Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

Do Vieitezia luzmurubeae
O profesor do Departamento de Zooloxía e Antropoloxía Física da Universidade de Alcalá de Henares Juan Junoy e Gonzalo Giriber e Sonia Andrade, da Universidade de Harvard, veñen de descubrir unha nova especie de verme mariño nas augas das Illas Cíes.

Abraiante saber dunha criatura nova cando xa parece que coñezamos todo o mundo que nos rodea.

O vermiño mide dous cm de lonxitude e polo visto ten unha cor rechamante (Achégovos unha fotografía) e vive no litoral galego entre algas e rochas de gran profundidade.

Puxéronlle á criatura o fermoso nome de Vieitezia luzmurubeae en honra de dúas persoas:
O xénero vieitezia por José Manuel Vieitez, mestre dos biólogos e catedrático de zooloxía da Universidade de Alcalá.
O nome específico luzmurubeae pola mergulladora e bióloga Luz Murube.

Un dos aspectos máis interesantes deste verme mariño é a súa vida sexual porque é hermafrodita sucesivo: primeiro actúa como macho e despois como femia.

(Abraiante, non si?)

Polo visto ademais de ser unha nova especie é tamén un novo xénero dentro dos vermes nemertinos.

Benvido aos libros de bioloxía, meu rei!
Comentarios (4) - Categoría: De andar pola casa - Publicado o 13-03-2011 14:23
# Ligazón permanente a este artigo
Nuclear? Non, grazas
Isto que se ve no video que achego é a explosión da central nuclear de Fukushima, no Xapón, logo do terremoto do pasado 11 de marzo.

Fukushima podería ter liberado, en só unha hora, o equivalente ao límite de radiactividade que un ser humano podería aturar nun ano!

Servirá esta nova traxedia para que por fin os gobernos do mundo se decaten dos perigos da enerxía nuclear?

Por desgraza témome que non.

Unha vez máis cómpre berrar ben alto:

NUCLEAR? NON, GRAZAS!

Comentarios (4) - Categoría: Deste noso mundo inxusto - Publicado o 12-03-2011 14:27
# Ligazón permanente a este artigo
Do tsunami no Xapón
Hai días nos que a realidade supera á máis aterradora das ficcións.

Onte brindabamos coa sidra do Lagar de Ribela e hoxe mencemos con estas arrepiantes imaxes da televisión xaponesa nas que se amosa o avance dun estarrecedor tsunami pola zona norte do país.

Resulta difícil atopar palabras para describir esta forza destrutora da natureza desbocada.



Comentarios (4) - Categoría: Deste noso mundo inxusto - Publicado o 11-03-2011 16:36
# Ligazón permanente a este artigo
Sidra con sabor de amizade
Hoxe tivemos a honra de probarmos as primeiras botellas da sidra do Lagar de Ribela, unha sidra que dende hai xa varios anos cada mes de outubro nos convoca en Trabadela entre o ulido de mazás, o sabor de mosto e a sempre agradecida calor da boa amizade.

Sidra atlántica co bo sabor dos produtos artesáns, ese sabor que cada vez resulta máis difícil atopar.

Achégovos a foto de tres botellas aínda sen abrir no xardín da miña casa.

Vaian dende aquí os meus parabéns a Quetu Armenteros e os meus desexos de que siga a elaborar unha sidra así de boa ao longo de moito tempo.

Veña un grolo!
Comentarios (7) - Categoría: Pequenas reflexións case furtivas - Publicado o 10-03-2011 20:39
# Ligazón permanente a este artigo
Campaña contra o racismo
Chegoume ao correo este magnífico anuncio de Afro Asian Institute e Crossing Cultures e non dubidei no intre de compartilo.

Así de importante paréceme a súa mensaxe.


Comentarios (4) - Categoría: Querida publicidade - Publicado o 10-03-2011 20:24
# Ligazón permanente a este artigo
De Álvaro Bahamondes

Álvaro Bahamondes é un artista do Uruguai residente en Ilha Bela, no Brasil, dende hai máis de trinta anos.

Bahamondes desenvolve un traballo artístico usando chatarras que encontra en talleres automobilísticos e que xa non serven para máis nada.

Solda peza por peza e dá vida ás súas esculturas, que representan animais mariños en perigo de extinción.

Todos os animais que constrúe teñen unha bágoa nun lado da faciana a xeito de chamada de socorro.

Non podía ser doutro xeito.

Vaia un grolo por Alvaro Bahamondes!
Comentarios (6) - Categoría: Casa Van Gogh - Publicado o 10-03-2011 11:25
# Ligazón permanente a este artigo
De Raúl Constela: Na sociedade dos porcos

Ouso inserir na Casa Van Gogh un debuxo de meu fillo Raúl feito o día vinte e dous de febreiro de 2004 na servilleta dun restaurante da vila portuguesa de Sintra.

Era o entroido.

Non sei o que puido pasarlle pola cabeza (tiña uns once anos) para reflectir en poucos minutos esta sociedade na que o porco ocupa o lugar dos homes.

Como se celebraría o carnaval?

De quen serían as orellas que se comerían?

De quen os lacóns e as cacheiras?

De quen?
Comentarios (7) - Categoría: Casa Van Gogh - Publicado o 08-03-2011 18:46
# Ligazón permanente a este artigo
Da misa do PP de Poio
O Partido Popular celebrou onte unha misa do Mosteiro de Poio.

O crego falou, segundo recolle o Faro de Vigo, en medio de cartaces electorais do PP.

Por se tiñamos algunha dúbida ao repecto agora xa sabemos quen considera que deus está do seu lado.

Haberá que lles lembrar a algúns aquela pasaxe bíblica da expulsión dos mercadores do templo.

Manda truco!

Comentarios (9) - Categoría: De andar pola casa - Publicado o 07-03-2011 18:55
# Ligazón permanente a este artigo
Tom Jobim e Elis Regina: Águas de Março
É pau, é pedra, é o fim do caminho
É um resto de toco, é um pouco sozinho
É um caco de vidro, é a vida, é o sol
É a noite, é a morte, é o laço, é o anzol...


Este antigo vídeo chegado do Brasil (onde o verán está a "se fechar") da man de Solange paréceme un bo xeito de vos desexar a todos un moi feliz entroido.

Trátase de Tom Jobim e Elis Regina (ambos os dous falecidos) a cantaren xuntos Águas de Março, unha composición do primeiro.

Feliz marzo, logo!



Comentarios (3) - Categoría: Sala de música - Publicado o 04-03-2011 20:06
# Ligazón permanente a este artigo
Girolamo Genga: Martirio de San Sebastián
Este cadro vén a conto do artigo anterior, no que falabamos de The Cranberries.

Este é o cadro no que está inspirada esa escena na que a Dolores O'Riordan aparece rodeada de nenos con frechas.

O cadro de Girolamo Genga (1476-1551) exhíbese na Galleria degli Uffizi de Florencia.
Comentarios (5) - Categoría: Casa Van Gogh - Publicado o 02-03-2011 20:35
# Ligazón permanente a este artigo
[1] [2] 3 [4]
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0