|
|
|
|
| ZEUS e as titánides LETÓ e MAIA: |
|
 Outros dous novos amores de Zeus que terán gran transcendencia no Olimpo, porque van traer novos e importantes deuses a carón dos xa coñecidos Olímpicos serán os que Zeus tivo coas titánides Letó e Maia.
Letó e Asteria eran fillas dos titáns Ceo (titán do poder profético) e Febe (unha das divindades asociadas á Lúa). Zeus intentara violar á irmá de Letó, Asteria, que fuxira transformándose nunha ave denominada paspallás, arroxándose ao mar e convertíndose na illa flotante Ortixia (illa de paspallás).
Hera, a deusa coa que Zeus se comprometera a casar, nun ataque de ciumes, perseguirá a Letó e logrou que ninguén a acolla agás a illa Ortixia, que estaba deserta. Tratou logo Hera de impedir o nacemento dos fillos de Letó prohibindo a Ilitía, deusa dos partos, que a atendiera. Cando xa tiña Letó un retraso de 9 días, conmoveron as súas dores aos deuses, que fixeron que nacera primeiro Artemisa para axudar a súa nai a dar á luz a Apolo.
A illa Ortixia ficou fixada ao fondo con 4 columnas, e cambiou o seu nome polo de Delos, que significa brillante (por Apolo, deus da luz).
Posteriormente Hera logra que a serpe xigante Pitón, filla de Xea, persiga a Letó para matala, posto que o seu destino era que morrería a causa do parto, pero non o logrou.
Perseguidos por Hera, Letó, Artemisa e Apolo chegaron a un estanque, e, cando ía a nai a dar de beber aos seus fillos, uns labregos, instigados por Hera, removeron a augua e ao ser entoldada co barro, Zeus castigounos convirténdoos en ras. Catro días despois de nacer, Apolo (hai quen di que coa colaboración de Artemisa) matou á terrible serpe coas súas frechas. Contaban que logo a soterraron no lugar de Delfos.
Apolo e Artemisa foron grandes protectores da súa nai en distintas ocasións. Mataron ao xigante Ticio por intentar violala.
Maia era filla maior das sete que tivo o titán Atlas coa ninfa mariña Pléione. Din que esta titánide enxendrou nunha cova do Peloponeso do monte Cileno ao seu fillo con Zeus, Hermes. Hermes nada máis nacer nun descoido da súa nai foi quen de roubarlle gando a Apolo en Tesalia. Apolo solicitou a intervención do seu pai Zeus, pero ao ver a Hermes cun instrumento que acababa de inventar, a lira, decidiu cambiar aquel invento polo seu gando. Tamén se di que a lira, inventada por Hermes,regaloulla a Apolo a cambio do caduceo e, dende entón, figurou como atributo deste deus.
CUESTIÓNS
1- cales son os nomes latinos dos deuses que citamos? Onde estan Delos e Delfos?
2- Investiga que culto mediterráneo había en Delfos antes do culto a Apolo, un dos máis importantes do mundo grego.
3- Delfos era o embigo do mundo, por que?
4- Como é unha lira? Que ten que ver cunha tartaruga?
5- Que é o caduceo? Cal vai ser o traballo de Hermes que lle encarga Zeus no Olimpo?
6- Despois de facer as pertinentes consultas fai un retrato de Apolo, de Artemis e outro de Hermes. |
|
|
|
|
| Os primeiros amores de Zeus |
|
 Os primeiros amores de Zeus tiveron lugar con Titánides.
A primeira relación que tivo o deus olímpico, considerado polos seus irmáns pai dos deuses por ser o seu liberador do ventre paterno de Cronos, foi Metis, a deusa da prudencia, esa calidade que Zeus tentará integrar na súa cabeza tragándose á titánide ao saber que estaba enbarazada e temendo que nacese un fillo máis poderoso ca el. Quen naceu precisamente da súa cabeza, como xa sabemos, foi Atenea (Minerva para os romanos)deusa da intelixencia.
A segunda relación que tivo Zeus foi cunha titánide chamada Temis, a deusa da xustiza divina, outra das calidades que pretende encarnar como deus supremo. Temis era a irmá maior de Cronos e con ela vai ter as denominadas Horas, asentadas sobre a cabeza de Zeus, eran Eunomia (Ευνομια, ?boa orde? é dicir da lei)Dice (Δικη, ?xusticia? era deusa da xustiza moral dos humanos) e Irene (Ειρήνη, ?paz?). Tamén tivo outras tres temidas fillas, ás Moiras (Parcas en latín)que son Cloto (Κλωθώ, ?fiandeira?) fiaba o fío da vida,Láquesis (Λάχεσις, ?a que bota a sortes?) medía coa súa vara a lonxitude do fio da vida e Átropos (Ἄτροπος, ?inexorable? ou ?inevitable?, literalmente ?que non xira?,ás veces chamada Aisa) era quen cortaba o fio da vida. O mesmo Zeus estaba submetido aos caprichosos designios da Moiras fiandeiras.
Coa oceánide Eurínome(a do bo goberno) vai ter ás tres Cárites ou Gracias (Eufrosine, Talia e Aglaia).
O número tres é un número que por veces se triplica así ocorreu coas nove noites que Zeus pasou coa Titánide (filla de Urano e Xea) Mnemósine, deusa da memoria, da que naceron as nove Musas:
Calíope (Καλλιόπη, ?a de belo rostro?) da elocuencia e poesía épica.
Clío (Κλειώ, ?a que celebra?)da historia
Erato (Ἐρατώ, ?amorosa?)da poesía lírica.
Euterpe (Ευτέρπη, ?deleite?)da música.
Melpómene (Μελπομένη, ?cantar?)da traxedia.
Polimnia (Πολυμνία, ?moitos himnos?)poesía sacra.
Talía (θάλλεω, ?florecer?)da comedia.
Terpsícore (Τερψιχόρη, ?deleite da danza?).
Urania (Ουρανία, ?celestial?) da astronomía.
|
|
|
|
|
|
