OS PRONOMES PERSOAIS ÁTONOS en galego teñen unha certa dificultade, especialmente para os que falan máis castelán que galego ou para os neofalantes. Imos logo darlle un repaso a colocación correcta destes pronomes neste curso, xa que o ano pasado xa os vimos.
O PRONOME ÁTONO NUNCA PODE COMEZAR UN ENUNCIADO
Os pronomes átonos colócanse normalmente despois do verbo e unidos a el: (quérote, dígocho), pero hai ocasións en que se debe colocar o pronome antes do verbo.
CASOS EN QUE O PRONOME ÁTONO VAI ANTES DO VERBO:
1- Cando vai nunha oración negativa ou desiderativa:
(non te quero, oxalá cho dixesen hoxe!)
2- Cando vai nunha subordinada: detrás dun QUE, SE... (dixo que te amaba, se te quixese, viría hoxe).
3- Cando vai nunha interrogativa parcial cun pronome interrogativo ou tras un exclamativo:
Quen che preguntou iso?
Como me alegro da túa boa nota!
4-Cando a oración comeza por algúns indefinidos (algo, alguén, todos...) e adverbios como só, case, tamén, xa, sempre, aínda, seica, ben, mal...: (alguén mo dixo, seica me falara). Cousa que non ocorre con adverbios como os de tempo e lugar: Mañá achégome alí. Exercicios iniciais
TRADICIÓN ORAL: As cantigas de Nadal e ritos tradicionais: Trece lúas, Apalpador, lume, tizón de nadal, as pedras de sal e as danzas e mascaradas de Reis...
