Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

David Clark
David ClarkO outro día por fin puiden coñecer e asistir a unha charla ofrecida polo profesor David Clark, que versou sobre "A literatura de tradición popular escocesa".

Como escocés moi ben integrado na Galiza e profesor de literatura anglosaxona na Facultade de Filoloxía Inglesa da Universidade da Coruña, soubo contarnos cousas interesantes e atraer a nosa atención con historias lendarias. Falouse de Nessie (o monstro do lago Ness), Robert Burns (o mítico poeta escocés) e moitas outras cousas.

E despois fomos tomar algo nesta orde: primeiro máis comida que bebida, despois ao revés. O día seguinte no traballo a primeira hora algo non funcionaba na miña cabeza.

Saúdos. Os Mártires da Caeira.
Comentarios (0) - Categoría: Os Mártires da Caeira - Publicado o 18-06-2007 19:09
# Ligazón permanente a este artigo
Dous escritores portugalaicos
Hai uns días tivemos na sede da Agrupación Cultural Alexandre Bóveda unha gratísima visita. O noso local foi o elixido (e para nós foi unha honra) pola delegación da Consellería de Cultura para a charla dun escritor-xornalista do Alto Douro: José Braga-Amaral.

Veu falar de dous escritores xa falecidos, que vivían no Alto Douro, en torno ás cidades de Vila-Real e Peso da Rêgua, e que tiñan un certo contacto e inmenso aprezo por Galiza: Miguel Torga e Joao Araujo-Correia. Segundo el, dous dos mellores escritores portugueses do século XX, poeta un e autor de contos o outro.

Curiosamente, os dous eran médicos. De caracter difícil, porén tiñan actitudes moi diferentes na súa dualidade medicina-literatura. Mentres Miguel Torga era capaz de deixar plantados aos seus pacientes na consulta se lle chegaba a inspiración, Joao Araujo-Correia escribía nos ratos libres que lle deixaba o seu traballo, xa que ademais atendía a domicilio e andaba moito por aí fóra da casa.

A ver se esta charla serve para ese achegamento co norte de Portugal tan necesario.

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 26-05-2007 18:18
# Ligazón permanente a este artigo
Subida ó Monte Xalo
Este domingo iremos de excursión ó Monte Xalo guiados pola xente da asociación cultural e deportiva "A Pedrosa" de Culleredo.

Sairemos de Orro, subiremos ó Petón do Xalo (creo) e baixaremos a xantar a Celas, todo no concello de Culleredo.

É unha xornada de confraternización entre os grupos sendeiristas da comarca. Seguro que será un gran día.

Saúdos. Os Mártires da Caeira.
Comentarios (0) - Categoría: Os Mártires da Caeira - Publicado o 27-04-2007 16:35
# Ligazón permanente a este artigo
Enerxías renovábeis
O mércores 25 de abril de 2007 (aniversario da Revolución dos Caraveis) a Agrupación Cultural Alexandre Bóveda organiza unha mesa redonda sobre as enerxías renovábeis e o desenvolvemento sostíbel.

Será moderada por André Porto e participarán D. Anxo Calvo Silvosa, Director Xeral de Industria, Enerxía e Minas, un representante da asociación ecoloxista ADEGA e un representante da Asociación de propietarios de terreos VENTONOSO.

Será ás 20 horas na Aula de Cultura de Caixa Galicia da Coruña (Médico Rodríguez, s/n).

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 22-04-2007 11:55
# Ligazón permanente a este artigo
Charla sobre María Mariño
O martes 24 de abril de 2007 Pilar García Negro, gran amiga da casa, falará na Agrupación Cultural Alexandre Bóveda sobre María Mariño.

Un bo momento para saber algo máis sobre a homenaxeada nas Letras Galegas deste ano a cargo dunha experta.

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 22-04-2007 11:50
# Ligazón permanente a este artigo
Poesía de Miguel Sande
Miguel Sande.O martes 10 de abril presentamos na Agrupación Cultural Alexandre Bóveda o último poemario de Miguel Sande, titulado "Hoxe que vén o vento do sur".

Miguel Sande é o delegado da Voz de Galicia na Mariña Lucense. Tamén é autor de teatro. Xa presentou connosco un libro anterior de teatro editado por Biblos. O seu teatro é difícil, arriscado. Se cadra está moi relacionado coa súa poesía.

Saúdos. Os Mártires da Caeira.
Agrupación Cultural Alexandre Bóveda
Comentarios (1) - Categoría: Os Mártires da Caeira - Publicado o 09-04-2007 19:21
# Ligazón permanente a este artigo
Homenaxe a Pancho Pillado
Onte, venres 23 de marzo de 2007, celebrouse na Coruña unha homenaxe a Pancho Pillado, co gallo da súa xa moi cercana xubilación.

Máis ben, chegouse ó colofón do grupo de actos que se celebraron nos últimos días ou semanas relacionados con este tema. Había un acto no Rectorado da Universidade e despois unha cea nun coñecido hotel.

Tristemente non puiden asistir pero en calquera caso dámoslle as grazas pola súa gran dedicación ó país, dende o mundo do teatro e dende a editorial Laiovento.

Saúdos. Os Mártires da Caeira.
Comentarios (1) - Categoría: Os Mártires da Caeira - Publicado o 24-03-2007 15:26
# Ligazón permanente a este artigo
Lingua, nación e identidade
O xoves 22 de marzo, ás 20:30 horas, no salón de actos da A. C. Alexandre Bóveda terá lugar a presentación do libro ?Lingua, nación e identidade? de D. Xosé Ramón Freixeiro, editado por Laiovento. Ademais do autor, estarán os profesores da Universidade da Coruña D. Manuel Ferreiro e D. Xosé Manuel Sánchez Rei.

Máis información en acab.fiestras.com

Saúdos. Os Mártires da Caeira.
Agrupación Cultural Alexandre Bóveda
Comentarios (2) - Categoría: Os Mártires da Caeira - Publicado o 22-03-2007 18:02
# Ligazón permanente a este artigo
Ramón de la Sagra
Ramón de la SagraO xoves 15 de marzo de 2007, ás 20:30 horas, no Salón de Actos da Agrupación Cultural Alexandre Bóveda, Xosé A. Fraga falará sobre a obra científica de Ramón de la Sagra.

Xosé A. Fraga é director do Instituto de Monelos, na Coruña, e é presidente da Asociación de Investigadores Ramón de la Sagra, entre moitas outras ocupacións.

É a primeira do Ciclo de Conferencias sobre Divulgación Científica que imos comezar na asociación, que ademais esperamos que se convirta no principio dunha fructífera colaboración entre as dúas entidades.

Espero que este acto sexa do voso interese, e contamos coa vosa presencia (real ou espiritual).

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 11-03-2007 11:38
# Ligazón permanente a este artigo
A derradeira lección do mestre

"A derradeira lección do mestre" é unha das estampas máis sobrecolledoras de Castelao. Daqueles álbumes que fixo en torno á guerra e á posguerra.

Esa estampa e ese título foi o escollido para un documental que acaba de realizar a Fundación Bautista Álvarez, onde se fala da represión aos mestres na posguerra.

Hoxe, xoves 1 de marzo, verémolo na Coruña nun acto organizado por CIG-Ensino e a Agrupación Cultural Alexandre Bóveda, que terá lugar ás 20:30 horas na Aula de Cultura de Caixa Galicia (Médico Rodríguez, s/n).

Din que e polémico, tanto que nin sequera as Comisións pola Memoria Histórica están dacordo con el. A ver que nos conta.

Saúdos. Os Mártires da Caeira.
Comentarios (0) - Categoría: Os Mártires da Caeira - Publicado o 01-03-2007 18:00
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0