Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

A lingua esta que nos define
A lingua esta que nos define coma un ADN primixenio e imposíbel de ocultar é a que nos serve para cociñar as máis fermosas frases que dicimos nas conversas, unhas veces sinxelas e outras arrevesadas, labirínticas

A lingua esta que nos define é a que nos serve para tecer frases de amor que nos serven para sorprender as nosas parellas (e para nos deixar abraiar tamén)

A lingua esta que nos define é a que nos serve para admirar o sol que nos quenta na praia cando é verán, porque cando é inverno usámola para nos queixar das chuvias e os temporais.

É a que nos serve para pedir auxilio

E tamén para socorrer os amigos

E alcumar os inimigos, como non?

A que nos serve para tirarmos diñeiro do caixeiro automático... e para gastármolo no centro comercial.

A que sacamos do peto nos momentos de dúbida e vacilación coma que tira un pano co que limpar o pó dunha ferida

A que lanzamos ao ar coma un aturuxo festeiro

A que soltamos coma unha bágos furtiva de impotencia

(e coma un arrouto de enchente)

(e coma unha risada tola de borracheira)

Esta lingua que nos define é unha marca na pel que non vai desaparecer por moito que se esfregue

unha mensaxe impresa en nós

imborrábel mesmo con agresivas cirurxías estéticas

Esta lingua que nos define é o ulido ancestral que levamos no corpo logo de moitos séculos agachados nas cavernas coma as feras

Esta lingua que nos define

transmitirase aos nosos descendentes agachada nese código xenético que herdamos sen nin sequera pretendelo


(En Poio, a 17 de maio de 2011, Día das Letras dedicado ao gran Lois Pereiro)

NOTA: E nunca cansarei de reivindicar que a festa de hoxe pase a ser de novo día laboral e enchamos as rúas de libros e as librarías de xente.






Comentarios (2) - Categoría: Da lingua de nós - Publicado o 17-05-2011 12:51
# Ligazón permanente a este artigo
Chuza! Meneame
2 Comentario(s)
1 Moitas felicidades a todos os que diariamente falades galego e coidades e amades a nosa lingua!! Sería perfecto que alá tamén vivisen este día como aquí o Sant Jordi. Teredes que montalo como aquí, que vén sendo o Día dos Namorados, e así to#blgtk08#dos se regalan libros e rosas (o das rosas é pola lenda de Sant Jordi, que matou ao dragón e salvou á princesa, e do sangue do dragón abrollou unha rosa). Quen sabe, así montado igual tiña máis éxito!!
Un grolo polas letras galegas!!
Comentario por Eva Lozano (17-05-2011 13:15)
2 Uma bela e grandiosa definição da sua língua Xesús!
Espero que continue assim, um guerreiro, enfrentando batalhas tão difícei#blgtk08#s, mas jamais perdidas!
Uma boa luta por uma grande causa!
Parabéns a todos os que mantém viva a língua mãe!
Comentario por Solange Villamar Couto (17-05-2011 23:57)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0