Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

Viva Rio!
Quede moi claro a quen isto lea que a quen subscrebe impórtalle un carallo iso que chaman "espírito olímpico" e que todo o tema do Comité Olímpico Internacional e esas cousas lle parecen unha xuntanza de facinerosos.

Pero que queredes que vos diga: levei unha alegría cando souben que non lle deran a Madrid as olimpiadas de 2016 porque llas deran a Río de Janeiro.

Organizar unhas olimpiadas en madrid parecíame unha cousa de novos ricos que non saben que facer co diñeiro. Xa houbo unhas en Barcelona. Para que máis?

Barcelona quedaría moi bonita pero aquí aínda non temos ten eléctrico!

Ía ser o mesmo outra vez?

Que viva Río!

Veña un grolo polo Brasil!

Comentarios (7) - Categoría: Deste noso mundo inxusto - Publicado o 02-10-2009 19:12
# Ligazón permanente a este artigo
Da cobiza do gran capital
Falo de gran capital porque parece que iso xa non existe por pouco mencionado con esta terminoloxía.

Pero non podo ficar calado:

HORRORíZAME a cobiza de todos eses que andan por aí a darse entre eles xubilacións multimillonarias neste noso mundo cheo de crise e de famentos e de parados.

Coincide que son os mesmos que falan de abaratar o despido e cousas desas.

Non só me horrorizan. Danme NOXO.
Comentarios (3) - Categoría: Deste noso mundo inxusto - Publicado o 01-10-2009 21:53
# Ligazón permanente a este artigo
Do concerto de Juanes e outros na Habana
Non é que me guste moito o cantante colombiano Juanes, máis ben nada, nin tampouco a maioría dos outros que participaron, pero estou a alucinar coa cantidade de críticas que lle fixeron os medios de comunicación ao cantante polo concerto que organizou na Habana o pasado domingo baixo o lema "Paz sen fronteiras" ao que asistiron un millón de persoas, nada máis e nada menos.

Sen ánimo ningún de defender o réxime cubano quixera salientar que eses mesmos medios calaron a boca coma petos cando o ano pasado se celebraron os xogos olímpicos na cidade de Pequín.

Velaquí o comezo dun artigo que con motivo de tal evento publiquei no Diario de Ferrol:

"O pasado oito de agosto o mundo enteiro quedou abraiado perante o despregue de medios tanto humanos como tecnolóxicos utilizados na cerimonia de inauguración dos Xogos Olímpicos na cidade de Pequín, u acontecemento que tivo lugar no interior dun estadio que chamaba a atención tanto polas súas dimensións como pola singularidade do seu deseño, xa que ten a forma do xigantesco niño de paxaro que lle dá o nome. Todo foron noraboas e parabéns para os organizadores do evento por parte de público, dos gobernos dos diferentes países participantes e das autoridades de alto nivel presentes no lugar, mais o ruído dos aplausos non nos debería facer esquecer o constante atropelo dos dereitos humanos no país onde a tal cerimonia tiña lugar, sobre todo se temos e conta que no ano 2001 o Comité Olímpico Internacional decidiu conceder a organización dos Xogos de 2008 á candidatura presentada por Pequín coa seguridade de que a concesión había de facer medrar o respecto polos mesmos."

No mesmo artigo, entre outros, falaba dos seguintes atropelos aos dereitos humanos apuntados por Amnistía Internacional:

"A ONG denuncia que por mor da existencia dun sistema penitenciario baseado en moitas ocasións na ?reeducación polo traballo?, hai na actualidade arredor de cincocentas mil persoas detidas que nunca recibiron asistencia letrada nin compareceron perante un tribunal e están condenadas a desenvolver traballos forzados ao longo de moitas horas.
Mais a listaxe de atropelos aos dereitos humanos nesta China que abraiou ao mundo ao longo do mes de agosto e na que calquera persoa que pase polo sistema penal do país ten moitas posibilidades de sufrir torturas, acada o seu grao máis alto coa práctica constante da execución de prisioneiros, arredor de dez mil persoas cada ano, aínda que non existen cifras exactas porque as estatísticas sobre a aplicación da pena de morte son un segredo de estado, o que obriga ademais a que os xuízos se celebren a porta pechada sen seguridades xurídicas. A pena capital aplícase en China a sesenta e oito delitos, incluídos os casos de corrupción e os relacionados coas drogas, tema este último sobre o cal Amnistía Internacional tamén denuncia a rehabilitación forzosa de drogodependentes en condicións infrahumanas para ?facer unha limpeza de Pequín con vistas aos xogos olímpicos?
."

Vaia dobre raseiro: os xogos olímpicos de pequín non espertaron ningunha crítica digna de mención na prensa española. O concerto de Juanes provocou un verdadeiro regueiro de denuncias.

Que hipocresía!

Os chineses teñen moitos negocios con Occidente. Os cubanos non teñen nada.

Nadiña de nada.


Comentarios (2) - Categoría: Deste noso mundo inxusto - Publicado o 22-09-2009 19:15
# Ligazón permanente a este artigo
Da muller que desafiou o Ramadán
Con valentía, que é com se esnaquizan os valados da intransixencia, Zineb el Rhazaoui, vinte e oito anos, marroquina, xornalista, desafiou a absurda prohibición de comer ao longo do día durante o mes do Ramadán. E digo o de absurdo porque non aturo as prohibicións vencelladas ás relixións, a ningunha delas.

Podedes ler aquí a crónica do seu desafío.

Nada peor para calquera sociedade que a mstura de política e relixión (por iso tampouco me gusta o goberno de Núñez Feijóo, vencellado como está ao Opus Dei)

Nunca saíu desas mesturas nada bo.

Só hai que ollar as mulleres de calquera país musulmán. Pensade en Afganistán ou nos riquísimos Emiratos Árabes, onde non poden nin conducir!

Veña un grolo pola valentía de Zineb el Rhazaoui!
Comentarios (5) - Categoría: Deste noso mundo inxusto - Publicado o 18-09-2009 17:39
# Ligazón permanente a este artigo
O gran negocio da gripe A
No mundo, cada ano morren dous millóns de persoas vítimas da malaria, que se podería previr cun simple mosquiteiro.

Tamén morren dous millóns de nenos e nenas de diarrea, que se podería curar cun soro oral de 25 céntimos.

Sarampelo, pneumonía, enfermidades curábeis con vacinas baratas, provocan a morte de dez millóns de persoas no mundo cada ano.

A gripe común mata medio millón de persoas cada ano no mundo.

Mais agora todos os medios falan da pandemia da gripe A.

Que hai detrás?

Detrás está o Tamiflu, o medicamento fabricado polos laboratorios Roche, que cando a gripe aviar vendeu millóns de doses aos países asiáticos. (Co que obtivo millóns de euros en ganancias)

Aínda que Roche recoñece que non ten capacidade para satisfacer a demanda mundial desta medicina, négase a permitir que as empresas especializadas en xenéricos produzan o medicamento.

As ganancias para Roche prometen ser astronómicas!

Xa Roche obstruíu os esforzos de Suráfrica para producir unha versión barata das súas medicinas anti-HIV, ameazando con demandar a ese goberno se invadía as súas patentes.

A empresa americana Gilead Sciences é propietaria da patente do Tamiflú. O principal accionista desta empresa é nada menos que Donald Rumsfeld, secretario de defensa de George Bush e artífice da guerra contra Irak?

Se a gripe A é unha pandemia tan terríbel como anuncian os medios de comunicación, se a á OMS lle preocupa tanto esta enfermidade, por que non a declara problema de saúde pública mundial e autoriza a fabricación de medicamentos xenéricos para combatila?
Comentarios (4) - Categoría: Deste noso mundo inxusto - Publicado o 08-09-2009 20:19
# Ligazón permanente a este artigo
Custodia dunha nena a un pai maltratador
Hoxe apareceu na prensa unha desas novas que aterrrizan e poñen os cabelos de punta:

Retiran a custodia dunha nena á súa nai para lla entregar ao pai condenado por maltrato.

Pero que clase de merda de xustiza hai en España?
Comentarios (1) - Categoría: Deste noso mundo inxusto - Publicado o 02-09-2009 19:10
# Ligazón permanente a este artigo
Sinaturas por Honduras
Se queres asinar contra o golpe de estado e en solidariedade co pobo de Honduras podes facelo aquí.
Comentarios (4) - Categoría: Deste noso mundo inxusto - Publicado o 17-08-2009 12:55
# Ligazón permanente a este artigo
Da situación actual de Italia
Pon os cabelos de punta.

Haberá xente que ande a rir as grazas de Berlusconi, pero a min dáme medo e realmene non lle vexo nada de gracioso ao personaxe.

Hoxe entereime de que hai patrullas de italianos de ultradereita a patrullar as rúas do país.

Así xurdiu o nazismo.

Pon medo. Non si?

Cando a cousa vaia a peor a ver que din os italianos que votan a semellante personaxe.
Comentarios (3) - Categoría: Deste noso mundo inxusto - Publicado o 14-06-2009 20:19
# Ligazón permanente a este artigo
Da explotación laboral aos inmigrantes
Escoiteino hoxe na radio cando ía xantar:

Preto de valencia un traballador boliviano sen papeis nin contrato perdeu un brazo no traballo (arrincoullo unha máquina que estaba a manipular) e o patrono (o cabrón do patrono) abandonouno ás portas dun hospital logo de botar o brazo no lixo.


Comentarios (4) - Categoría: Deste noso mundo inxusto - Publicado o 10-06-2009 17:42
# Ligazón permanente a este artigo
Do xenocidio támil (2)
Sri Lanka é un estado formado por dúas nacións: a Sinshala e a Támil.

Durante a época da ocupación británica unificáronas por motivos de conveniencia administrativa baixo o nome de Ceilán.

No ano 1948 os británicos entregaron o poder á nación Sinshala e dexeito case inmediato o novo goberno privou de dereitos a un millón de támiles.

O asoballamento acababa de comezar!

A opresión sobre os támiles abarca a lingua, a cultura, a educación, o emprego e as liberdades civís.

O goberno Sinshala comezou tamén no ano 1948 a ocupación sistemática do territorio támil.

Os támiles están dende entón a procurar o recoñecemento dos seus dereitos como pobo, mais nada podenfacer contra a brutalidade do goberno que os oprime con man verdadeiramente dura e con toda a forza do seu armamento.

Dende o ano 1976 os Tigres Támiles (exército de Liberación do Pobo Támil) está a loitar pola autodeterminación da súa nación.

No ano 2001 liberaran xa o setenta por cento do territorio que historicamente lles pertence.

En 2002 coa axuda de Noruega acadouse un cese de hostilidades entre os Tigres Támiles e o Goberno de Sri Lanka. Os observadores internacionais recoñeceron os Tigres Támiles coma únicos representantes dos Támiles de Sri Lanka logo dunha longa serie de conversas.

O exército de Sri Lanka nunca recoñeceu este acordo e está a bomberdear o territorio támil e a apreixar os seus habitantes en campos de concentración.

Para máis información:
www.srilanka-genocide.org
www.tamilsagainstgenocide.org
www.tamilsforum.com
www.tamilnet.com

"Todo canto cómpre para o triunfo do mal é que a xente boa non faga nada"
(Edmund Burke)


Comentarios (4) - Categoría: Deste noso mundo inxusto - Publicado o 17-04-2009 19:21
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0