Como en Portugal uns vão bem e outros mal



O meu perfil
teño conta en gmail.com
 Portos de recalada recomendada
 FOTOBLOGOTECA
 CATEGORÍAS
 ARQUIVO
 BUSCADOR
 BUSCAR BLOGS GALEGOS

25 abril
Sempre!
Comentarios (5) - Categoría: Diglosia - Publicado o 25-04-2008 04:44
# Ligazón permanente a este artigo
O primeiro de Abril...
...Van os burros onde non deben ir.

Que curriños estes que deseñaron o calendario español de formación do goberno porque seica pasaron por alto que o día en que os deputados e senadores que resultaron eleitos tomarán posesión dos seus escanos nas sesións constitutivas do Congreso e Senado será o un de Abril.

Xa se sabe o refrán e se non existise poderíase inventar este ano. Todos contentiños, coas millores galas, os zapatos novos, os sorrisos de novatos (algún xa experimentado irá especialmente desarreglado ese día para impresionar aos recén chegados e mostrar así a súa veteranía). Pois iso, cunhas densidade de gomina por metro cadrado que sería orgullo do millor anuncio de fixadores clásicos de cabelo.

Todos metidos nos millores traxes, ou non (a veteranía é o que ten), para xurarlle lealdade a El-Rei. Haberá progres que xuren e non prometan ou do rivés (milleiros de persoas escandalizaranse con tales mostras de fachenda) pero todos pasarán polo rego. Os que non pasaron non chegaron nin a poder presentarse ás eleccións. E claro diferentes traxes, xuramentos, promesas... pero todo en castelán nos seus diferentes acentos (acentos é o máis que entenden algúns pola diversidade cultural de españa). Un século máis non se poderá falar en galego nos lugares onde se decide sobre Galiza.

E xurando (ou prometendo) en lingua allea fidelidade a un rei dirán que son os máis demócratas do mundo.

Polo tanto, este ano máis que nunca:

O primeiro de Abril van os burros onde non deben ir
Comentarios (9) - Categoría: Diglosia - Publicado o 28-03-2008 13:27
# Ligazón permanente a este artigo
Antes de que chovan interpretacións

Pois si, é venres de mañá cedo e vou facer xa unha análise post-electoral. Gustaríame muitísimo que a lesen as persoas que poden decidir, porque parece que non as collen a tempo e isto pódese vir abaixo en mui pouco tempo.
Falo da prepotencia do BNG que renuncia aos seus candidatos estrela para por homes descoñecidos e sen carisma. Seguro que mui fieis ao partido pero que nunca han conseguir o mesmo número de votos que un Camilo Nogueira ou un Xose Manuel Beiras. Agora que están por querer quitalo do medio, para que a súa longa sombra non entorpeza o crecemento dos seus descoñecidos novos candidatos. Isto paréceme tan suicida como a auto-xenreira que fai que a nosa xente fale castelán, pense que inverter un millón de euros na exhibición internacional da nosa cultura na Habana é dilapidar cartos. A nivel feminino é como por uns peitos de silicona renunciando á graza natural dos propios...

Hai moreas de exemplos para dicir que a aposta que fai o BNG nestas eleccións non é a millor que podería ter feito. E a xente non vota por disciplina de partido senón por ilusións e esperanzas que eu non miro reflectidas nesa masa con nome pero sen cara que se presenta a estas eleccións polo partido que adoito votar. Xa está ben de facer pasar polo aro á xente. Era bo crearlle ilusións. Se con esta estratexia que se segue de facerlle a pelota ao perfil de votante que non se ten e confiar en que se manteña a fidelidade do propio non se consegue un deputado por Ourense (terra do perfil mimado e orixinaria do Quintana, que tamén tira iso) deberían considerar mudar de estilo.

Teremos que agardar 4 anos máis para mirar ao Beiras representándonos no congreso español? cada palabra que el di danos votos pero cada día que non sabemos nada del é votos que se perden.

Espero que os resultados non sexan tan maus como eu penso e que polo menos se manteñan os 2 deputados que se teñen na actualidade. É ben triste que sendo esta a millor oportunidade que ten o nacionalismo galego para modificar un goberno español esteamos aínda en cueiros. Posiblemente se perdemos este tren non teremos outro.
Comentarios (3) - Categoría: Diglosia - Publicado o 07-03-2008 10:05
# Ligazón permanente a este artigo
Haced de esto una cruzada!!


Nunha sala ateigada de loitadores pola liberdade dos oprimidos castelan-falantes érguense cada certo tempo voces discordantes, recibindo a consabida malleira xestual, verbal e física por parte dos amantes da liberdade.

Se eu fose un dos agredidos denunciaría á organización por agresión xa que non podería identificar aos agresores entre a multitude.

E cando pensas que isto non pode estar pasando e que xa é suficiente cunhas poucas malleiras rituais a oradora revolucionaria conclue a súa alocución pedindo UNHA CRUZADA.

Xentes violentas non lles faltan.
Comentarios (3) - Categoría: Diglosia - Publicado o 29-02-2008 14:23
# Ligazón permanente a este artigo
Reiniciando


Falouse estes días de violencia e Maria San Gil pero ninguén dixo o que tiña que dicir...


Na foto mírase unha militante dun partido radical tentando impedir a entrada a un cargo político arrodeado de guardacostas (aínda que neste caso non baten a ninguén) e a identificada militante non sofreu pena de cadea logo deste acto subversivo.

E o de abaixo é unha declaración "folclórica" dunha venerábel anciá que en ningún caso viu ilegalizadas as súas ideas porque os seus partidos condenan a violencia de ETA.




Comentarios (1) - Categoría: Diglosia - Publicado o 24-02-2008 18:25
# Ligazón permanente a este artigo
A Nova A Nosa Terra
Nunha destas veces que non teño tempo para facer nada e aínda así me poño diante dunha pantalla e penso nalgunha páxina que debera visitar e que fai tempo que non o faga tecleei a url que me pareceu axeitada e, desta vez si, a resposta foi toda unha sorpresa: http://www.anosaterra.com/. Probade vós tamén!

Vaiche boa! vai se que a próxima semana vai saír un xornal diario EN GALEGO.

Iso é o que podo comentarvos do que mirei nese enlace. Alguén sabe algo máis do tema? Terei que volver mercar a prensa diaria?

Sexa o que for, todo parace indicar que sairá un diario só en formato dixital, sairá á luz este luns ás 10 da mañán. Muita sorte co que for!
Comentarios (3) - Categoría: Diglosia - Publicado o 26-11-2007 16:27
# Ligazón permanente a este artigo
Cada día somos máis
Arriscados revolucionarios buscando solucións a instintos primarios
(o blogomillo coñecido son 4512 blogues)

É a mensaxe esperanzadora e final da páxina que en Blogaliza dedican a recoller a case totalidade do Blogomillo.

E a imaxe, que non ten nada a ver co anterior, é a proba fotográfica dun acto subersiviño que tivo lugar en Lugo (intramuros) nas festas do San Froilán, para máis seña. Infórmanme pola banda do alto Miño que apareceu un retrete no medio dunha concorrida rúa e malia a que tiña unha foto das súas maxestades reais (do oriente pero non muito) a multidão foi incapaz de conter os seus efluvios primarios que atoparon cauce natural no improvisado wc. Como sabemos que a multa por queimar certas imaxes cotízase ultimamente á alza e descoñecemos a canto se cotiza o refresco ouriñario de tales imaxes permitan que exiba esta proba da escesiva inxesta líquida buscando improvisada e antimonarquica solución adubiada cunhas fermosas espirais nas cariñas dos aliviados revolucionarios.
Comentarios (4) - Categoría: Diglosia - Publicado o 22-11-2007 12:57
# Ligazón permanente a este artigo
[1] [2] 3 [4]
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0