Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Culturgal 2018

Pois alá foi xa outra edición máis do Culturgal, a gran feira da cultura galega.

Como devoto que son desta temática, pasei alí boa parte do sábado e trouxen unhas cantas cousas que tiñan moi boa pinta. Segue tendo a boa saúde habitual, aínda que este ano botei en falta algúns postos de venda de música que levaban moitos anos, e que ocupaban bastante espazo. Non sei se o negocio non lles ía tan ben, ou se faltaron por outra razón, pero vaia, que sempre resulta interesante atopar á xente que está intentando saír adiante dedicándose á cultura galega ou algo que se lle parece.

Saúdos.
Comentarios (0) - Categoría: Xeral - Publicado o 30-12-2018 13:48
# Ligazón permanente a este artigo
Arnoia, Arnoia, o circo da casa pequena

E a segunda fantástica obra de teatro galego que vimos hai unhas semanas na Coruña foi "Arnoia, Arnoia, o circo da casa pequena". Lera un artigo en Sermos Galiza que me fixo interesarme pola obra, e o acerto foi total.

Dende logo, a aposta era ben arriscada, por moi singular. Era unha coprodución do Centro Dramático Galego con Pistacatro (que se dedican ao circo). Dirixía Quico Cadaval (que sempre é unha garantía, e despois de ver isto, nin che conto) e a trama está baseada nunha novela de Xosé Luís Méndez Ferrín que non lin, pero ten pinta de ser bastante surrealista e non doada de seguir.

Así que todo pintaba regular, pero o resultado é fascinante. Actuaban xente bastante descoñecida na escena galego, como Ánxela Blanco, Aitor Garuz, Pablo Reboleiro, Álvaro Reboredo e Beatriz Rubio. Algúns destes nomes sóanme algo do circo e da danza contemporánea, pero obviamente, non chegan habitualmente aos grandes mercados.

Pero xa digo, un espectáculo marabilloso, sobre todo dende o punto de vista visual e acrobático, está claro que o punto de circo lle dá moito valor. E gustoume moito máis do que esperaba.

Saúdos.


Comentarios (0) - Categoría: Xeral - Publicado o 13-12-2018 20:36
# Ligazón permanente a este artigo
Commedia, un xoguete para Goldoni
Hai unhas semanas, tivemos unhas moi boas sesións de teatro galego na cidade. Constateino con outra xente que non é tan fanático do teatro galego coma min, e que tamén fliparon bastante.

A primeira delas foi "Commedia. Un xoguete para Goldoni". Esta obra xa foi un éxito do teatro galego hai 25 anos. Decidiron recreala e repetiron case todos os actores e actrices orixinais, e iso xa ten bastante mérito. Pero tanto a veteranía como a xuventude marinaron sen problema, e o resultado foi espectacular, como case todo o que toca Cándido Pazó, que era o director.

Os actores e actriz eran Víctor Mosqueira, Nuria Sanz, César Goldi, Marcos Orsi, Avelino González e Serxio Zearreta. Cantaban e tocaban en directo, e é unha obra moi divertida do estilo da Commedia dell'arte italiana, así que é imposible aburrirse.

Saúdos.


Comentarios (0) - Categoría: Xeral - Publicado o 13-12-2018 20:27
# Ligazón permanente a este artigo
XXII Memorial de Teatro Amador Ibán Toxeiro

A Agrupación Cultural Alexandre Bóveda celebrou unha edición máis do seu Memorial de Teatro Amador, que se celebra todos os anos en outono, lembrando a Ibán Toxeiro, xoven actor e socio de honra da Agrupación, que morreu cuns vintecinco anos cando formaba parte do grupo de teatro da asociación.

En todos estes memoriais, mestúranse actores e actrices profesionais e amadores para presentar pequenas obras ou fragmentos doutras máis grandes que nos fan reivindicar esta noble arte, tantas veces anunciada a súa morte pero que segue moi viva.

A gala estivo dirixida por Lino Braxe, como é habitual nos últimos anos, foi presentada por Sabela Hermida, e contouse coa colaboración especial de Bucanero Teatro, formado por Pedro Picos e Xosé Bonome. O Premio Ibán Toxeiro neste caso foi para Begoña Llamosas, directora do Fórum e do Ágora, que coa súa xestión tanto apoia ao teatro amador.

As catro breves obras que se puideron ver, todas creadas por mulleres, e representadas por integrantes do grupo de teatro da A.C. Alexandre Bóveda, foron:
- Nas nubes, escrita e dirixida por Bego Lomba
- Músculo de sal, escrita por Imma Antonio e dirixida por Manuela Varela
- Conversas, escrita por Rebeca Montero e dirixida por Amalia Gómez
- Calíope, escrita por Lucía Iglesia e dirixida por Lino Braxe

Saúdos.
Comentarios (0) - Categoría: Xeral - Publicado o 13-12-2018 20:21
# Ligazón permanente a este artigo
[1] 2
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0