Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

De caixas e bancos
Xa sei que a crise non é unha broma e que toda esta historia de converter en bancos privados as caixas de aforros non é para rir.

Un futuro negro.

Os aforros de varias xeracións en mans privadas sen obriga de investir en obra social!

Achégovos de todos xeitos un chiste que me enviou unha amiga.

Un banco + unha caixa= Caixabanc.

O nacemento dun novo sistema financeiro.
Comentarios (4) - Categoría: Da lingua de nós - Publicado o 27-02-2011 20:32
# Ligazón permanente a este artigo
De Galaxia e o premio da cultura
Coa lingua non valen medias tintas.

Ou nos definimos ou non nos definimos.

Logo do xesto de Agustín Fernández Paz a Editorial Galaxia vén de aceptar o premio da Cultura Galega 2010 no apartado de Promoción Cultural concedido pola mesma Xunta de Galicia contra a que os escritores galegos nos manifestamos varias veces en Compostela ao longo desta triste lexislatura para a nosa lingua.

Quixera lembrar que foi o Conselleiro de Cultura do actual goberno galego, o mesmo que concede eses premios, quen dixo que a cultura galega é unha cultura acomplexada.

Di Galaxia na súa defensa que acepta o premio por tratarse de algo "institucional".

Recoméndovos o artigo que hoxe publica Xurxo Borrazás no xornal El País acerca deste tema baixo o magnífico título de A estrela e os galácticos.

Quixera destacar tres citas sacadas dese artigo porque representan dun xeito pefecto a miña opinión acerca deste tema dos premios da Cultura Galega 2010:

Galaxia toma a súa decisión aparcando as súas conviccións e representándose a si mesma como sociedade anónima: a censura máis efectiva, e ao tempo elegante, non é a que reprime senón a que acada a dependencia dos censurados.

A Real Academia Galega, da que o presidente de Galaxia é membro, non colaborou na patomima destes Premios-parodia de normalidade. A Asociación de Escritores amosou o seu apoio a Fernández Paz, e non fixo o mesmo coa decisión da editorial. O que as diversas posturas reflicten é que, hoxe máis que hai dous anos, existe unha fenda entre parte dos creadores e parte dos xestores do traballo deses creadores.

felicitamos a Agustín Fernández Paz, máis grande que nunca, e agradecémoslle que nos retratase a todos, sen focos, nin cámaras, nin excesiva acción.

Moi ben expresado Xurxo!

Grazas por poñeres voz ás miñas opinións!







Comentarios (4) - Categoría: Da lingua de nós - Publicado o 19-11-2010 18:18
# Ligazón permanente a este artigo
Do gran xesto de Agustín Fernández Paz
Propoño un brinde polo gran Agustín Fernández Paz, gran escritor e mellor persoa, que non só achegou e achega día tras día novos lectores á nosa literatura senón que vén de rexeitar a aceptación do Premio da Cultura das Letras concedido pola Xunta de Galicia por mor do acoso desa institución á lingua de nós, á materia prima coa que Agustín dende sempre expresou os seus soños en moreas de libros moi ben escritos.

Xestos coma este de Agustín son motivo de honra para todos aqueles que cremos na lingua e a utilizamos para a nosa producción literaria.

Un gran xesto para a literatura de nós!

Veña un grolo por Agustín!
Comentarios (10) - Categoría: Da lingua de nós - Publicado o 17-11-2010 13:03
# Ligazón permanente a este artigo
Enquisa sobre a lingua en El País
O xornal El País está a realizar na súa web unha enquisa acerca da cooficialidade do uso das linguas minoritarias (minorizadas) no Senado Español.

E vai gañando o NON!

A pesares do valor puramente testemuñal da enquisa, se queredes votar podedes facelo aquí.

Comentarios (2) - Categoría: Da lingua de nós - Publicado o 21-10-2010 18:53
# Ligazón permanente a este artigo
De topónimos deturpados
Rafiofusión envioume esta nova:

O Imserso (Instituto de Maiores e Servizos Sociais) pertencente ao Ministerio de Sanidade e Política Social non respeita os topónimos de Galicia no listado das axencias de viaxe autorizadas para as viaxes da terceira idade. Na súa páxina web inclúense nomes deturpados como Rianjo, Puentedeume ou El Ferrol.

Que vos parece?

Comentarios (4) - Categoría: Da lingua de nós - Publicado o 28-09-2010 20:27
# Ligazón permanente a este artigo
192.000 libros que non valen
A Xunta de Galicia coa aplicación desta maldita lei de plurilingüismo (vaia un eufemismo para destruír a lingua de nós) que vai entrar en vigor para o vindeiro curso escolar, vai destruir 192.000 libros de texto (Si. Lestes ben: 192.000) polo mero feito de ESTAREN EN GALEGO, lingua prohibida (Si. Volvestes ler ben: prohibida) para o ensino das asignaturas de matemáticas, física e química e tecnoloxías.

Que vai facer a Xunta de Galicia con todos estes libros?

Por que non os queima na Praza do Obradoiro para que a noticia apareza en todos os medios de comunicación do mundo (de seguro aparecería) e así xa de paso lles caia aos conselleiriños todos a carauta de demócratas "de toda la vida"?

Podería aproveitar o "trepa" de Núñez Feijóo para facer durante a queima un discurso en plan Goebbels que fose do agrado dos xornais madrileños de dereitas, que seguro que avanzaba un bo chanzo no seu camiño político.

Xa o imaxino: "Destas lapas nacerá un novo espírito (Iso dixo Goebbels diante dos libros a arder na noite aquela da queima de Berlín) Botade libros ao lume e acabemos dunha vez con esa lingua maldita que fai dano nos ouvidos!"

Unha catarse españolista!

Quen prendería o lume da gran fogueira?

Admítense apostas.

Por certo, apàreceu no xornal El País un artigo moi bo de Manuel Rivas sobre o tema.
Comentarios (5) - Categoría: Da lingua de nós - Publicado o 07-07-2010 11:13
# Ligazón permanente a este artigo
Do presidentiño e a/s lingua/s
Non vin a entrevista en V televisión, a nova canle de La Voz de Galicia, pero lin a crónica da mesma no xornal.

Núñez Feijóo asegurou que «O problema de Galicia non é o galego ou o castelán, é o inglés»!

Podedes ver a entrevista aquí.

Pero non ten límite esta parvada xigantesca?
Comentarios (3) - Categoría: Da lingua de nós - Publicado o 08-06-2010 14:50
# Ligazón permanente a este artigo
Da exitosa manifestación de Compostela
Hoxe a cidade de Compostela volveu ser un clamor pola lingua.

Unha vez máis.

Mañá os xornais de sempre cuspirán análises e, manipularán os feitos tanto coma queiran.

Unha vez máis.

Unha hora logo da manifestación xa o Partido Popular sacou un comunicado no que falaba, unha vez maís, de desexo de imposición!

Unha vez máis.

Mentres milleiros de persoas (non sei cantas) nos manifestabamos por Compostela adiante o presidentiño estaba a "homenaxear" a Uxío Novoneyra no Courel. Nada dixeron da loita do poeta a prol da lingua.

Non dixeron nada.

Non poderán facernos calar a boca.

Nin os xornais manipuladores.
Nin o Partido Popular.
Nin a Xunta de Galicia co seu presidentiño á fronte.

Non poderán.

Seremos rexos coma os cumios do Courel que cantou Uxío.

Seremos rexos!

Seremos coma os toxos, que aínda que se corten saen unha e outra vez.

Sen parar.

Así seremos!




Comentarios (5) - Categoría: Da lingua de nós - Publicado o 17-05-2010 22:14
# Ligazón permanente a este artigo
Festival contra o Decretazo
A cidade de Pontevedra acolle hoxe pola noite un Festival Musical contra o Decretazo organizado pola Plataforma Queremos Galego, que vai ser, non teño dúbida, un verdadeiro éxito de público.

Actuarán Zurrumalla, Fia Na Roca, Fuxan Os Ventos, Espido, Garcia Mc, RuxeRuxe, Uxia, Berrogüetto, Luar Na Lubre, A Quenlla, Os Carunchos, Os 3 Trebóns e Lamatumbá.

Un cartel de primeira para unha loita de primeira.

Será ás 20:30 no Recinto Feiral de Pontevedra.

Vémonos no Festival!


Comentarios (2) - Categoría: Da lingua de nós - Publicado o 17-04-2010 11:07
# Ligazón permanente a este artigo
Dos novos datos acerca do idioma
Poden estar satisfeitos os detractores da lingua de nós.

Son pesimistas os datos acerca dos usos do idioma que no día de onte fixo públicos o Instituto Galergo de Estatística e que podedes consultar aquí.

A xeito de resumo achégovos algúns dos datos que o estudo contén:

- A porcentaxe de persoas co galego como idioma único baixou do 61 ao 56 por cento nos últimos cinco anos.

- Nese mesmo periodo a porcentaxe de nenos co castelán como idioma habitual pasou do 60 ao 65 por cento.

- En vilas por riba dos cincuenta mil habitantes a porcentaxe de poboación que usa o galego de xeito habitual baixou do 34 ao 32 por cento.

A cousa non pode ir peor!
Comentarios (4) - Categoría: Da lingua de nós - Publicado o 16-04-2010 17:16
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0