CENTRO DE DESENVOLVEMENTO RURAL PORTAS ABERTAS


O C.D.R. O VISO PREMIADO: Parabéns
O CDR O VISO de Lodoselo, Sarreaus foi premiado no VII Edición da Fundación para o Desenvolvemento Rural ?Macario Asenjo Ponce?.

O fin principal da Fundación "Macario Asenjo Ponce" para o D. Rural é promover o desenvolvemento social, económico e cultural do medio rural e a mellora da calidade de vida das persoas que viven nel, contribuíndo a superar o desequilibrio demográfico, as deficiencias de infraestruturas e servizos e optimizando o nivel de autoestima cultural, ata conseguir un equilibrio entre el desenvolvemento rural e urbano en orde a unha maior xustiza territorial.
Nace en 2005 coa clara e decidida intención de ser un instrumento máis que posibilite a revalorización do patrimonio que atesoura o medio rural así como motor de cambio nas deficiencias que sufre.
Traballa en catro liñas principais:
? Programa integral para la atención a maiores.
? Programa formativo para el asentamento da poboación nova.
? Programa ambiental.
? Programa de Promoción del medio rural.


NOVA DO PREMIO

BLOG DO CDR O VISO "Escoita as pedras".
Comentarios (0) - Categoría: ABRINDO PORTAS COA LECTURA - Publicado o 29-05-2012 10:03
# Ligazón permanente a este artigo
HOMENAXE A CARLOS CASARES
Con motivo do décimo aniversario da morte de Carlos Casares (9 de marzo de 2002) o club de lectura Portas Abertas rinde unha pequena homenaxe ó escritor coa lectura da obra O sol do verán.

Hoxe, ás 16:30h a reunión versará sobre a biografía deste escritor, editor e catedrático de instituto así como da súa obra.
Comentaremos como O sol do verán "chega á percepción do lector/a coa forza e a madurez da grande arte de narrar. Historia de amor e morte, a enorme riqueza desta novela reside no poder evocador das lembranzas e na capacidade do autor para compartilas. Literatura auténtica, froito dun inesquecible talento e dunha extraordinaria paixón por comprender o tecido íntimo da existencia".

A personaxe de Helena adentranos nas súas lembranzas de nenez e adolescencia ó lado do seu amigo Carlos, comenzando cunha "final tráxica".


Fundación Carlos Casares
Comentarios (0) - Categoría: ABRINDO PORTAS COA LECTURA - Publicado o 23-05-2012 16:11
# Ligazón permanente a este artigo
CLUB DE LECTURA COS-AS INMIGRANTES.
O mércores 23 de maio ás 18.30 horas teremos a reunión para falar da lectura escollida para este mes: "El viejo y el mar" de Ernest Hemingway.
A reunión será na Rúa Mariano Carrero nº 10, en Verín.

Esta é unha historia sinxela, sobre un vello pescador cubano que ten unha mala época e decide saír a pescar unha boa peza. É o relato da loita que mantén o vello cun tiburón, co que ao mesmo tempo establece unha relación afectiva e de admiración.

Leron o libro 5 inmigrantes.

Adiantamos que a lectura escollida para o mes de xuño será "Veronika decide morir" de Paulo Coelho, escritor Brasileiro xa que a maioría das persoas integrantes deste clube son de Brasil. ¡A ver se gusta!
Comentarios (0) - Categoría: ABRINDO PORTAS COA LECTURA - Publicado o 22-05-2012 16:28
# Ligazón permanente a este artigo
ENCONTRO DE ASOCIACIÓNS POLA RUTA DO CONTRABANDO

Comentarios (0) - Categoría: CREANDO + REDES - Publicado o 22-05-2012 11:51
# Ligazón permanente a este artigo
DESCUBRE A RIBEIRA

O vindeiro sábado 26 de maio o CDR Portas Abertas invita a os nenos e nenas a participar cos seus pais na actividade "Descubre a Ribeira" do proxecto Achégate o río que esta entidade está a levar a cabo dentro do Programa de Voluntariado en ríos.

Pola mañá achegarémonos a Cidadella, coñecerémonos, realizaremos o xogo "Descubre a Ribeira, un divertido xogo de identificación das especies vexetais que se atopa na beira do río Pontón, simularemos o río con xogos de paracaídas... e moito máis.
ANÍMATE E PARTICIPA!
Infórmate no teléfono 988417232


MOSTRAS DA XORNADA DE CONVIVENCIA


Comentarios (0) - Categoría: MÓLLATE POLO RIO - Publicado o 15-05-2012 13:24
# Ligazón permanente a este artigo
PORTAS ABERTAS COAS PERSOAS EN SITUACIÓN DE ESPECIAL VULNERABILIDADE SOCIAL
O Centro de Desenvolvemento Rural "Portas Abertas" esta a levar a cabo un proxecto financiado por OBRA SOCIAL LA CAIXA RECURSOS PARA A INTEGRACIÓN NA COMARCA DE VERÍN .

Ten a finalidade de axudar aos colectivos mais desfavorecidos a integrarse social e laboralmente, a través de diferentes actuacións que atenúen as carencias, desenvolvan capacidades e habilidades e en definitiva propicien a consecución de emprego se fose posible.

Este proxecto foi aprobado por La Caixa na Convocatoria 2011 de Loita contra a pobreza e a exclusión social, dentro do programa "Promoción da participación e a inserción social".

Está dirixido a persoas con limitacións importantes para poder cubrir aspectos básicos da vida cotiá.

As persoas participantes reforzaron habilidades comunicativas, sociais, participativas, e convinouse o desenvolvemento persoal, rachando con estereotipos como o que aiquí amosamos: "Mulleres marroquinas aprenden a facer alfombras".


Comentarios (1) - Categoría: SERVIZOS ASISTENCIAIS E FORMATIVOS - Publicado o 10-05-2012 19:25
# Ligazón permanente a este artigo
MAIO DE RUTAS NA COMARCA DE MONTERREI

Para coñecer e valorar o medio rural da Comarca de Monterrei: cheo de natureza en Laza, patrimonio en Cualedro e historia pola raia de Vilardevós. Ou Ruta de limpeza na Atalaia do Castelo con FEMURO o sábado 12 de maio.
Comentarios (2) - Categoría: DE RUTAS... - Publicado o 08-05-2012 13:12
# Ligazón permanente a este artigo
XXII ASAMBLEA XERAL DE COCEDER: Rural, naturalmente.
Durante os días, 24 e 25 de abril a localidade de Martín de la Jara convertiuse nun destacado centro do desenvolvemento do medio rural español acollendo a XXII Asamblea Xeral da Confederación de Confederación de Centros de Desarrollo Rural -COCEDER
Elexiuse a poboación de Martín de la Jara, municipio da Sierra Sur de Sevilla, aceptando a invitación da asociación SASTIPEN THAJ MESTAPEN, con sede nesta localidade, e como apoio a valiosa labor que esta ven desenvolvendo dende hai anos entre a poboación da zona.
Además de fortalecer o traballo en rede e mellorar a coordinación entre os CDRs, avaliáronse os diferentes programas e actividades que se xestionan (nun total de 9 comunidades autónomas, 17 provincias, e máis 500 municipios, 22 comarcas e con perto de 60.000 persoas beneficiarias directas).
Tamén se reflexionou sobre a marcha dos proxectos que se levan a cabo no 2012 e presentouse oficialmente o Plan Operativo que guiará a labor da entidade nos próximos meses. O Plan de Formación, a estratexia xeral de comunicación e aprobouse a Memoria Económica 2011, xunto coa realización de propostas por parte dos distintos centros.
O CDR SASTIPEN THAJ MESTAPEN (que en caló significa ?Saúde con Libertade?), anfitriona do encontro, funciona dende 2006 co obxectivo principal de fomentar o desenvolvemento integral dos pobos da Serra do Sur de Sevilla, realizando actividades de formación, protección do medio rural e dos recursos naturais, incidindo na educación, poñendo en valor a cultura local, a promoción do emprego e a reactivación económica, potenciando a agricultura ecolóxica e o consumo local, todo elo con fin de mellorar a calidade de vida nas poboacións desta comarca sevillana.


NOVA EN SIERRA SUR INFORMACIÓN
Comentarios (0) - Categoría: CREANDO + REDES - Publicado o 04-05-2012 17:01
# Ligazón permanente a este artigo
Centros de Desarrollo Rural (COCEDER) con ONGs Galegas polo X Solidario na declaración da renda.
Representantes de Organizacións non Lucrativas Galegas presentamos este venres día 4 de maio a Campaña X SOLIDARIO que cada ano leva a cabo o sector solidario para concienciar ás/aos contribuíntes sobre a necesidade de marcar o cadro de Fins Sociais na declaración da renda e contribuír así co 0,7% da súa cota íntegra a programas dirixidos aos colectivos máis desfavorecidos.

Na situación actual, esta Campaña ten aínda maior relevancia. Os recortes en programas e servizos de acción social poñen en perigo a cohesión social e o benestar da poboación en situación de pobreza e exclusión, cada vez máis numerosa. As políticas solidarias teñen unha dimensión económica, e en consecuencia, non supoñen unicamente un gasto, senón tamén unha inversión.

No acto de presentación da Campaña X Solidario coordinada polas principais plataformas galegas que representan ás ONGs, estiveron presentes o Vicepresidente de EAPN Galicia, Xosé Cuns, o Tesoureiro de EAPN Galicia, Antonio Hernández e Solo Cámara, beneficiario dun dos programas financiados con cargo a esta asignación tributaria en Galicia, ademais de membros doutras entidades sociais.

O ano pasado, recadáronse en Galicia a través da cadro Fins Sociais 13,6 millóns de euros. Se todos os contribuíntes galegos marcaran a casiña de fins sociais, a cantidade de cartos destinados aos proxectos para as persoas máis desfavorecidas incrementaría en 12 millóns de euros, co que a cantidade final destinada sería de 25,8 millóns de euros.

Grazas ao 0,7% do recadro Fins Sociais, en España hai máis de 5.000.000 persoas beneficiarias dos programas sociais que se desenvolven a través do recadado. Os colectivos aos que van destinados estes programas teñen que ver coa infancia, a mocidade, as mulleres, os maiores, as persoas con discapacidade, persoas con drogodependencia, persoas afectadas pola Sida, o pobo xitano, persoas reclusas e ex reclusas, programas para a inclusión social, migrantes e persoas beneficiarias de proxectos de cooperación ao desenvolvemento. Como sinalou Solo Cámara na rolda de prensa, participar nun destes programas ofreceulle a oportunidade de atopar un traballo e regularizar así a súa situación no noso país.

Co obxectivo de seguir aumentando o número de contribuíntes que apostan por marcar a X Solidaria, EAPN Galicia-Rede Galega contra a pobreza, a Federación de Asociacións en favor das Persoas con Discapacidade Intelectual en Galicia (FADEMGA), a Coordinadora Galega de ONG para o Desenvolvemento (CGONGD), a Confederación de Centros de Desarrollo Rural (COCEDER) e a Federación de Asociacións de Persoas Xordas de Galicia (FAXPG), únense este ano de novo para reforzar a información dirixida á cidadanía baixo o lema: ?Cun pequeno xesto as cousas cambian... queres velo??

O sector solidario impulsor desta Campaña considera vital que, nun contexto de crise financeira que afecta aos colectivos máis vulnerables e desprotexidos, se siga incrementando a recadación da cota íntegra dos contribuínte para Fins Sociais.

O imposto da renda é o único que permite que a cidadanía poida decidir o destino dunha porcentaxe de impostos que xa lle foron retidos. Isto non quere dicir que se teña que pagar máis ou que se lle devolva menos.
Comentarios (0) - Categoría: XERAL - Publicado o 04-05-2012 14:55
# Ligazón permanente a este artigo
CDR PORTAS ABERTAS
Entidade social dende 1990 traballando na Comarca de Verín (ao sur da Provincia de Ourense) e integrada nunha Organización Non Gubernamental (ONG)Confederación de Centros de Desenvolvemento Rural (COCEDER)da que forman parte outros 22 Centros repartidos polo rural español.
Levamos a cabo un programa Integral de desenvolvemento do medio rural, caracterizado pola integralidade, proximidade, prevención, transversalidade e transparencia. Gozamos de plena independencia nas nosas actuacións.


relojes web gratis


Portas Abertas - centro de desenvolvemento rural | 













O meu perfil
rural@cdrportasabertas.org
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

contador de visitas
contador de visitas









© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0