|
|
Premio na categoría de 8 a 11 anos |
|
Na segunda edición do noso premio o gañador foi Xosé Henrique Rivadulla Corcón coa obra o elefante dunha soa orella
Este libro relátanos a historia dun elefante de peluche ó que construíron cunha soa orella e como este sentía que tódolos xoguetes eran preferidos polos rapaces antes ca el porque tiña unha soa orella. Unha rapaciña, orfa de nai, pretende que o pai llo regale polo seu aniversario e logo de moitas peripecias, e grazas á axuda dunha cadela vagabunda e á nova compañeira do pai, acadará o seu ansiado elefantiño de peluche.
Un conto cheo de sensibilidade que fará que os rapaces de 8 anos en diante poidan gozar da lectura e atopen naquilo que non é perfecto o mellor dos regalos. |
|
|
|
Gañadores da segunda edición |
|
Xa se saben os gañadores da segunda edición do Premio literario.
Estes son:
Categoría de 8 a 11 anos:
Xosé Henrique Rivadulla Corcón
?O elefante dunha soa orella?
De 11 a 14 anos
Ramón Caride Ogando
?A negrura do mar?
De 14 a 17 anos
Francisco Castro
?Un bosque cheo de faias?
O premio darase o día 21 de outubro no salón de actos do colexio de "la Salle" dentro das actividades da festa da lingua organizadas polo Equipo de Normalización Lingüística da FERE. Os gañadores desta edición recibirán o premio de mans dos gañadores da primeira edición. |
|
|
|
Normas de utilización desta páxina |
|
Como todo ten que ter unhas normas así que velaí van as nosas:
1) O idioma desta páxina é o galego.
2) A función deste foro é falar sobre cousas relacionadas directa ou indirectamente con este premio literario. Se é utilizado con outras funcións o xestor do mesmo verase obrigado a eliminar as colaboracións non axeitadas (cousa que non desexa nin o xestor nin ninguén)
3) Eliminaranse inmediatamente aqueles comentarios insultantes, malsoantes ou calquera que o xestor considere opotuno.
4) Eliminaranse tamén aqueles que teñan unha ortografía deficiente. De ningún xeito se admitirán colaboracións con "linguaxe sms".
GRAZAS A TODOLOS QUE COLABOREN. Desexamos que pasedes bos momentos neste proxecto. |
|
|
|
Benvidos |
|
Sede todos benvidos ao blog do premio liteario Frei Martín Sarmiento. Este blog está pensado para poñer en contacto á toda a xente vinculada a este premio.
O premio literario Frei Martín Sarmiento está promovido polos equipos de Normalización Lingüística da FERE. É un premio de literatura infantil e xuvenil no cal actúan de xurado os propios rapaces e rapazas. Na pasada edición (xa van dúas e comezamos este curso coa terceira) participaron máis de 2300 rapaces e rapazas de toda Galiza.
Iremos actualizando e contando como se foi desenvolvendo o premio na edición pasada así como nesta edición que estamos a piques de comezar. |
|
|
|
|
|
|