Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

Artigo de X. M. Eyré sobre a Cidade da CUltura
Recoméndovos a lectura dun artigo colgado por X. M. Eyré no seu blog Ferradura en tránsito acerca da recente inauguracíon de dous edificios da Cidade da Cultrura no Monte Gaiás de Santiago.

Non podo estar máis de acordo.
Comentarios (5) - Categoría: De andar pola casa - Publicado o 17-01-2011 14:25
# Ligazón permanente a este artigo
Da censura na visita do Papa
Dúas novas moi desafortunadas que coñecín hoxe acerca da censura sobre as criticas á visita do Papa Benedicto XVI a semana que vén á cidade de Santiago, unha visita pagada con moitos cartos públicos (3.000.000 de Euros!) que por exemplo se puideron ter investido en Educación, onde se recortou profesorado entre outras cousas, ou en Sanidade, onde as listas de espera non deixan de medrar tamén entre outras cousas, ou en mil fins que me pasan pola cabeza, todos eles causas moito máis xustas que a visita dese señor.

(A RTVG, tamén pública, por exemplo, contratou máis vatios para a retransmisióin da misa que vai dar no Obradoiro que para un concerto de AC/DC! E xa son vatios!)

Unha primeira censura é a exercida sobre a sección Vai de Blog de Fran P. Lorenzo, que o pasado xoves desaparecía da contra do xornal Galicia Hoxe. Durante toda a semana, o xornal xunto co Correo Galego fíxose eco das máis "cavernarias" opinións nas que, ademais de insultar ao xornalista pedíase a súa cabeza. O delicto cometido por Fran P. Lorenzo foi publicar na súa sección un artigo crítico co gasto público na visita do Papa a Santiago. O artigo desapareceu da web do xornal inmediatamente despois de que, de xeito singular e insólito, o Arcebispado enviase a todos os medios de comunicación unha nota na que arremetía contra a opinión do xornalista.

Unha mala nova, non credes?

Vaia dende aquí o meu apoio para Fran P. Lorenzo. (O meu apoio e un monte de apertas solidarias).

Unha segunda mala nova é a referida ao meu amigo Kiko Da Silva: Unha portada con Benedicto XVI a celebrar a súa facultade para multiplicar os billetes e non os pans nin os peixes custoulle á revista Retranca, da que é editor, a impresión do seu número 28. A rotativa murciana Jiménez Godoy, que dende xaneiro imprimía a revista regouse a realizar o traballo alrgando que non imprimen críticas á igrexa do mesmo xeito que non imprimen pornografía!

Vaia tamén o meu apoio e a miña amizade multiplicada por mil para Kiko!
Comentarios (8) - Categoría: De andar pola casa - Publicado o 27-10-2010 20:32
# Ligazón permanente a este artigo
Da folga xeral: sempre pagamos os mesmos
Mañá haberá unha folga xeral que estou disposto a secundar.

Fareino por esa horrenda sensación que sempre se ten de que as cousas malas temos que pagalas os mesmos, por ese mal corpo que deixa pensar que o sistema pode entrar en crise mil e unha veces máis pero os bancos, as grandes empresas, as multinacionais, as grandes superficies, que chuchan sen parar todo canto temos nunca van pagar nada (Son como samesugas pegadas ás nosas economías domésticas)

Se as cousas van mal ao capital, a solución sempre é abaratar o despido entre outras medidas aínda máis impopulares.

Xa está ben!

Dá vergoña (ou noxo, por que non?) oir falar a determinada xente, como por exemplo o presidente da patronal española acerca do papel dos sindicatos na socidedade actual.

Dá vergoña escoitar como ese mesmo señor di que a reforma laboral que provoca a folga de mañá é escasa porque o despido tiña que abaratarse aínda máis, que os empresarios teñen que apretar o cinto! (por favor!)

Non podemos ficar calados vendo como o capital empeza a desmontar peza por peza o estado de benestar que tanta loita provocou nos nosos pais, nos nosos avós e enm moitas xeracións anteriores, eses grandes logros salariais e sindicais que permitiron que nós acadásemos o nivel de vida do que gozamos (e non falo de cartos, por favor que ninguén o pense. Falo de sanidade de calidade, de ensino de calidade e gratuíto, de bo transporte público, dunha xustiza ben administrada...).

Levou moito tempo construír todo iso, moito esforzo social e moita loita para que agora permitamos que nos manden dar pasos atrás.

Se foron os bancos quen iniciaron todo isto por mor da súa usura sen límites que sexan eles quen empecen a pagar nos desperfectos que ocasionaron.

Non podemos ficar calados.

Non podemos.

De ningunha maneira!


Comentarios (2) - Categoría: De andar pola casa - Publicado o 28-09-2010 20:05
# Ligazón permanente a este artigo
Da mala calidade do ensino
Como ensinante que son asegúrovos que nunca comezara un curso con tan mal sabor de boca e tan malas expectativas.

A saber:

- O soldo reducido (a ver que pasa coas pagas extras)
- A ratio de alumnado por aula incrementado (incluso en contra dos predicamentos da Unesco)
- O maldito decretazo do galego a roldar por riba das nosas testas.
- A disminución do profesorado en todos os centros
- A mala dotación das aulas (onde van os computadores prometidos?)

E aínda por riba hoxe collo o xornal e leo esta nova:
O 90% do alumnado das cidades será escolarizado en castelán coma lingua vehicular!

A pesares de que o 40% das familias pediu a escolarización en gfalego os castelánfalantes impuxeron a súa lingua.

Damos pasos atrás día si e día tamén.

Non é para cabrearse?
Comentarios (6) - Categoría: De andar pola casa - Publicado o 16-09-2010 18:05
# Ligazón permanente a este artigo
Do peche da Libraría MIchelena
Sempre é unha mala nova o peche dunha libraría.

Sempre.

Unha mala nova sen paliativos no só para un escritor senón tamén para os lectores e a cidadanía en xeral.

Hoxe souben do peche da Libraría Michelena de Pontevedra logo de vinte e nove anos aberta, que xa non vai abrir as súas portas a partires de finais deste mes.

Unha moi boa libraría, desas que enorgullecen a cidade que as acolle.

Unha mala nova.

Comentarios (2) - Categoría: De andar pola casa - Publicado o 14-06-2010 19:29
# Ligazón permanente a este artigo
De Garzón, o Franquismo e a xustiza española
Vaia por diante que Garzón non é un persoanaxe que sexa do meu total agrado.

Para nada.

Pero resúltame absolutamente intolerábel que a primeira vez que un xuíz pretende investigar os crimes e as atrocidades cometidas ao longo da ditadura franquista acabe retirado da carreira xudicial.

E iso por unha denuncia interposta pola ultradereita española, unha denuncia que nunca debeu de ser admitida a trámite.

É unha vitoria do vello ditador e os seus secuaces.

E aínda me parece maís intolerábel que todo isto suceda logo da investigación sobre a corrupción no Partido Popular levada a cabo por el.

Resulta que os maxistrados que o suspenderon están todos nomeados polo propio Partido popular.

Pero que clase de xustiza hai en España?

Unha vergoña!
Comentarios (5) - Categoría: De andar pola casa - Publicado o 14-05-2010 21:18
# Ligazón permanente a este artigo
De soldos, funcionarios, pensionistas e parados
Odio falar de diñeiro, pero hoxe resúltame inevitábel.

Estaba visto que as medidas económicas que tomou hoxe o goberno español ían chegar dun momento a outro.

Sempre pagan as crises os mesmos.
É moi inxusto.
Por que nunca paga a maldita banca, que recibe cartos públicos cada vez que soa o sinal de alarma?

Anda mal isto, eh?
Moi mal.

Acabará como Grecia este país que semella levar anos a vivir moi por riba das súas posibilidades económicas?

E aínda querían organizar unhas olimpiadas en Madrid!

E aínda andan a dilapidar diñeiro na maldita Cidade da Cultura de Santiago!



Comentarios (8) - Categoría: De andar pola casa - Publicado o 12-05-2010 18:24
# Ligazón permanente a este artigo
Da lagoa seca de Valdoviño
Iso que vedes na foto é o que queda da Lagoa da Frouxeira. Un deserto de area!

O alcalde do Concello de Valdoviño, preto de Ferrol, pediu á Xunta de Galicia que fixese algo para evitar que as crecidas das augas da Lagoa da Frouxeira asolagasen algunhas zonas dun paseo de recente construción.

Esta Lagoa da Frouxeira (espazo protexido da Rede Natura) estaba comunicada co mar a través dunha canle natural que lle servía de desaugadoiro e transcorría a través dunha zona de dunas agora inexistente pola extracción de areas.

A Xunta tivo a idea de ensanchar ese desaugadoiro para evitar esas inundacións do paseo.

E que aconteceu?

Pois aconteceu que agora a Lagoa da Frouxeira está completamente seca!

E a Xunta aínda segue a defender a súa tan desafortunada actuación! (como podedes ver aquí)

Todo isto pola imprudencia das autoridades, máis interesadas nun maldito paseo que nas especies animais, aves a meirande parte, ou na herdanza das xeracións vindeiras, que poderían gozar dun espazo natural que non nos pertence.

Cando aprenderán os nosos gobernantes que a terra non nos pertence, senós que somos nós quen lle pertencemos a ela? Que facer con estes gobernantes ignorantes e cegos? Como pasarlles factura polas súas tropelías?
Comentarios (9) - Categoría: De andar pola casa - Publicado o 07-05-2010 18:34
# Ligazón permanente a este artigo
Do "abandono" de Suso de Toro
Recoméndovos que vexades o programa da TVG no que se entrevista a Suso de Toro e explica os motivos do seu "abandono" da literatura profesional.

Podedes velo aquí e despois sacade as vosas conclusións.

Non é moi diferente o que di do que estabamos a falar estes días neste blog acerca da situación da literatura galega na actualidade, da súa falla de incentivos e da necesidade de crear industria.

Comentarios (6) - Categoría: De andar pola casa - Publicado o 27-04-2010 17:51
# Ligazón permanente a este artigo
D' O meu país de Miro Casabella
Ás veces un érguese da cama pola mañá cunha determinada melodía na cabeza sen que saiba moi ben por que.

Hoxe tocoulle a aquela canción de Miro Casabella, O meu país , dun disdco titulado Ti, Galiza, que ten xa unha boa morea de anos, tantos que eu teño na casa o vinilo asinado polos meus compañeiros de primeiro de BUP do Instituto "Concepción Arenal" de Ferrol.

A letra dicía:

O meu país, é verde e neboento
é saudoso e antergo, é unha xente e un chan
o meu pais, labrego e mariñeiro
é un recuncho sin tempo, que durme nugallán

Que quece na lareira,aló na carballeira
bota a rir
e unha folla no vento,alento e desalento
o meu país

O meu país,tecendo a sua historia
muiñeira e corredoira,acocha a sua verdá
o meu país saúda o mar aberto
escoita o barlovento,e ponse a camiñar

Cara a metas sin nome van ringleiras de homes
e sin fin
tristes eidos de algures, vieiros pra ningures
o meu país

O meu pais nas noites de invernía
dibuxa a sua agonía,nun vello e nun rapaz
o meu país de lenda e maruxías
agarda novos dias, marchando de vagar

Polas corgas e herdanzas
nasce e morre unha espranza, no porvir
e unha folla no vento, alento e desalento
o meu país.


Quizais todo viña a conto do último comentario que deixei ao artigo anterior, no que falaba deste país noso que non parece disposto a espertar de ningún xeito en medio da impotencia, ou da incredulidade, ou que sei eu, dos que levamos tempo a intentar facelo espertar.

Quizais sexa verdade a letra da canción e habitemos simplemente unha folla no vento.

Quen sabe?

Que facer para que a folla tome terra dunha maldita vez e poidamos comezar a traballar de xeito positivo?

Que?
Comentarios (8) - Categoría: De andar pola casa - Publicado o 25-04-2010 19:56
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0