Víchelo, miráchelo!



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

A MÚSICA TRADICIONAL
Imos traballar en dúas partes este capítulo dedicado á musica tradicional

A MÚSICA TRADICIONAL (Instrumentos)

A MÚSICA TRADICIONAL (do folclore ao folk)
Comentarios (0) - Categoría: MÚSICA EN GALEGO - Publicado o 01-12-2022 20:59
# Ligazón permanente a este artigo
Contidos da Proba da 1ª Avaliación
OS NOMES DAS COUSAS:
- Palabras cultas e patrimoniais páx. 21 do libro
-Os instrumentos populares páx. 40 do libro e no blog
- Denotación e connotación páx. 41

GRAMÁTICA: As clases de palabras.
- Morfemas flexivos do substabtivo páx. 44
- Sufixos alterativos e derivativos páx. 61
- Os tipos de frases (mellor no blog).
- Repasando a estrutura do verbo.

ORTOGRAFÍA:Interferencias lingüísticas páx. 42-43

LINGUA E SOCIEDADE: Estereotipos e prexuízos páx.22-23

LITERATURA:- Os xéneros literarios páx. 26-27
- A lírica páx. 46-47 do libro.
A lírica medieval

COMPRENSIÓN/ EXPRESIÓN:
- Identificar prexuízos nun texto.


LECTURA: En galego, por que non?
- Capítulo 1º

Comentarios (2) - Categoría: Xeral - Publicado o 24-11-2022 17:23
# Ligazón permanente a este artigo
A LÍRICA MEDIEVAL
Botémoslle unha ollada rápida á nosa lírica medieval, foi produto dunha época de esplendor cultural e nun contexto no que o galego era unha lingua normalizada. Este proceso tivo, como é lóxico, un período previo de desenvolvemento grzas á tradición oral autóctona que non madurou ata que chegou a escrita, proceso asociado ao Trobadorismo, é dicir, a unha moda de literatura culta que chegou a nós grazas ao Camiño de Santiago nun proceso de intercambio cultural cos reinos francos.

Tipos de cantigas:

As cantigas de amigo

As cantigas de amor

As cantigas de escarnio e maldicir

As cantigas relixiosas de Sta. María


TRABALLO DE CREACIÓN: Convértete en protagonista dunha cantiga de amigo (se es unha moza) ou dunha cantiga de amor (se es un mozo). Poñemos a continuación un par de exemplos do que se pode facer a partir das cantigas de amigo de Martín Códax.

Na procura de cantigas




Comentarios (0) - Categoría: POESÍA - Publicado o 18-11-2022 07:05
# Ligazón permanente a este artigo
REPASANDO A ESTRUTURA DO VERBO

Neste repaso imos lembrar o que hai que aprender do verbo en galego.

As 3 conxugacións, os 3 modos, os 10 tempos (6 de indicativo, 3 de subxuntivo e o Imperativo). Lembrar tamén as formas non persoais do verbo e o noso infinitivo conxugado.



O 80% dos verbos son verbos regulares polo que é moi doado aprender a estrutura de modos e tempos para poder conxugalos con soltura. Podes consultar o enlace seguinte coa conxugación de distintos modelos de verbos regulares
Comentarios (1) - Categoría: GRAMÁTICA - Publicado o 15-11-2022 06:52
# Ligazón permanente a este artigo
Unha verdadeira marabilla por descubrir: A MÚSICA TRADICIONAL

O léxico básico dos instrumentos da música tradicional galega

CANTOS GRUPOS DE MÚSICA GALEGA COÑECES?
Sabes o nome de dez grupos galegos, que fagan ou fixeran música en galego? Seguro que che resulta difícil nomear máis de cinco.

Para que non nos pase iso, que saibamos do noso, que poidamos presumir da nosa cultura e de como calquera outra ten música de todos os estilos e gustos posibles imos desenvolver ao longo deste curso un traballo sobre a música galega, entendendo como música galega a que se fai e canta en galego ou que manifesta conexión coa nosa terra.

Poñamos para comezar 4 exemplos de estilos ben diferentes.

ACTIVIDADES
Comecemos pola música tradicional ou popular:

1- Cal é unha das pezas máis antiga da nos amúsica tradicional? Realiza as actividades do en lace que segue sobre esta peza tradiciónal anónima que posiblemente sexa unha das máis antigas que se conservaron por tradición ata que pasou a formar parte dun cancioneiro. Coñece a súa historia: O ROMANCE DE DON GAIFEROS DE MORMALTÁN


Comentarios (0) - Categoría: MÚSICA EN GALEGO - Publicado o 10-11-2022 18:04
# Ligazón permanente a este artigo
EN GALEGO, POR QUE NON? CAPÍTULO I

ACTIVIDADES
1- Que diferenza hai entre unha opinión de prestado e unha opinión propia?

2-Neste primeiro capítulo primeiramente na procura dunha opinión propia que cousa se pretende combater: As _____________

3- Que tipo de exercicios usa o autor para axudar a evitalas? Cres que o logra? Por que?

4- Outro problema que se pretende resolver dende o inicio é a influencia das distorsións, de interpretar de xeito equivocado a realidade, é dicir, os prexuízos. Con que exercicio intenta axudar a superar este problema? Cres que é válido este método?

5- Cres que os obstáculos que temos para normalizar a nosa lingua poden ser menores se nos deixamos de simplificacións e prexuízos? Por que? Razoa a resposta.
Comentarios (0) - Categoría: SOCIOLINGÜÍSTICA - Publicado o 08-11-2022 19:31
# Ligazón permanente a este artigo
EN GALEGO POR QUE NON? (Prólogo e Capítulo 0)

DESPOIS DE LER O PRÓLOGO E O CAPÍTULO 0

CUESTIÓNS
1- A que xénero pertence este libro? Porque esta lectura non é unha novela nin un conto, non é un libro de poesía nin é de teatro.

2- Sobre a páxina 11: Este libro a quen vai dirixido especialmente? Por que?

3- Con que adxectivo, os galegos/as, denominamos á gaivota común? Que ten de estraño?
Por que cres que facemos isto os galegos/as?

4- Algo semellante a da gaivota ocorreu con ROSALÍA DE CASTRO, pero como debemos interpretara a súa obra? Atopa a resposta na páxina 14.

5- Sobre que vai tratar este libro de Manuel Núñez Singala? Por que o sabemos. Procura os argumentos que dá o autor na páxina 15.
Comentarios (0) - Categoría: SOCIOLINGÜÍSTICA - Publicado o 04-11-2022 17:29
# Ligazón permanente a este artigo
A DANZA DO ABELLÓN

Dunha tradición case esquecida: A danza do abellón ou nestoutro enlace
Comentarios (0) - Categoría: CULTURA TRADICIONAL - Publicado o 01-11-2022 21:39
# Ligazón permanente a este artigo
Unha historia do tempo de Defuntos

Constrúe un texto narrativo a partir desta viñeta e usando como elementos referenciais o que xa sabes sobre a morte e a tradición en Galicia. Escolle con esmero para esta historia o seu final, pensa logo tamén o ton, o ritmo máis axeitados, aqueles que che permitan poñer en práctica e amosar no texto creado as túas destrezas literarias máis sutís e deleitosas.

Has de reflexionar sobre a voz narrativa que vas usar, de entre as varias posibles e, claro está, o/a ou os/as teu(s)/túa(s) protagonista(s). Podes usar a descrición de espazos e o diálogo de personaxes, ou se cadra botarás man dunha narración sen máis. Pero enche o texto de recursos estilísticos que fagan o texto atractivo e intenso. Un consello esencial: Debes coidar a ortografía, pasarlle o corrector e procurar non ter nin unha soa falta. Sorpréndenos!

NOTA DE INTERESE: Esta pequena obra poderá sumarche un punto nesta avaliación a túa nota mais só haberá tres textos seleccionados por aula canxeables por unha das preguntas do próximo exame de galego. Anímate a probar sorte!
Comentarios (0) - Categoría: CREOCOMUNICACIóN - Publicado o 28-10-2022 05:15
# Ligazón permanente a este artigo
ESTEREOTIPOS E PREXUÍZOS



Imos entrar neste apartado da Sociolingüística que analiza os prexuízos lingüísticos, un dos elementos que impide avanzar máis axiña no proceso de Normalización da nosa lingua. O obxectivo deste apartado, despois de saber identificalos, será lograr erradicalos. Os prexuízos son causantes de serias discriminacións e de claras inxustizas en contra do galegos e dos galegos.

Lamentablemente existen na sociedade multitude de prexuízos ademais dos lingüísticos. Contra as mulleres, comunidades ou países diferentes ao noso, etc... e, por iso, é de xustiza combatelos.

Un prexuízo é criticar sen argumentos obxectivos, sen ter coñecementos previos de algo. De tal xeito aglutinamos baixo un mesmo criterio varios grupos de persoas, é dicir, creamos unha opinión comunmente negativa sobre ese grupo de persoas ou unha situación sen reparar nas singularidades de cadaquén. O prexuízo lingüístico é un xuízo de valor sobre unha lingua e os seus falantes. Os romanos e os gregos falaban por exemplo de pobos "bárbaros" e polo tanto inferiores para referirse aos que non falaban latín ou grego, linguas do imperio.

Traballaremos logo sobre este tipo de opinións preconcibidas que están asociadas precisamente á socialización, ás regras sociais de convivencia, algunhas moi antigas e que frecuentemente acaban sendo causa de discriminacións de diversa índole.


COMO NACEN OS PREXUÍZOS?

Os prexuízos parten dunha tautoloxía (unha opinión irrefutable) que son os denominados estereotipos.

Primeiro pensamos, logo esas ideas pasan a ser sentimentos e o máis grave é cando se converten en accións negativas.

CUESTIÓNS:
1-IDENTIFICANDO OS PREXUÍZOS MÁIS COMÚNS SOBRE O GALEGO
Despois de definir o concepto debemos dar un paso máis neste proceso de erradicación dos prexuízos.
A primeira das metas que nos marcamos é poder identificar ditos prexuízos. Imos probar sobre un texto, unha situación determinada.
Imos probar a identificar que prexuízos dos que aparecen na listaxe da ilustración están neste texto adaptado dun relato de Suso de Toro:

- ¿Qué quiere?
- Viña cambiar o meu nome do castelán para o galego.
- Pero hombre, no le entiendo. ¿Qué pasa con su nombre? ¿Está mal?... es que no acabo de entender lo que pretende usted exactamente. No sé a dónde quiere llegar.
5- Pois Mire, o nome co que eu figuro no Rexistro Civil é "José". Ben, pois onde di "José" eu quero que poña "Xosé". Non sei se me expliquei ben ou lle queda confusa esta última parte.
- No me sea irónico, que así no se le va a ninguna parte. En resumidas cuentas, usted lo que pretende es traducir su nombre al gallego. Ya veo. Verá yo no me quiero meter en lo que no es de mi incumbencia, pero dígame, ¿no le gusta su nombre? José es un nombre muy bonito. Yo mismo me llamo José. Y mi hijo mayor, que es abogado.
10- Mire, señor José, nin me gusta nin me deixa de gusta o meu nome, pero eu quero que figure en galego.
- Ya, ya veo. Pero, total, a usted qué más le da. Si usted quiere llamarse Xosé, ¿quién se lo impide? Es libre de firmar como quiera.
- Xa, pero eu quero que, ademais de chamarme eu a min mesmo ?Xosé?, figure así nos papeis. Que se me recoñeza o meu nome.
15- Ya. Como los travestis, que se operan y luego quieren que se les reconozca el cambio de sexo. Vamos, entre hombres, de tú a tú. Dígame la verdá, ¿a usted le llama realmente alguien "Xosé"? Non lle pasa coma a min que todos me chaman Pepe?
- Si, home. Pero eu quero figurar a todos os efectos legais coma o "Xosé" que son.
- Ya, como los travestis. O sea que lo suyo es debido a sus ideas.
20- Pois si señor. O meu idioma é o galego, o idioma do meu país é o galego, e eu quero dentro e fóra do meu país chamarme "Xosé". En galego. Non sei se me explico.
- Se explica usted perfectamente. Es sorprendente cómo las ideas políticas pueden esclavizar a una persona. Y eso que usted parece una persona con estudios?¡Usted es un fanático! Alá usted y las consecuencias que le deparen sus actos. Pero no piense ni por un
25) momento que es usted más gallego que yo. Mire, tamén eu sei falar galego. Sempre que vou ao campo e falo cos paisanos, falo galego. A Marela, o carro , a fonte? Pero galego verdadeiro, eh. O enxebre. Non ese inventado agora polos profesores que non o mamaron. Vostede mamou o galego?, eh?, mamouno?
Comentarios (1) - Categoría: SOCIOLINGÜÍSTICA - Publicado o 25-10-2022 06:00
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0