Víchelo, miráchelo!



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

Seguimos lendo

Imos participar dos Premios literarios Martín Sarmiento das Escolas Católicas de Galicia como en cursos anteriores. Para participar só temos que ler e logo botar á novela que máis nos gustara.

Comezamos cunha novela de Natalia Carou Figueira ambientada na Idade Media, titulada A cova da moura

A idea é ter lido este libro despois do Nadal, para despois das vacacións anunciamos logo unha proba de lectura, que será despois das probas do avance a finais de xaneiro, na que temos que entregar un resumo de cada capítulo do libro.





Pedro Madruga, quen era?
Comentarios (3) - Categoría: PLAN LECTOR - Publicado o 10-12-2017 11:31
# Ligazón permanente a este artigo
O AUTOR DE: UN OLLO DE VIDRO. MEMORIAS DUN ESQUELETE

BIOGRAFÍA: Afonso Daniel Rodríguez Castelao
Nado en Rianxo o 30 de xaneiro do 1886, no seo dunha familia mariñeira. Seu
pai enriqueceu na emigración: instalara na Pampa unha especie de taberna
que axiña se converteu nun importante centro comercial. Naquelas terras
arxentinas viviu Castelao dos dez aos catorce anos; a vida da Pampa e da
emigración deixaron fonda pegada no rapaz, que habería de reflectilas en
máis dunha ocasión na súa obra. De volta en Galiza, estuda o bacharelato e
logo a carreira de Medicina en Compostela, comezando a ser popular polas
caricaturas de profesores e compañeiros. Licenciado no 1908, cursa en Madrid
o doutorado, presentándose á I Exposición de Humoristas e obtendo un grande
éxito.

Regresa a Rianxo a exercer a medicina, e alí participa na política municipal,
seguindo a seu pai que era daquela alcalde e líder do conservadurismo
local. Casou no 1912 e deixou a medicina (?fíxenme médico por amor a meu pai;
non exerzo a profesión por amor á humanidad"
) para ingresar por oposición no
Instituto Xeográfico e Estatístico. Destinado en Pontevedra, tamén exerceu o
profesorado como axudante de cátedra de Debuxo no Instituto desta cidade.

Nos anos de efervescencia do agrarismo, Castelao achégase ao movemento
galeguista e nel participa activamente coas Irmandades da Fala, ao tempo que
expón debuxos, dá conferencias e colabora na prensa da época. Vencellado ao
grupo intelectual de Ourense, asume a dirección artística da revista Nós dende
a súa fundación no 1920. No 1922 publica a súa primeira obra narrativa: Un
ollo de vidro
. No 1926, o primeiro libro de Cousas, e ese mesmo ano é elixido
membro da Real Academia Galega. No 1927 vese afectado fondamente pola
morte do seu único fillo e fai unha viaxe a Francia para estudar os cruceiros
bretóns, que deu coma froito o libro As cruces de pedra na Bretaña, publicado
no 1930.

Coa proclamación da II República, Castelao, nas filas do Partido
Galeguista, é elixido deputado pola provincia de Pontevedra e nas Cortes
Constituíntes fai unha apaixonada defensa da lingua galega. Participa
activamente na vida política, especialmente a prol da consecución do Estatuto
de Autonomía para Galiza. Do 1934 ao 1935 foi desterrado a Badajoz. Coincidindo con este feito edita a súa novela Os dous de sempre. Logo
da aprobación por plebiscito do Estatuto de Autonomía, o inicio da Guerra
Civil sorpréndeo en Madrid, onde se atopaba en calidade de deputado para
entregarlle ao presidente das Cortes o texto do Estatuto. Reside en Madrid,
Valencia e Barcelona, acompañando ao Goberno da República nos seus
desprazamentos.

No 1938 viaxa a Moscova, onde expón as coleccións de
debuxos que amosan estampas da guerra. En Nova Iorque tamén expón e nesa
cidade publica a colección Milicianos, con debuxos sobre o mesmo tema. Viaxa
logo a Cuba e finalmente establece a súa residencia en Bos Aires, onde funda,
con outros exiliados, a revista Galeuzca.Escribe alí a súa obra dramática Os vellos non deben namorarseen 1941
En 1944 publica Sempre en Galizaconsiderada unha especie de biblia do nacionalismo galego. No ano 1946 é nomeado ministro do
goberno da República no exilio.Daquela tamén remata o seu traballo sobre As cruces de pedra na Galiza . Un dos derradeiros discursos que dá no Centro Galego de Bos Aires é o titulado Alba de Groria (1948).

Morreu en Bos Aires o 7 de xaneiro do 1950
e foi soterrado no panteón do Centro Galego. No 1984 os seus restos foron
trasladados a Galiza.

Sobre a obra que imos ler e realizar un exercicio de comprensión lectora. Ver máis
Comentarios (1) - Categoría: PLAN LECTOR - Publicado o 23-10-2017 06:45
# Ligazón permanente a este artigo
Un libro de lectura para a 3ª avaliación

O libro que debemos ler na casa nos próximos 30 días son dous relatos moi coñecidos de Edgar Alan Poe o coñecido autor norteamericano que traslada aos seus relatos unha parte do seu mundo atormentado. Son os relatos de suspense: O escaravello de ouro e Os crimes da rúa Morgue.

Lembra que xunto que ademais da proba de lectura que realizaremos a no mes de maio, deberán presentarse unha serie de actividades sobre:
- Os textos auxiliares.
- A Análise literaria dos dous textos.
- A lingua e o estilo.
- As leccións de Poe.

Boa lectura!!
Comentarios (0) - Categoría: PLAN LECTOR - Publicado o 18-04-2017 06:43
# Ligazón permanente a este artigo
MADE IN GALIZA (Literatura e sociolingüística van da man)
Aínda que hai quen xa comezou a ler textos relacionados coa materia a raíz da celebración de Defuntos (falamos da lectura do texto de Castelao: Un ollo de vidro) esta lectura que propoñemos como obrigatoria será MADE IN GALIZA de Séchu Sende.

Trátase dun libro un tanto especial, habitualmente recomendado para outros cursos máis adultos, pero que imos introducir no presente como experiencia para traballar eses aspectos relacionados coa sociolingüística e a creación de textos de diversa índola que aparecen na Programación e que esperemos resulten deste xeito más doados de desenvolver e mellor asimilados por todos. Ademais queremos facer da lectura deste libro unha experiencia singular ao tentar levarla ao terreo da expresión oral, a dramatización e a utilización das TIC en galego a medida que vaiamos traballando os seus textos na aula.

Para a introdución-presentación desta lectura botaremos man dun pequeno vídeo:



Existe unha guía de lectura e exercicios sobre o libro: Lendo made in galiza

Imos seguir unha orde distinta á da aparición dos relatos no libro:

EU FIXEN OUIGHA CO ESPÍRITO DE CASTELAO

FALAR

A LINGUA MÁIS DIFÍCIL

NIN EN SOÑOS VOU PERDER A MIÑA LINGUA

A AGULLA DE MAREAR

INSTRUCCIONES PARA APRENDER A HABLAR GALLEGO



Estudo sociolingüístico sobre a mocidade baixo os efectos das drogas

Eu nunca serei yo

Nh positivo

Laboratorios sociais de normalización lingüística
Comentarios (0) - Categoría: PLAN LECTOR - Publicado o 18-12-2016 21:38
# Ligazón permanente a este artigo
UN OLLO DE VIDRO. MEMORIAS DUN ESQUELETE

Imos comezar co PLAN LECTOR deste curso en galego cun texto moi coñecido de A.D. Rodríguez Castelao.

Primeiro temos que facernos co texto (libro, libro dixital...) de UN OLLO DE VIDRO e logo iniciar a lectura con esta advertencia, tras coñecer a biografía de Castelao.

Agora que xa sabemos que Castelao era médico e coñecido caricaturista, imos ver cano e como escribiu esta obra. O noso autor foi invitado a dar unha charla sobre o humor e a arte en 1920 nunha exposición na Coruña e alí comezou a escribir este relato que logo ampliou e rematou coa intención de que a narrativa galega contase con novos textos. Iso de que houbese máis textos en prosa escritos en galego, unha das teimas da xeración de autores da época, ligados ás Irmandades da Fala e a Xeración Nós.

Un ollo de vidro. Memorias dun esquelete

Estrutura complexa: Atentos aos narradores
Nesta primeira obra Castelao preséntanos as memorias escritas por un esquelete nun cemiterio de cidade e que o enterrador lle entrega a el. Desde o propio prólogo, o autor sitúanos perante unha obra de humor macabro:

Iste enterrador tense por home de ben e cóntame cousas tráxicas que fan rir e cóntame cousas de rir que arrepían.

Mais o humor non é un fin en si mesmo, senón unha forma de analizar criticamente a realidade. O narrador das memorias tivera en vida un ollo de vidro, o cal lle permite ver na súa existencia de ultratumba. Así, vainos presentando pequenos cadros con personaxes que levan consigo á cova a súa ideoloxía, a súa forma de vivir, etc.

Vaiamos da mao de Castelao a saber como é ese mundo de ultratumba!
Comentarios (5) - Categoría: PLAN LECTOR - Publicado o 10-11-2016 21:06
# Ligazón permanente a este artigo
LENDO E COMPRENDENDO

Para a lectura deste Nadal, Memorias dun neno labrego de X. Neira Vilas ios ir lendo cada capítulo e consultando as palabras ou expresións que non coñezamos e cando rematemos o capítulo realizar un breve resumo procurando manter a estrutura do propio relato (un parágrafo ou dous parágrafos) co argumento do mesmo, indicando o tipo de narrador, os personaxes, os espazos e os tempos que aparezan nese capítulo.

1-Vocabulario do capítulo
2-Resumo co argumento do capítulo
3- Narrador e personaxes.
4- Espazos e tempos.


A continuación poremos un exemplo do que hai que facer co primeiro dos capítulos:

EU SON...

1- Vocabulario: "ser un ninguén":ser unha persoa a que non se considera, marxinada ou despreciada.

non hai quen lle tusa: persoa á que se lle ten respecto.
Alancar: dar pasos grandes
Brocha: chatola
restrebar ou xuntar monllos: volver a labrar unha leira/ monllo é un atado de herba ou semellantes.
moxardos: moscas
muíños apeados: parados (por encherse de auga)
espeteiras: táboa con espetos ou garfos para colgar
Murnas: mancha na pel por efecto de achegarse ao lume.
fridas: (feridas)
Gurrucho: grolo
Broa: pan de millo
os trafegos da terra os labores da terra
Cortizo: colmea

Adoezo: estar falto ou desexoso de algo.
Tripando: pisar
baldeirar o corazón: baleirar os sentimentos e preocupacións.

2- O primeiro dos capítulos é a presentación do personaxe principal, Balbino, que se define como alguén sen importancia e pobre en oposición a outro personaxe, Manolito, ao que se repecta. É un neno de aldea fronte aos da vila. Está desexoso de ver mundo porque a aldea lle queda pequena e vese triste como os seus semellantes, tamén deescribir un libro. Finalmente dinos que escribe as súas reflexións sobre o mundo que adoece por entender e que a ninguén conta pois pensa que igual está algo tolo. Escribe para envorcar os seus sentimentos cada noite e liberarse desa pobreza que o abafa.

3-Narrador protagonista, é o personaxe principal, aínda que retrata tamén aos que son coma el de aldea. Outros personaxes con certos trazos de antagonistas: son Manolito (ao que se lle respecta) e os nenos da vila (distintos dos da aldea). Cítase a un tal Landeiro do que se di que lle deu un libro escrito por Smith.

4-O espazo ao que fai referencia é unha aldea galega, aínda que fala en concreto dende unha casa, a de Landeiro, na que vive e escribe.
Os tempos son imprecisos ao realizar unha reflexión sobre a súa curta vida no verán e no inverno, unha revisión do seu pasado dá a impresión dun tempo interno dunha secuencia reducida de varios anos da súa infancia na aldea na casa onde naceu e criou. O tempo externo: Os anos 40.





Comentarios (0) - Categoría: PLAN LECTOR - Publicado o 17-12-2015 06:46
# Ligazón permanente a este artigo
O LIBRO PARA NADAL: MEMORIAS DUN NENO LABREGO

Imos ler un gran libro da nosa literatura para comezar co plan lector deste curso:
MEMORIAS DUN NENO LABREGO de Xosé Neira Vilas.




Este autor que estivo hai uns anos no colexio, faleceu lamentablemente hai uns días e neste curso temos a oportunidade de achegarmonos ao seu libro máis coñecido e universal.



Comentarios (0) - Categoría: PLAN LECTOR - Publicado o 10-12-2015 19:35
# Ligazón permanente a este artigo
Comezando coas lecturas
Aínda que hai quen xa comezou a ler textos relacionados coa materia a raíz da celebración de Defuntos (falamos da lectura do texto de Castelao: Un ollo de vidro) esta lectura que propoñemos como obrigatoria será MADE IN GALIZA de Séchu Sende.

Trátase dun libro un tanto especial, habitualmente recomendado para outros cursos máis adultos, pero que imos introducir no presente como experiencia para traballar eses aspectos relacionados coa sociolingüística e a creación de textos de diversa índola que aparecen na Programación e que esperemos resulten deste xeito más doados de desenvolver e mellor asimilados por todos. Ademais queremos facer da lectura deste libro unha experiencia singular ao tentar levarla ao terreo da expresión oral, a dramatización e a utilización das TIC en galego a medida que vaiamos traballando os seus textos na aula.

Para a introdución-presentación desta lectura botaremos man dun pequeno vídeo:



Existe unha guía de lectura e exercicios sobre o libro: Lendo made in galiza

Imos seguir unha orde distinta á da aparición dos relatos no libro:

EU FIXEN OUIGHA CO ESPÍRITO DE CASTELAO

FALAR

A LINGUA MÁIS DIFÍCIL

NIN EN SOÑOS VOU PERDER A MIÑA LINGUA

A AGULLA DE MAREAR

INSTRUCCIONES PARA APRENDER A HABLAR GALLEGO


Comentarios (0) - Categoría: PLAN LECTOR - Publicado o 05-11-2015 05:54
# Ligazón permanente a este artigo
Preséntase DRAGAL IV
Hoxe en Marín vaise presentar DRAGAL IV:
Comentarios (0) - Categoría: PLAN LECTOR - Publicado o 27-05-2015 06:19
# Ligazón permanente a este artigo
ELENA GALLEGO CON 2º DA ESO DO SAN NARCISO

Tras da lectura veu o Encontro coa autora do Dragal, Elena Gallego Abad. Foi toda unha experiencia de aproximación á raíz da creación dunha obra. Os motivos escollidos para crear a trama, as intencións da autora. Unha oportunidade para comprender mellor o proceso de creación e compartir impresións entre autora e lectores neste Encontro da Biblioteca de Secundaria do San Narciso que tiveron a fortuna de vivir hoxe os alumnos e alumnas de 2º da ESO.

Houbo tamén un momento para asinar libros e agasallar á Elena coas creacións que na procura do dragón galego se realizaron na aula.

Se queredes ver unha reportaxe máis ampla podedes vela no blog da Biblioteca de Secundaria.
Comentarios (0) - Categoría: PLAN LECTOR - Publicado o 18-03-2015 19:38
# Ligazón permanente a este artigo
[1] 2 [3] [4]
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0