Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

Catro días de ausencia
Até o vindeiro venres 26 de marzo estarei na cidade de Bruxelas, polo que non actualizarei o blog.

Deica logo!
Comentarios (3) - Categoría: Xeral - Publicado o 22-03-2010 20:21
# Ligazón permanente a este artigo
Pechado por nadal
Co meu máis grande desexo de que todas as visitas do Tiñádelo que ver teñades unhas moi boas festas, baixo o telón do blog por vacacións até despois de reis. Deica logo e pasádeo ben!
Comentarios (3) - Categoría: Xeral - Publicado o 23-12-2009 21:40
# Ligazón permanente a este artigo
Das cousas que sei de Suecia
Falababa na achega anterior de Suecia.

Déixovos un obxecto para o recordo:

Comentarios (7) - Categoría: Xeral - Publicado o 27-07-2009 12:05
# Ligazón permanente a este artigo
Ollos de mel
Sempre lle dixeran que tiña unha ollada doce coma o mel e fonda coma unha colmea. E esas comparacións, como non dicilo, aledábano até a cerna mesma do corazón, a el, que fora unha das persoas máis solitarias que pisara a terra, a el, que se entendía mellor coas abellas que coas persoas, a el, que vivía única e exclusivamente para facer mel, a el, que percorría quilómetros e máis quilómetros cada xornada para chegar até aqueles lugares onde colocara as colmeas para que as abellas procurasen os néctares máis saborosos e se sentisen verdadeiramente felices.
El mesmo pensara algunhas veces que era abella e voaba solitario polo monte na procura das flores máis deliciosas! E que feliz se sentía!
Agora xa non vía nada dende aquel maldito accidente, unha concatenación de pasos mal dados, unha carreira polo monte para evitar a chuvia, unha póla dunha árbore que sobresaía un pouco de máis, e logo unha escuridade total no ollo dereito seguida de dúas operacións e unha tempada no hospital.
E as abellas quedaran soas no monte. As colmeas todas á mercé do temporal!
Cando puido volver onda elas xa era demasiado tarde.
Agora perségueno as abellas todas as noites cando deita na cama e dá voltas sen poder durmir.
Tes unha ollada doce coma o mel, dicíanlle todos. Tes unha ollada fonda coma unha colmea.
Como lle gustaría ser abella e fuxir pola fiestra cara o monte para ser libre e voar!
Comentarios (4) - Categoría: Xeral - Publicado o 20-07-2009 10:54
# Ligazón permanente a este artigo
Unha semana de ausencia
Marcho a Londres de novo.

Desta volta estarei fóra unha semana enteira, polo que non vou poder actualizar o blog.

Volverei o martes día catorce cargado de forzas e de ideas.

Verémonos!
Comentarios (3) - Categoría: Xeral - Publicado o 07-04-2009 11:29
# Ligazón permanente a este artigo
Catro días de ausencia
Até o vindeiro venres tres de abril estarei na cidade de Londres, polo que non vou poder actualizar o blog.

Vémonos á volta!

Deica logo!
Comentarios (5) - Categoría: Xeral - Publicado o 29-03-2009 19:46
# Ligazón permanente a este artigo
Árbores floridas

Eva Lozano, visitante diaria deste blog dende o seu comezo, agasalloume dende Cataluña coa foto que vos achego.

Nada como ver o mundo a través das árbores floridas!

A primavera está aí mesmo, a un paso, disposta a sorprendernos unha vez máis co seu sorriso e cos seus caprichos.

Veña un poema de Rafael Alberti:

La primavera ha venido
dejando en el olivar
un libro en cada nido.
Vivir leyendo, leyendo
mientras la paz en el mundo
no se nos vaya muriendo.
Paz, paz, paz para leer
un libro abierto en el alba
y otro en el atardecer
Comentarios (4) - Categoría: Xeral - Publicado o 10-03-2009 21:09
# Ligazón permanente a este artigo
De Pepe Rubianes
Acabo de saber da morte de Pepe Rubianes.
Comentarios (7) - Categoría: Xeral - Publicado o 01-03-2009 19:49
# Ligazón permanente a este artigo
Dos efectos da xenebra
Levo xa tres presentacións a falar do Willy, o protagonista do meu Shakespare destilado, sempre co vaso ou mesmo coa botella de xenebra na man dálle que che dou.

Foi Eva Lozano quen me falou deste vídeo que vos achego. Trátase dunha especialísima entrevista con Shane, o cantante dos Pogues e non puiden menos que pensar no Willy ou mesmo no narrador da miña novela. Ao Shane só lle faltan os sonetos de Shakespeare na boca e o pranto polo desamor de Susanna.

Veña un grolo (outro máis) polos Pogues!

Comentarios (8) - Categoría: Xeral - Publicado o 15-02-2009 18:33
# Ligazón permanente a este artigo
ÁBRESE O PANO
Pola presente declaro inaugurado o meu blog Tiñádelo que ver!
Quedan todos vostedes convidados a ler as miñas intervencións neste espazo de opinión e tamén, como non, a participar coas súas achegas, que sempre serán benvidas.
Tiñádelo que ver é o título dun relato incluído no meu libro As humanas proporcións. A trama do mesmo desenvólvese no interior dun centro comercial onde Megafonía, un personaxe máis, teima en convidar a xente a pasar dunha sección a outra e tamén en crear un fondo ambiental acorde co lugar onde o cliente se atopa en cada momento.
O relato parte dunha miña idea de que o mundo noso, este recunchiño do planeta onde nos tocou vivir (Europa, ou o primeiro mundo, ou chamémolo X), non é moi diferente dun gran centro comercial onde facemos aquilo que se nos manda facer e imos xusto a eses lugares cara a onde se nos manda ir. Comemos aquilo que Megafonía nos obriga a comer e vestimos aquilo que nos obriga a vestir. E pobre de quen saia da ringleira, que vai levar polos catro costados.
E este centro comercial noso está rodeado de pobres por todas partes (África, ou Asia, ou o terceiro mundo, ou chamémolo X tamén), pobres aos que só se lles permite entrar cando os empregados vestidos de verde con cans de presa e material antidisturbios así o permiten, de xeito que, enchoupados de miseria, están condenados a mirarnos a través dos escaparates.
E dentro do centro comercial nós, felices, comemos canto queremos e bebemos a pracer.
Velaí, entón o noso mundo.
Benvidos todos!
Tiñádelo que ver!
Comentarios (6) - Categoría: Xeral - Publicado o 16-01-2009 23:12
# Ligazón permanente a este artigo
[1] 2
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0