Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

Do día das Letras
Por un Día das Letras non festivo
Por un Día das Letras de librarías abertas
Por un Día das Letras con libros na rúa
Por un Día das Letras dedicado aos autores vivos...

Achégovos o artigo que publiquei en Sermos Galiza hai dezanove días:

Vaia por diante que non me gusta que se celebre un Día das Letras Galegas, e moito menos que a xornada sexa festiva. Non me gusta nada.

Non me gusta que os xornais que ao longo do ano levan todo o seu contido en castelán ese día publiquen as portadas en galego coma unha concesión á cultura de nós. Paréceme unha tomadura de pelo!

Non me gusta que se conmemore a morte de alguén falecido como mínimo dez anos antes porque odio esa cultura funeraria. E ódioa porque son partidario das homenaxes para as persoas vivas, especialmente para todas esas persoas que con vida tecen nas mans poemas, novelas, obras de teatro, ensaios tamén abraiantemente cheos de vida.

Como pode ser que neste país de nós non exista un gran premio nacional de literatura para todas esas persoas que consagran a vida enteira a nos facer gozar do seu traballo de calidade inmensa? E non falo dun recoñecemento honorífico (que está moi ben) senón dun galardón dotado cunha boa cantidade de cartos que sirvan para expresar o agradecemento do pobo todo ao labor de poetas, narradores, ensaístas, dramaturgos, literatos en fin, que con eorme dignidade van deixar a súa pegada na nosa historia común?

Non me gusta o Día das Letras Galegas. Nin o nome me gusta.

E aínda me gusta menos que se declare festivo porque iso supón que para a meirande parte da poboación acabe convertida nun día de sol e praia.

Sinto unha tremenda envexa desas rúas da cidade de Barcelona ateigadas de xente a comprar libros o vinte e tres de abril na Diada de Sant Jordi (O ano pasado arredor de millón e medio de exemplares!). E sinto unha envexa que é directamente proporcional á mágoa que me dá ver as librarías de nós todas pechadas nese maldito Dia das Letras Galegas festivo!

Nada. Non me gusta nada!
Comentarios (2) - Categoría: Da lingua de nós - Publicado o 17-05-2013 13:22
# Ligazón permanente a este artigo
Outra cantiga de berce: De Vox Angeli, Le merle
Outro novo agasallo para os tres melriños, de Vox Angeli a canción Le Merle para que teñan un sono feliz...

Un oiseau siffle dans les branches
Et sautille gai, plein d'espoir,
sur les herbes, de givre blanche,
En bottes jaunes, en frac noir.

Pourtant il vente, il pleut averse ;
L'Arve jaunit le Rhône bleu,
Et le salon , tendu de perse
Tient tous ses hôtes près du feu.
C'est un merle chanteur crédule,
Ignorant du calendrier,
Qui rêve soleil, et module
L'hymne d'avril en février.

Lustrant son aile qu'il essuie,
L'oiseau persite en sa chanson,
Malgré neige, brouillard et pluie,
Il croit à la jeune saison.

Il gronde l'aube paresseuse
De rester au lit'si longtemps
Et, commandant la fleur frileuse,
Met en demeure le printemps.

C'est un merle chanteur crédule,
Ignorant le calendrier,
Qui rêve soleil, et module
L'hymne d'avril en février.


Comentarios (0) - Categoría: melros melriños... - Publicado o 16-05-2013 18:13
# Ligazón permanente a este artigo
Por fin un rostro!
Por fin o primeiro rostro!

Menos mal! Alguén que non ten cara parece non existir.

Será este quizais o máis valente dos tres melriños e por iso ergue a cabeza á procura de algo que meter no peteiro?

Por certo, ollade o tamaño dese peteiro!

É case a parte maís grande do seu corpo!

E os non-ollos...

Que me dicides dos non-ollos, desas boliñas que aparecen na súa cabeza, máis grandes do que cabía agardar?

Que me dicides dese seu querer ver, desas súas ganas de contemplar as cousas?

Non parecen ansiosos por abrirse ao mundo?

*Fixádevos, por outra banda, de que xa ocupan case o dobre de espazo no niño se comparamos o seu tamaño co que tiñan o día que romperon os cascaróns.
*Os nomes. Aínda non teñen nome!
Tiven varias propostas:
-Daniel, Álvaro e Rosalía
(pero non sabemos os seus sexos)
-Plácido, Luciano e Josep
(como Os Tres Tenores. Non me convence)
-Güero, Chucho e Avilés
(coma o trío Los Panchos. Gústame o de Chucho, que tamén me lembra a Chucho Valdés. Quizais quede con este para un dos tres)
Outro nome que barallo por simpático é Leroy, polo de Leroy Merlin...)
Teño ganas de saber se son machos ou femias.
Comentarios (1) - Categoría: melros melriños... - Publicado o 16-05-2013 17:34
# Ligazón permanente a este artigo
1º día de vida
Pola noite choveu a caldeiros
e os tres melriños durmiron quentiños debaixo do corpo acolledor e agarimoso da nai...

O niño está cuberto por dúas grandes follas de hedra que o protexen da choiva coma se fosen un paraugas...

Sentirán os tres melriños o mesmo que sentimos nós tapados na cama debaixo dun edredón (de plumas tamén) a escoitar a choiva a petar contra do tellado? (Seica non é unha experiencia gozosa de verdade?)

De seguro que senten o mesmo, e iso faime sentir ben.

Xa temos unha cousa en común!

(Teño que procurar un xeito de descubrir o que pensan eses tres pequenos)

*A fotografía, feita co meu móbil porque temos medo de que se asusten do flash da cámara, demostra como xa medraron uns milímetros...
*Deberiamos procurarlles nomes?
Comentarios (2) - Categoría: melros melriños... - Publicado o 15-05-2013 12:04
# Ligazón permanente a este artigo
Da asepsia dos dicionarios
Wikipedia:
O merlo, melro ou merliño (do latín merulu) é a designación común da especie Turdus merula de aves passeriformes pertencentes á familia Turdidae.
Os merlos presentan forte dimorfismo sexual, sendo o macho negro, con peteiro brillante amarelo-alaranxado e un círculo arredor dos ollos. A femia e os poliños teñen dorso negro, ventre pardo-escuro con manchas pardo-claras, e a garganta e a parte superior do peito pardas con manchas abrancazadas. Os poliños teñen o ventre punteado. Esta ave europea paseriforme é omnívora e mide aproximadamente entre 23 e 29 cm

R.A.G.:
s.
Paxaro da familia dos túrdidos (Turdus merula), de plumaxe escura, negra no macho e castaña na femia, co peteiro amarelo e de canto agradable. Ü melro. Os merlos cómennos as cereixas. sin. cochorra, cochosa, cotrosa. A merla alimentaba os merliños

Estraviz:
s. m.

(1) Pássaro da família dos turdídeos de cor negra e bico amarelo-alaranjado (Turdus merula).

(2) Peixe labrídeo mais conhecido por pinto (Labrus merula).

[lat. merulu]

e por fin,
Dicionario de dicionarios:

lede aquí

Que pouco saben os dicionarios de agarimo!
Comentarios (4) - Categoría: melros melriños... - Publicado o 14-05-2013 21:06
# Ligazón permanente a este artigo
Un agasallo para os tres melriños: de Sarah McLachlan, Blackbird
Unha amiga, Eva Lozano, envíame un agasallo para os tres melriños...

Trátase dunha canción de The Beatles interpretada por Sarah McLachlan: Blackbird (que para quen non o saiba quere dicir melro en inglés)

Blackbird singing in the dead of night
Take these broken wings and learn to fly
All your life
You were only waiting for this moment to arise

Blackbird singing in the dead of night
Take these sunken eyes and learn to see
All your life
You were only waiting for this moment to be free


Deduzo da letra da canción catro fermosas palabras para lles ensinar aos tres melriños:

night: noite
free: libre
life: vida
fly: voar

(Que pensarán eles cando llelas diga?)



Achégovos tamén a versión orixinal de The Beatles:



Comentarios (0) - Categoría: melros melriños... - Publicado o 14-05-2013 20:50
# Ligazón permanente a este artigo
Cantiga de berce para tres melriños
Non encontro palabras máis fermosas para lles cantar unha cantiga de berce aos tres melriños agora que cae a noite e todo indica que vai chover a mares...

De Fuxan os Ventos, Melra melriña:

Melra, melriña,
doce asubiar;
trás daquel valo;
fuches pousar;
eu hei sabere
do teu neal (bis).
Anque te agaches
no silveiral,
anque me leves
pra outro lugar;
eu hei sabere,
do teu neal (bis).
Non teñas medo,
non hei roubar,
os paxariños
que quéres gardar
quero sabere
do teu neal (bis).

Biquiño rubio,
lindo asubiar!,
dime ónde gardas
o teu fogar.
Non teñas medo
non hei roubar,
nin os teus fillos,
ni o teu cantar.


Comentarios (0) - Categoría: melros melriños... - Publicado o 14-05-2013 20:32
# Ligazón permanente a este artigo
O día do nacemento
Hoxe romperon os ovos os tres filliños dunha melra que fixo o niño nunha hedra que gabea por unha parede do meu xardín, case en fronte da mesa onde sento acotío para escribir as miñas literaturas.

Pode parecer mentira pero a nova encheu a casa de felicidade.

A nai está a traballar todo o día para ver de procurar cousas coas que alimentar a súa nova familia.

É un traballo incesante porque parece unha nai moi entregada.

Os tres melriños non son moi fermosos, que digamos. Mesmo parece mentira que desas tres cousiñas tan febles e tan escasas de plumaxe poida saír un paxaro tan grácil coma un señor melro adulto.

A casa toda encheuse de melros hoxe pola mañá!

A foto que vos achego está feita co meu móbil e é de escasa calidade... pero mellor iso que nada.

Non quero molestar a familia. A nai podería abndonar o niño e deixar as súas criaturiñas soas perante un fatal desenlace!

Comentarios (0) - Categoría: melros melriños... - Publicado o 14-05-2013 20:17
# Ligazón permanente a este artigo
[1] 2
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0