Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

As sombras chinesas de Tanxarina
Uns días máis tarde, e formando parte do programa de actos do "Memorial de Teatro Ibán Toxeiro" (que organizamos na Agrupación Cultural Alexandre Bóveda), actuou o fenomenal grupo de títeres Tanxarina, no Centro Cívico dos Mallos.

O título da obra creo que era "Tres sombreiros sen chapeu" ou algo así, e era de sombras chinesas. Abraiante. E ao rematar deixáronos ver como era o mecanismo da proxeccións e dos bonecos.

Tatán, Miguel e Andrés, coma sempre, tan amables e tan pícaros. As obras son para nenos pero sempre hai "detalles" que os fan madurar de xeito acelerado...

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 06-12-2007 23:29
# Ligazón permanente a este artigo
Día Internacional contra a violencia de xénero
Hai uns días a Marcha Mundial das Mulleres organizou no Teatro Colón da Coruña unha gala conmemorando o Día Internacional contra a violencia de xénero.

Houbo primeiro unha serie de tres pezas teatrais breves, unhas intervencións e a actuación do fenomenal grupo Marful, liderado por Uxía Pedreira.

Algunha cousa mellorable ou algo aburrida, pero en xeral un bo espectáculo (sobre todo Marful), pero o importante era reflexionar sobre a lacra que nos reunía alí.

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 06-12-2007 23:25
# Ligazón permanente a este artigo
Cinco anos do Prestige
O outro día organizamos na Agrupación Cultural Alexandre Bóveda unha mesa redonda conmemorando os cinco anos da catástrofe do Prestige.

Semella que o tema estaba esquecido pero houbo unha manchea de actos similares por todo o país neste mes de novembro. O local da nosa agrupación foi a sede de Nunca Máis na Coruña e, por suposto, estabamos obrigados a conmemorar aquel nefasto momento.

Houbo moi pouca xente, había case tantos na mesa intervindo como no público. Produce un pouco de tristeza ver iso. Pero isto había que facelo, e punto. Se á xente xa non lle interesa, que lle imos facer!!!

Participaron Rafael Louzán (profesor da Escola de Náutica e experto en navegación), Carlos Suárez (mariñeiro) e Verónica Campos (responsable de formación do CEIDA, como experta ambiental). Moderou Raimundo Martínez, o noso secretario.

Dixéronse cousas moi interesantes. Carlos Suárez lembrou todas as catástrofes similares que marcaron a súa vida profesional como mariñeiro, que non sacuden cada certo tempo.

Verónica Campos fixo fincapé en que non aprendemos demasiado daquela catástrofe. O único é que hai algo máis de sensibilidade cara ao mar e á vida e á cultura e tradición mariñeira. Pero a principal ensinanza, segundo ela, que era cambiar dun modelo enerxético insostible a outro máis respectuoso, segue sen asimilarse, e imos a peor.

E Rafael Louzán foi moi crítico co estado actual da navegación. Lembrou que moitos dos problemas que existían, sigue habéndoos. Segue habendo bandeiras de conveniencia, profesionais mal preparados de países subdesenvolvidos, segue sen haber no Estado Español un só buque anti-contaminación, etc. Se volve pasar algo como o daquela vez, as cousas poderían saír parecidas. Tamén incidiu en que, nalgúns países onde iso xa funciona ben, nesas catástrofes hai un MANDO ÚNICO formado por técnicos ONDE NON HAI NINGÚN POLÍTICO. Cando veremos iso por aquí?? Tamén dixo que, técnicamente, os dobres cascos tampouco son a panacea. A mellor solución técnica son os barcos redundantes que teñen, por exemplo, dúas máquinas. Se falla unha, ponse a funcionar a outra.

A miña reflexión: estamos máis ou menos como antes. O único que ganamos os galegos foi a conciencia cívica de sobrepoñernos á incompetencia política, e de ser capaces de organizarnos para queixarnos deses erros. O Plan Galicia naceu dunha xuntanza do Consello de Ministros de Aznar no Concello da Coruña. E a semana pasada o Goberno galego reuniuse en Muxía e aproveitou para colocar a primeira pedra do futuro Parador e anunciar que ao mellor fan unha autovía á Costa da Morte. Outra choqueirada. Seguimos tendo ao frente outra banda de incompetentes.

Saúdos.
Comentarios (0) - Categoría: Os Mártires da Caeira - Publicado o 24-11-2007 12:27
# Ligazón permanente a este artigo
Samaín 2007
Un ano máis, e xa van catro, celebramos o Samaín na Agrupación Cultural Alexandre Bóveda. Xunto coa Asociación de Veciños da Cidade Vella, que fixeron o seu tradicional magosto.

Ós poucos, imos vencendo ao Halloween, ou intentámolo polo menos.

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 12-11-2007 01:20
# Ligazón permanente a este artigo
A arpa céltica de Xabier Gómez
Hai uns días unhas poucas persoas -non demasiadas, por desgraza- asistimos a un espectáculo marabilloso.

Foi na Igrexa da Orde Terceira da Coruña, e consistiu nun recital de arpa céltica a cargo dun dos mellores expertos galegos neste instrumento: Xabier Gómez.

Foi o terceira cita do III Ciclo de Concertos no Outono organizado pola Agrupación Cultural Alexandre Bóveda da Coruña.

O son era tan especial que fixo retrotraer a algún dos espectadores á Idade Media. Tanto, que algún afirmou que "esperaba que nalgún momento aparecera o Rei Arturo ou a Raíña Xenebra".

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 11-11-2007 23:33
# Ligazón permanente a este artigo
Coro Saúde na Orde Terceira
A Agrupación Cultural Alexandre Bóveda, un ano máis, está organizando o ciclo de "Concertos de Outono", no alucinante marco da Igrexa da Orde Terceira.

Xa comezaron o xoves 18 de outubro co trío Saravande. E o xoves 25 actuou o Coro Saúde, formado por membros dos complexos hospitalarios da cidade.

O xoves 8 de novembro actuará o arpista Xabier Gómez, que dará un concerto de arpa céltica. E o 15 de novembro clausurarase coa actuación do Coro da Agrupación, magnificamente dirixido por Juan Brage.

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 27-10-2007 17:21
# Ligazón permanente a este artigo
Homenaxe a Lois Pereiro
O outro día celebrouse no mesón-taberna "A Saimia" un homenaxe ao malogrado poeta Lois Pereiro.

Foi organizado pola Agrupación Cultural Alexandre Bóveda e por algúns dos membros do Colectivo Poético "De amor e desamor", do que Lois formaba parte. Como por exemplo Miguel Mato, propietario do mesón.

A primeira homenaxe a Lois, aos 11 anos da súa morte, feito que aínda agranda máis o seu malditismo. As anécdotas que contaron, os poemas que recitaron lembráronos a este gran poeta que morreu antes do previsto debido aos graves problemas de saúde provocados pola síndrome da colza.

Alí estaban Miguel Mato, Miguel Anxo Fernán-Vello, Xulio López Valcárcel, Lino Braxe e Xabier Seoane. Botamos en falta a Manolo Rivas, que finalmente non puido acudir debido a un compromiso urxente e inesperado.

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 27-10-2007 17:08
# Ligazón permanente a este artigo
Ingreso no Instituto Cornide
O biólogo Xosé Antonio Fraga Vázquez é o director do Instituto de Monelos, na Coruña. Ademais é o presidente da Asociación de investigadores Ramón de la Sagra.

Dende este ano 2007 colabora coa Agrupación Cultural Alexandre Bóveda na organización de conferencias e programas científicos.

E o martes 16 de outubro de 2007 leu o discurso de ingreso no Instituto Cornide de Estudos Coruñeses. Leu un discurso sobre o naturalista ferrolán Víctor López Seoane, do cal chegou a dicir que el e un grupo de investigadores descubriran que falseara as datas dalgúns dos seus traballos para "finxir" ser o introdutor ou descubridor de determinados avances científicos. Parece que o seu carácter personalista e ególatra axudou nesta errada toma de decisións.

Pero en todo caso, estamos aquí para falar de Xosé Antonio. Seguramente o mellor coñecedor da historia da ciencia en Galicia. Noraboa por este "galardón" e agardemos que sigan os seus fantásticos traballos e publicacións.

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 21-10-2007 19:21
# Ligazón permanente a este artigo
Arquitectura moderna na Coruña
O venres 5 de outubro pola tarde tivemos unha actividade organizada pola A. C. Alexandre Bóveda que resultou moi agradable.

Foi un safari fotográfico urbano guiado polos arquitectos Plácido Lizancos e Héctor Fernández que nos permitiu coñecer a fondo dous dos novos edificios da cidade: a Casa das Artes, tamén coñecida como Prisma de Cristal, e a Fundación Luis Seoane.

No primeiro, na zona de Labañou que dá ao paseo marítimo, fixo de guía o xefe de obra, Arturo Lombera. Contounos como foi o deseño, a construcción, os dous edificios nun (museo de arte e conservatorio de danza) que case non se tocan, e a incertidume que hai sobre como pode ser convertido no Museo da Ciencia que supostamente acabará sendo. Polo visto, está moi ben considerado no panorama arquitectónico mundial.

Na Fundación fixo de guía nada menos que Covadonga Carrasco, que xunto con Xoán Creus deseñaron o edificio. Tamén nos estivo contado como foi o deseño, o derrube do cuartel anterior (a caixa de reclutas) e o aproveitamento de espazos. Tamén nos contou como e por que non se estaban aproveitando algunhas posibilidades que ofrecía o edificio.

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 07-10-2007 00:27
# Ligazón permanente a este artigo
Proxección das fotos de Roma
O pasado xoves 4 de outubro proxectamos na sede da A. C. Alexandre Bóveda algunhas das fotos que sacamos en Roma. Intentei avisar antes por se alguén quería ir, pero foime imposible. Estou tan liado que nin tempo tiven para iso. Como vedes, as actualizacións non son constantes, van por ondadas.......

Non había moita xente, pero bastante da que estaba alí é pouco frecuente e moitos era a primeira vez que ían pola asociación, así que pode considerarse un éxito.

Saúdos. Os Mártires da Caeira.
Agrupación Cultural Alexandre Bóveda
Comentarios (0) - Categoría: Os Mártires da Caeira - Publicado o 07-10-2007 00:20
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0