables da traxectoria persoal que nel poden incidir e das estratexias de intervención.

b) Crear unha mesa técnica con membros dos departamentos de Saúde e de Educación e as entidades que treballan no TDAH, en colaboración co Departamento de Acción Social e Cidadanía, para contrastar perspectivas e estratexias de intervención e establecer referentes departamentais para os afectados.

c) Incorporar aos plans de formación do persoal dos departaments de Saúde e de Educación o coñecento sobre a natureza e os tratamentos posibles do TDAH.

O Departamento de Educación ha de garantir que esta formación se dirixa ao profesorado e aos profesionais de asesoramento psicopedagoxico a partir do curso 2007-2008.


Para cando, algunha medida semellante no Parlamento Galego?


Comentarios (0) - Categoría: Xeral - Publicado o 23-01-2008 19:57
# Ligazón permanente a este artigo
Pola creación da especialidade de Psiquiatría Infanto-Xuvenil
Aínda qe pareza mentira, España xunto a Rumanía, Letonia e Malta, son os únicos países de la UE que non teñen recoñecida a Especialidade de Psiquiatría Infantil e Xuvenil.

Isto sábeno ben moitas familias con fillos con TDAH, mais tamén moitas outras con fillos con Síndrome de Asperger, Autismo, TOC, TND, Síndrome de Williams, Angelman, Down,...

Un grupo de familias e Asociacións teñen artellado unha Plataforma para reclamar do Ministerio de Sanidade a creación da especialidade.

Podes visitar o seu sitio web aquí
Comentarios (1) - Categoría: Xeral - Publicado o 22-01-2008 19:41
# Ligazón permanente a este artigo
'Reverse graffitis', unha historia de anonovo





















Para comezar o anonovo, este post non ten nada que ver co TDAH, mais decidín poñelo porque conta unha historia bonita:

Xa se sabe que unha moderna peste urbana son os graffiteiros, eses que andan con sprays de pintura emporcallando os muros e valados públicos. Mais no caso que podes ver na foto, o grafiteiro non usa nada disto: as súas ferramentas son a auga e o xabón.

Trátase do chamado ‘reverse graffiti’ no que o artista aproveita a suciedade existente e fai unha limpeza selectiva. Algo así como cando che escriben co dedo no parabrisas traseiro ‘Lávao!’
O caso da fotografía ocorreu en Sao Paulo e o autor é o artista gráfico Alexandre Orion e a súa obra fíxoa nun túnel desa cidade.

O curioso do caso foron as reaccións das autoridades locais: Nun primeiro momento e, despois de decatárense de que ”non tiñan cargos” contra Orion (manchar pode ser punible, mais limpar… non o é aínda); decidiron que actuasen os bombeiros para limpar o túnel con auga a presión, mais só sobre a parte na que Orion fixera a súa obra :-O.

Ante isto Alexandre Orion comezou a limpar á súa maneira a outra banda do túnel. Para cortar polo san, as autoridades adoptaron unha decisión expeditiva: limpar por completo ese túnel e o resto dos que hai na cidade…


Podes ver a historia completa no site de Alexandre Orion.
Comentarios (0) - Categoría: Xeral - Publicado o 05-01-2008 03:10
# Ligazón permanente a este artigo
© by Abertal
hit counter