Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

Feijóo: Castelao en castelán
O presidentiño acabou hoxe o seu discurso no debate de política xeral do Parlamento de Galicia coa lectura da Alba de Groria de castelao en castelán para dicir que na "nova" Galicia ninguén ten que pedir permiso par expresarse en castelán!

Non teñen vergoña!
Comentarios (5) - Categoría: Persoas non gratas - Publicado o 16-03-2010 20:32
# Ligazón permanente a este artigo
Conselleiro de Educación. DIMISIÓN XA!
DIMISIÓN XA DE JESÚS VÁZQUEZ, CONSELLEIRO DE EDUCACIÓN!

Por hipócrita!

Por mentirán!

Por manipulador!

Por inimigo confeso da lingua e da cultura do país!

Un suxeito desas características non merece o posto que ocupa.

Hoxe hai máis concentracións a favor da lingua de nós, da nosa cultura, da nosa columna vertebral, de nós mesmos, en todas as cidades e vilas grandes de Galicia ás oito da tarde.

Non podemos deixar que saian coa súa.

Non!

QUE DIMITA XA ESE IMPRESENTÁBEL!

E QUE CON EL DIMITA TAMÉN ANXO LORENZO, DIRECTOR XERAL DE POLÍTICA LINGÜÍSTICA, O SEU ARIETE CONTRA O IDIOMA DE NÓS!

QUE O FAGAN XA SE AÍNDA TEÑEN UN MÍNIMO DE VERGOÑA E DE DIGNIDADE!

PERO QUE BEN ESTARIAMOS SEN ELES!


Comentarios (8) - Categoría: Persoas non gratas - Publicado o 15-03-2010 19:32
# Ligazón permanente a este artigo
Conselleiros disfrazados

Non podo menos que sentir unha fonda vergoña polo xeito que tivo o noso Goberno de conmemorar o Día da Muller Traballadora o pasado luns:

A Conselleira de Traballo, Beatriz Mato, e o titular de Economía, Javier Guerra, os dous tipos da fotografía, accederon a se disfrazar en plena Praza do Obradoiro de Santiago.

O Conselleiro púxose unha saia rosa feita de globos e un sombreiro cunha flor na cabeza!

Para "mellor" se identificar cos roles supostamente relacionados coa muller, colleu unha vasoira e unha prancha ?tamén feitas de globos? e púxose a facer que varría e pranchaba!

A Conselleira, pola súa parte, puxo un sombreiro de copa e unha gravata e colleu coas mans un maletín, un martelo y uns alicates feitos con globos!

Para facer o pallaso que non se presentes ás eleccións e vaian traballar nun circo e para topicazos coma os que escenificaron mellor que marchen para a súas casas e nos deixen en paz.

Vaia unha representación retrógrada!

Fixéronme sentir verdadeira vergoña!
Comentarios (7) - Categoría: Persoas non gratas - Publicado o 11-03-2010 19:51
# Ligazón permanente a este artigo
De Rosa Díez, moderna e pexorativa
Oístes o que dixo nunha entrevista esta mulleriña que vai polo mundo de moderna modernísima como podedes ler aquí?

Pois para insultar ao presidente do goberno español dixo que era "galego no senso pexorativo do termo".

Pero que moderna!

Podedes velo aquí.

E non o dixo só unha senón dúas veces, dúas!

Que moderna!

A outra foi en 2009, como podedes comprobar aquí.

Pero que encanto de muller, tan moderna, tan "sencilla"...

Claro, que que se pode agardar dunha persoa que veu dende Madrid para se manifestar contra o galego naquela "multitudinaria" manifestación de Gloria Lago e os seus secuaces todos collidos da man arroupados pola Falange Española "y olé", tamén eles tan modernos?

Que se pode agardar dunha líder (ou debo de dicir "lideresa" coma "tigresa" ou "vampiresa"?) política que deu un mítin na cidade de Pontevedra no Liceo Casino, onde se reúnen arredor dunha piscina os elementos máis rancios da sociedade local?

Rancios pero modernos, non pensedes.

E digo modernos no senso máis pexorativo da palabra!

Por suposto.
Comentarios (13) - Categoría: Persoas non gratas - Publicado o 25-02-2010 19:09
# Ligazón permanente a este artigo
O crego amante do porno
Unha noticia que escoitei hoxe na radio:

Cesado un cura de Toledo por gastar uns 17.000 euros da Igrexa en liñas e webs eróticas

O que máis me gusta da historia é que "o bendito" pide desculpas ás persoas e entidades afectadas e confía na axuda da oración e da misericordia divina.

Non imaxinades a de cousas que me pasan pola cabeza!
Comentarios (12) - Categoría: Persoas non gratas - Publicado o 23-02-2010 20:28
# Ligazón permanente a este artigo
Jesús Vázquez premiado polo Opus Dei
Ese señor que tedes na fotografía chámase Jesús Vázquez e é, con diferencia, o peor conselleiro de educación que nunca tivo este país (e a verdade é que o listón non estaba nada alto para conseguir tal distinción).

No tempo que leva no cargo teimou en cargarse o pouco, o moi pouco, que a lingua de nós tiña avanzado no mundo do ensino. (É o ariete de Feijóo no esmagamento do galego xunto con Anxo Lorenzo, director xeral de política lingüística.)

Ten na súa contra a todo o mundo dos ensinantes, dos pais e o alumnado, isto é, á comunidade educativa en pleno.

Unha das primeiras medidas que tomou o seu departamento nada máis chegar el foi eliminar a gratuidade dos libros de texto no ensino obrigatorio, co que a Xunta de Galicia aforrou unha boa morea de cartos (varios millóns de euros)

Supoño que estaredes a pensar que os investiron en, por exemplo, mellorar as instalacións dos colexios públicos que do seu departamento dependen, ou en dotar de máis material as bibliotecas escolares, ou en informatizar as aulas para poñelas á altura dos tempos que vivimos, ou en contratar persoal docente e non docente para mellorar arede pública de centros...

Non. Investiron o diñeiro en pagar concertos con centros do Opus Dei que discriminan o alumnado por sexos nas aulas (precisamente cando unha das condicións para eses concertos é que non exista tal discriminación)

Pois ben, por se aínda a alguén lle cabía algunha dúbida sobre o talante dereitoso/opusístico do personaxe hoxe os centros do Opus Dei veñen de concederlle, ALUCINADE!, o PREMIO LIBERTADE DE ENSINO"!

Preguntarédesvos por que.

Pois por "terse destacado no recoñecemento das familias a educar os seus fillos de acordo coas súas conviccións", dixo o xurado de tal premio.

Tiñan que pagarlle os servizos prestados!

Xa pode estar satisfeito.

Xa!

Cando nos sacaremos de enriba a estes persoeiros que de ningún xeito nos merecemos?
Comentarios (9) - Categoría: Persoas non gratas - Publicado o 10-02-2010 20:49
# Ligazón permanente a este artigo
De Adolfo Domínguez e a usura
Que vos pareceron as declaracións de Adolfo Domínguez desta semana nas que avoga polo "despido libre" para motivar aos empregados, carga contra os funcionarios públicos e contra o estado do benestar?

Podedes consultalas aquí.

Vaia un elemento!

Polo visto quere que os empregados que ten aquí no país "gocen" das mesmas condicións que aqueles que fabrican as súas pezas de moda en países do terceiro mundo.

Iso chámase USURA. Así, con maiúsculas. Non ten outro nome!

Por certo, que o noso amadísimo presidente, tan neocon el, saíu na súa defensa.
Podedes ler aquí a súa defensa.

Vaia parella!
Comentarios (6) - Categoría: Persoas non gratas - Publicado o 05-02-2010 18:11
# Ligazón permanente a este artigo
Do bispo que fala de Haití
Oistes as recentes declaracións do bispo de Donostia, monseñor Munilla?

Pois dixo nada máis e nada menos que:

"os españois teñen un problema máis grave có das 'inocentes' vítimas do terremoto en Haití"
(podedes escoitalo aquí)

e quedou tan ancho!

Independentemente do contexto no QUe fixo estas abominabeis declaracións a pregunta que me fago é a seguinte:
Que autoridade ética e moral ten unha persoa que se atreve a dicir isto?

Este señor debería de facer as maletas e marchar para a súa casa.

Xa!
Comentarios (4) - Categoría: Persoas non gratas - Publicado o 15-01-2010 11:11
# Ligazón permanente a este artigo
Do deputado defensor dos valores
Chámase Jaime Mayor Oreja.

Resultou elixido deputado no Parlamento Europeo nas eleccións do domingo pasado.

Agora resulta que vai representarnos porque saiu elixido precisamente pola nosa circunscrición.

E nas súas primeiras declaracións dixo:

"la UE es una comunidad de valores", polo que "esos valores y la defensa de los mismos serán uno de los objetivos del Partido Popular, porque han ganado los valores de millones de españoles".

De que valores está a falar?

Do que estou seguro é de que non son os meus.

Comentarios (4) - Categoría: Persoas non gratas - Publicado o 09-06-2009 18:47
# Ligazón permanente a este artigo
Do cardeal Cañizares e os abusos sexuais
O cardeal Antonio Cañizares, prefecto da Congregación polo Culto Divino e a Disciplina dos Sacramentos do Vaticano afirmou que os continuados abusos sexuais a menores cometidos en colexios católicos de Irlanda son menos graves có aborto. (!!!)

O cardeal pediu perdón polos continuados abusos a menores cometidos en escolas católicas irlandesas entre os anos 50 e 80, pero precisou nunhas declaracións en Roma que ?o que puido ter acontecido nuns cantos colexios non é comparábel cos millóns de vidas destruídas polo aborto?.

Isto é botar balóns fóra! (Nos seremos malos, quen sabe?, pero hai cousas peores!)

Contra que mandamento estará a pecar este suxeito?
Comentarios (6) - Categoría: Persoas non gratas - Publicado o 28-05-2009 18:05
# Ligazón permanente a este artigo
[1] 2 [3]
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0