OUTRA VISIÓN


CONTRA O PENSAMENTO ÚNICO (Oficial ou alternativo)
Se repetimos unha mentira unha e outra vez, a xente terminará por crela.

(Joseph Goebbels)



O meu perfil
teixeira1970@hotmail.com
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Campaña pola liberdade de expresión en China ante os XXOO 2008
As autoridades chinesas néganse a pór en liberdade ó centenar de informadores e ciberdisidentes detidos e a mellorar a liberdade de expresión.A organización Reporteiros Sen Fronteiras (RSF) anunciou a posta en marcha dunha campaña internacional Pequín 2008 para denunciar o "cinismo" das autoridades chinesas, que se negan a pór en liberdade ó centenar de xornalistas e ciberdisidentes detidos, e a mellorar a liberdade de expresión.RSF destaca que "o goberno, e o Partido Comunista Chinés conceden a maior importancia ó éxito dos Xogos Olímpicos para o seu propio beneficio, pero sen ningún respecto pola palabra dada". Nesta ocasión, RSF reeditará a súa campaña Pequín 2008, cun visual dos aneis olímpicos substituídos por esposas."Cando só faltan meses para o inicio dos Xogos Olímpicos de Pequín, o goberno chinés non respectou os seus compromisos", adquiridos cando se lle concedeu a organización dese evento en 2001, "de mellorar a situación dos dereitos humanos", destacou RSF nun comunicado. En vésperas da Asemblea do Comité Olímpico Internacional (COI), que terá lugar en Guatemala do 4 ó 7 de xullo, a organización de defensa da liberdade da prensa dirixiu unha carta ó presidente dese organismo, Jacques Rogge. "En todo o mundo aumenta a preocupación polo desenvolvemento dos Xogos de 2008, reféns do goberno chinés que se nega a actuar para garantir a liberdade de expresión e respectar os valores humanistas, contidos na Carta Olímpica", escribe RSF nesa misiva a Rogge.
RSF, que ten a súa sede en París, destacou que "o goberno, e o Partido Comunista Chinés conceden a maior importancia ó éxito dos Xogos Olímpicos para o seu propio beneficio, pero sen ningún respecto pola palabra dada".

Aínda non é tarde

Non obstante, a organización está convencida de que "aínda non é demasiado tarde para conseguir dos organizadores chineses, a maioría dos cales son tamén altos responsables políticos, a posta en liberdade dos presos de opinión, a reforma de leis represivas ou a fin da censura".Por iso, RSF convidou a Rogge a realizar "acenos significativos" e que lles diga "claramente ás autoridades chinesas que non é aceptable o desprezo con que tratan á comunidade internacional". "Xa non é momento para os comentarios tímidos, feitos a agachadas. chegou o momento de que o COI, a través da súa voz, fale claramente dos problemas. As súas peticións serán escoitadas e o movemento olímpico sairá engrandecido", segundo RSF, que espera de Rogge que actúe "polas liberdades en China", antes do comezo dos Xogos Olímpicos de 2008. Nesta ocasión, RSF reedita a súa campaña 'Pequín 2008', cun visual dos aneis olímpicos substituídos por esposas. A organización vai difundir esta campaña en todo o mundo, sen parar, durante un ano.
Comentarios (0) - Categoría: Xeral - Publicado o 08-02-2008 05:05
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0