O vindeiro venres 14 de outubro, ás 16:00h reúnese o club de lectura Portas Abertas para comentar a obra de Alessandro Baricco, Seda.
Baricco presenta a edición italiana da obra con estas palabras: "Esta non é unha novela. Nin sequera é un conto. Esta é unha historia. Comeza cun home que atravesa o mundo, e acaba cun algo que permanece inmóbil, nunha xornada de vento. O home chamábase Hervé Joncour. O lago, non se sabe. Poderíase dicir que é unha historia de amor. Pero si soamente fora iso, non valería a pena contala. Nela están mesturados desexos, e dores, que se sabe moi ben o que son, pero que non teñen un nome exacto que os designe. E, en todo caso, ese nome non é amor. (Isto é algo moi antiguo. Cando non se ten un nome para dicir as cousas, entón utilízanse historias. Así funciona. Dende fai séculos.)
Todas as historias teñen unha música propia. Esta ten unha música branca. É importante dicilo porque a música branca é unha música estraña, a veces desconcértache: execútase suavemente e bailase lentamente. Cando a executan ben é como oír o silencio e a os que a bailan estupendamente míraselles e parecen inmóbiles. A música branca é algo rematadamente difícil.
Non hai moito máis que engadir. Quizais o mellor sexa aclarar que se trata dunha historia decimonónica: o xusto para que ninguén se espere avións, lavadoras ou psicoanalistas. Non os hai. Quizais noutra ocasión."

Esta obra foi adaptada ao cine da man do director François Girard no ano 2007.