Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Matrix
Por unha desas casualidades que ten o destino, volvín ver a película "Matrix".

Curiosa. A primeira ten un pase. Vin tamén a segunda, pero xa é bastante máis intragable. A trama que conta é interesante e retorcida. Os efectos visuais moi interesantes e o deseño moi vangardista.

Hai algunhas cousas que non me gustan, como a súa violencia bastante gratuíta, propia destes tempos, e algún abuso da coreografía e outras herbas que non che me interesan demasiado.

Saúdos.
Comentarios (0) - Categoría: Xeral - Publicado o 06-11-2007 00:07
# Ligazón permanente a este artigo
El beso de Judas: os últimos anos de Óscar Wilde
Onte fun ao teatro a ver "El beso de Judas". Unha obra do dramaturgo David Hare que trata sobre os últimos anos da vida de Óscar Wilde.

O actor principal, que encarnaba a Óscar Wilde, era Joaquín Kremel, que a min non me chista moito pero que non o fixo nada mal. En xeral, os actores estiveron ben, aínda que houbo varios que tampouco me convenceron demasiado.

Pero a obra non me chamou especialmente a atención. Algúns chispazos do xenio irlandés de Wilde (non sei se eran del ou do dramaturgo, pero lembraban bastante o seu estilo) pero a historia tampouco me enganchou demasiado. Non sei que sería. Creo que lle faltaba forza, e iso que as cousas que conta son bastante fortes, e unha situación moi complicada.

Saúdos.
Comentarios (0) - Categoría: Xeral - Publicado o 28-10-2007 17:12
# Ligazón permanente a este artigo
"Stone!", de Theatre de la Guimbarde
Impresionante.

O sábado pola noite fun ao Fórum Metropolitano a ver esta obra de teatro.

É unha compañía belga, e supoñía que a obra sería muda ou se basearía na mímica. En absoluto, os tres actores falaban en español, e non o facían nada mal.

Pero había máis cousas sorprendentes. En primeiro lugar, non ocuparon o típico escenario elevado. Ocuparon a parte baixa do teatro, que non é en grada. E puxeron alí o seu escenario, que basicamente era un cadrado. Polos dous laterais, puxeron varias ringleiras de bancos, e puxeron alí a algúns dos espectadores, entre os cales me atopaba eu (nalgún momento estaba a un metro de distancia deles).

Máis cousas sorprendentes. Como vedes na foto, un dos tres actores é batería e estaba nunha plataforma elevada. Foi o último en chegar, presentou aos outros actores e introduciu a obra. Despois facía algúns comentarios e facía efectos de son.

Os outros dous tocaban a guitarra e o baixo eléctricos, indistintamente. Tiñan unha posición habitual tocando pero nalgún ocasión intercambiáronse os lugares e, polo tanto, os instrumentos.

Tocaron algunhas cancións que debían ser deles e outras que debían ser comerciais. Eu recoñecín unha: "Where is my mind?" de The Pixies (que ademais me gusta bastante, mira ti que ben!!!!).

A trama ía de dous adolescentes, de 13 e 15 anos que andan facendo gamberradas e que, nunha delas, tirando pedras dende unha ponte sobre unha autopista, matan ao conductor dun coche.

Do mellor que teño visto nalgún tempo. Teatro fresco e moi apetecible. Nada que ver con estas vellas glorias que en moitos casos viven de rentas.

Saúdos.
Comentarios (0) - Categoría: Xeral - Publicado o 21-10-2007 19:52
# Ligazón permanente a este artigo
Al filo de lo imposible
E escribo tamén hoxe sobre o outro programa de televisión que vexo con regularidade: "Al filo de lo imposible", na 2.

Xunto con "Redes" (tamén na 2) e "Historias de Galicia" (TVG) forman o meu corpus televisivo actual. E coincide que todo é o domingo pola noite.

Estes días estiveron botando piragüísmo nas fontes do Nilo. Pero como están celebrando os 25 anos de programa, están botando o mellor da súa historia. Creo que xa hai algún tempo que non fan material novo. Pero agradécese igual.

Saúdos.
Comentarios (0) - Categoría: Xeral - Publicado o 15-10-2007 00:27
# Ligazón permanente a este artigo
A Guerra Civil Española
Nesta ponte de tres días tiven tempo para facer algo que xa botaba de menos: ler un libro.

Boteime a por "La guerra civil española" de Paul Preston.

Tiña ganas de darlle un repaso a esta importantísima parte da nosa historia, e pareceume que este libro e este autor ían ser unha decisión correcta.

E coido que non me equivoquei. Edición que acaba de revisarse despois de 20 anos da súa estrea, e cun apéndice onde se fai un repaso de 30 páxinas coa lista de mellores libros escritos sobre este tema.

Agora xa sei moito máis que hai tres días.

Saúdos.
Comentarios (0) - Categoría: Xeral - Publicado o 15-10-2007 00:23
# Ligazón permanente a este artigo
Romeo e Xulieta
O outro día fun ver a montaxe de "Romeo e Xulieta" que fixo Teatro do Noroeste, dirixidos unha vez máis por Eduardo Alonso.

Agás Luma Gómez, todo o resto dos actores eran xente moi nova, e pareceume ver tamén moita xente nova no público. Non sei se houbo algún tipo de promoción especial ou algo así.

Gustoume. Como sempre, poucos medios pero moita ilusión, pero con imaxinación sempre se superan os problemas. O sistema de dous andamios con rodas para representar as mansións dos Capuleto e dos Montesco, moi interesantes. E unha pequena sirena azul nunha esquina do escenario que servía para avisar da chegada da policía, tamén moi imaxinativa.

Fíxose algo lenta polo medio, pero creo lembrar que xa me deu esa impresión cando lin a obra.

Saúdos.
Comentarios (0) - Categoría: Xeral - Publicado o 15-10-2007 00:19
# Ligazón permanente a este artigo
Charla de Manolo Rivas no Circo de Artesanos
O outro día asistín a unha charla que deu Manolo Rivas no Circo de Artesanos da Coruña.

Nada de particular, había tempo que non o ouvía falar e tiña ganas de velo. E así aproveitaba para descansar un pouco, que me fai boa falta últimamente. Estivo moi interesante, como é habitual nel.

O que xa non me chamou tanto a atención foi o lugar. Unha entidade cun longo e exitoso pasado (xa ten 160 anos) pero que semella que non se dá adaptado aos novos tempos. Terían que recapacitar e reflexionar a que se debe o baixón de socios, por que non hai apenas xente nova....

Saúdos.
Comentarios (0) - Categoría: Xeral - Publicado o 15-10-2007 00:15
# Ligazón permanente a este artigo
O Señor dos Aneis
Un ano máis, a finais do curso anterior celebramos a festa de despedida dos alumnos de 2º de Bacharelato do noso centro, que marchaban para a Universidade.

E dende hai varios anos varios profesores e alumnos pasamos uns bos ratos dobrando ao galego e dándolle tinte local a algunhas escenas de películas famosas.

O ano anterior fora "Star Wars" e este ano tocáballe a "O Señor dos Aneis". O ano que vén toca... ai, carallo, que non o podo dicir!!!!!!!

Claves locais para que todo o mundo poida entender do que se fala:
- Peteiron: Ao carón do noso colexio hai unha fábrica chamada "Maderas Peteiro". A moita xente non lle gusta que haxa unha madeireira a carón dun colexio, aínda que levan xuntos toda a vida e nunca pasou nada. Hai tempo (agora non tanto) os que querían fumar pegábanse aos muros que nos separan desa fábrica e ocultos na vexetación. Agora, como non hai vexetación, xa non serve. Pero "Peteiro" segue sendo un símbolo....

- Monte de Bens: Antigo vertedeiro da cidade que se derrubou hai máis de 10 anos. Enriba fixeron un parque pero ninguén esquece que debaixo hai toneladas de lixo que se van desfacendo aos poucos. Seguro?????

- Labañou e Monte Alto: O noso colexio está moi cerca do barrio de Labañou. Os dous barrios son dos dous con máis "carisma" da cidade. Teñen fama de épicas pelexas entre os seus moradores.

Creo que con esto incluso os de fóra da Coruña captarán bastante ben a historia.

Saúdos.

Comentarios (0) - Categoría: Xeral - Publicado o 09-10-2007 17:30
# Ligazón permanente a este artigo
Redes e Eduard Punset
Un ano máis, comezou o programa "Redes" na segunda cadea da televisión española. O único programa de televisión ao que estou relativamente enganchado.

Un ano máis para seguir coñecendo a xente interesante e a seguir aprendendo cousas da man de Eduard Punset, a unhas horas intempestivas (viva o video) e sempre coa dúbida de se cambiarían o programa de día cada semana.

Saúdos.
Comentarios (0) - Categoría: Xeral - Publicado o 07-10-2007 00:29
# Ligazón permanente a este artigo
Historias de Galicia
Comezan de novo a botar os domingos pola noite (sobre as nove e media) na TVG a interesantísima serie documental "Historias de Galicia".

Moi ben presentada por Xosé Barato, amosa con dramatizacións bastante ben conseguidas aspectos da vida e da historia galega. O primeiro capítulo desta xeira xirou en torno ás guerras que pasaron por Galicia e como se viviron aquí.

Falaron, concretamente, dos Irmandiños, da guerra contra os franceses e da guerra civil. E nesta contaron a incrible historia de Antón Alonso Ríos "o siñor Afranio".

Saúdos.
Comentarios (1) - Categoría: Xeral - Publicado o 03-10-2007 23:38
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0