Blog do premio literario Frei Martín Sarmiento


Blog do premio literario Frei Martín Sarmiento organizado pola Comisión de Normalización Lingüística de Escolas Católicas.

O meu perfil
premiosarmiento@escolascatolicas.es
 CATEGORÍAS
 FOTOBLOGOTECA
 RECOMENDADOS
 BUSCADOR
 
 ARQUIVO
 ANTERIORES

Os premios Frei Martín Sarmiento e Rec-Curta nos medios de comunicación
O 3 de maio, en horario de 17.00 h a 19.00 h no Salón Carlos V do Hotel Monumento San Francisco entregáronse os premios literarios Frei Martín Sarmiento, que xa van pola súa décimo quinta edición, e os da décima edición do certame de curtametraxes Rec-Curta apoiados pola Secretaría Xeral de Política Lingüística e que contan co patrocinio do Festival de Cans. O acto, que foi conducido pola xornalista e locutora da cadea COPE Paula Pájaro, estivo presidido polo secretario xeral de Política Lingüística, Valentín García, e polo presidente da xunta directiva de Escolas Católicas, Juan Manuel Buján.


El Correo Gallego

La Voz de Galicia


Na páxinada Arquidiócese de Santiago

Cope Santiago. Entrevista a Charo Baleirón na Cadea Cope presentando os Premios Sarmiento e REC.Curta. Minuto: 31.50


Ver galería
Comentarios (0) - Categoría: Xeral - Publicado o 09-05-2019 07:49
# Ligazón permanente a este artigo
Gañadores da XV edición
O día 3 de maio coñecéronse os gañadores da décimo quinta edición do Premio Frei Martín Sarmiento, organizado polo departamento de Dinamización Lingüística de Escolas Católicas coa colaboración da Secretaria Xeral de Política Lingüística.
O acto, foi conducido pola comunicadora e locutora Paula Pájaro, estivo presidido polo secretario xeral de Política Lingüística, Valentín García, e polo presidente de Escolas Católicas, Juan Manuel Bujan.
Os gañadores desta XV edición do Premio Frei Martín Sarmiento foron:


Educación Infantil
GONZÁLEZ, OLALLA; Un máis; Ed. Kalandraca

1ª categoría: 1º e 2º de Educación Primaria
LADO, MARÍA; 5 minutos; Ed. Auga editora

2ª categoría: 3º e 4º de Educación Primaria
TOBARUELA, PERE; Catro pedras vellas; Bahía Edicións

3ª categoría: 5º e 6º de Educación Primaria
COSTAS, LEDICIA; A señorita Bubble; Ed. Xerais

4ª categoría: 1º e 2º de ESO
M. CIMADEVILA, FERNANDO; A incríbel viaxe de Noa; Ed. Contos estraños

5ª categoría: 3º e 4º de ESO
LOZANO GARBALA, DAVID; Descoñecidos; Ed. Rodeira-Edebé

6ª categoría: bacharelato e adultos
VILA BALEATO, LITO; Campus Morte; Ed. Galaxia


Comentarios (0) - Categoría: Xeral - Publicado o 07-05-2019 09:48
# Ligazón permanente a este artigo
Festa da Lingua en Ourense
Manifesto lido por Rogelio Fariñas

Ver video do manisfesto
Comentarios (0) - Categoría: Xeral - Publicado o 24-04-2019 14:02
# Ligazón permanente a este artigo
Festa da Lingua en Lugo
Manifesto lido por Rebeca González

Ver video do manifesto
Comentarios (0) - Categoría: Xeral - Publicado o 24-04-2019 13:55
# Ligazón permanente a este artigo
Festa da Lingua na Coruña
QUE É UNHA “PIEIRA”?

Descubrímolo na Festa da Lingua da Coruña que tivo lugar o día 12 de abril no salón de actos de salesianos. Tras un cálido recibimento por parte do director de salesianos Mauri Paniagua, Pura Galán -coordinadora dos EDLG da Coruña da Secretaría Xeral de Política Lingüística-, lembroulles aos asistentes a figura de Antonio Fraguas e Marta Domínguez, coordinadora dos EDLG da Coruña de Escolas Católicas fíxoos reflexionar -con datos- sobre a importancia de usar o galego en todos os contextos e todos os días.
Dous nenos de Esclavas emocionáronnos co seu vídeo sobre as avoas e, finalmente Vero Rilo e Sonsoles presentaron o espectáculo “O pozo das Señora”. Nel incluíron un conto recollido por Fraguas titulado “A Pieira”. E… que é a pieira?


Podedes descubrilo vendo este vídeo.
Comentarios (0) - Categoría: Xeral - Publicado o 17-04-2019 09:16
# Ligazón permanente a este artigo
Tiro de saída das Festas da Lingua de Escolas Católicas

As Escolas Católicas de Galicia xa iniciaron as súas Festas da Lingua. Este programa anual, que se convoca en distintas cidades galegas coa colaboración da Secretaría Xeral de Política Lingüística, iniciouse o venres pasado en Santiago coa participación de 600 nenos dos colexios La Salle, San Jorge, Cluny, Compañía de María, Divino Maestro, Casa do Neno e Inmaculada. O alumnado participou con recitais e con escenificacións da vida e obra do autor que se homenaxea este ano nas Letras Galegas, Antonio Fraguas. Finalmente, a Tropa de Trapo representou ante un auditorio entusiasmado, a obra 4 monos.
As próximas citas terán lugar en Lugo, o 9 de abril; en Ourense o 10 de abril e en Coruña o 12 de abril.

Premer La Voz de Galicia
Comentarios (0) - Categoría: Xeral - Publicado o 09-04-2019 13:24
# Ligazón permanente a este artigo
Sobre o Premio " Frei Martín Sarmiento "
O Premio Frei Martín Sarmiento non é só para quen escribe un libro en galego, é tamén para quen o le e o recomenda, para quen quere que ese libro sexa o seu compañeiro de xogos e de soños durante un tempo, porque así afastamos a soidade e o aburrimento. O premio, realmente, é que o libro reciba tanto agarimo.

Paula Carballeira
Comentarios (0) - Categoría: Xeral - Publicado o 03-04-2019 12:36
# Ligazón permanente a este artigo
Sobre " bruxa e familia "
Dicían que a miña avoa era unha bruxa, unha bruxa desas que poden axudar á xente porque saben cousas que outras persoas esqueceron. Cando fun vivir a unha casiña de pedra, a carón dunha carballeira, decateime de que se cadra dirían que eu tamén son unha bruxa, porque vivo cun par de gatas e conto historias de medo que dan arrepíos, sobre todo pola noite, ao imaxinar o que agocha a escuridade. A bruxa do meu libro non son eu, pero podería selo. A familia da bruxa do meu libro parécese moito á miña (aínda que o meu irmán non adoita andar polos tellados, que eu saiba) e eu querería que quen lese o libro se sentise parte da familia desta bruxa á que lle gusta poñer nomes e facer tortas de aniversario.

Paula Carballeira

Comentarios (0) - Categoría: Xeral - Publicado o 03-04-2019 12:32
# Ligazón permanente a este artigo
María Lado + 5 minutos
Síntome feliz de que o noso libro 5 minutos estea de finalista no Premio Frei Martín Sarmiento porque é un premio que escollen as persoas que máis saben de libros: as lectoras e os lectores! Que esta historia que eu escribín con tantas ganas lles guste a nenas e nenos é marabilloso. Estou moi emocionada, moitas grazas.
Cando os meus fillos e eu temos que agardar nalgún sitio, inventamos sempre xogos para pasar o tempo, pero sobre todo observamos as cousas que hai ao noso redor. Deses xogos naceu este libro, co que quería contar á xente que se miras con atención o mundo hai moitas cousas en que enredar. E tamén moita poesía. Eu quería que este libro servise para pasar un anaquiño entretido, porque neses momentos o tempo pasa voando. E foi un pracer poder facelo con Nove Noel, que lle deu vida a todos os personaxes cos seus lapis e cores.

María Lado


Comentarios (0) - Categoría: Xeral - Publicado o 03-04-2019 12:28
# Ligazón permanente a este artigo
Varias propostas para celebrar o día de Rosalía nas Escolas Católicas

Velaquí algunhas delas:

En VIGO, sete colexios uníronse para teren Un Día con Rosalía e Un café con…

Compañía de María, María Auxiliadora, Miralba, Apóstol Santiago, El Pilar, Don Bosco e San José de Cluny dedicáronlle dous días á homenaxe. O xoves 22, orgnizaron Un café con… dirixido a adultos (profesorado, pais, nais e alumnado de Bach, e calquera persoa interesada) contaron coa presenza de Núñez Singala para tratar o tema dos prexuízos lingüísticos. O venres, obradoiros, recitais, xogos, cancións… ademais da colaboración da Asociación de Escritores en Lingua Galega, contribuíron a facer un Día de Rosalía, memorable.

OURENSE: o luns 25, no salón de plenos da Deputación de Ourense, tras a lectura dun manifesto por parte do coordinador de zona Xulio César Iglesias Blanco, o alumnado de Maristas, Josefinas, Carmelitas, Franciscanas e Salesianos recitarán varios poemas da autora, lerán un manifesto e cantarán algún dos poemas musicados da autora.

En LUGO, foron varios os colexios que conmemoraron este día. Entre eles, A Milagrosa que elaborou unha biografía en códigos QR da autora.

En FERROL, tamén foron varios centros que secundaron a iniciativa do “caldo de Gloria”, entre eles o colexio Compañía de María.

En SANTIAGO, todos os centros da cidade se sumaron ao “caldo de Gloria” ademais de organizar numerosos recitais e actividades de lembranza da súa figura.

Por último, a secretaria autonómica Juana Otero e a responsable de Innovación Pedagóxica e Dinamización Lingüística Charo Baleirón, tamén estiveron presentes na ofrenda á escritora realizada pola Fundación Rosalía de Castro na Alameda compostelá así como no acto que tivo lugar no Hostal dos Reis Católicos.

Tamén se fixeron eco das nosas actividades os medios como Faro de Vigo, La Voz de Galicia ou La Región

Premer O día de Rosalía

Comentarios (0) - Categoría: Xeral - Publicado o 28-02-2019 12:32
# Ligazón permanente a este artigo
© by Abertal