O RECANTO DE MIK


LER, COMPARTIR, DISFRUTAR E APRENDER COA BIBLIOTECA
Este blog quere ser un lugar de encontro e comunicación onde compartir experiencias en torno á lectura, a biblioteca escolar e a educación en xeral.
http://www.edu.xunta.es/biblioteca/blog/


Counter
benvidosempty


Os teus comentarios

enriquecen este blog.
MOITAS GRAZAS!

















https://get.google.com/albumarchive/109183052507519885982?source=pwa

https://get.google.com/albumarchive/109183052507519885982/album/AF1QipNOHzZ_Gt0MWJY4n_M7vQqSY3sOau7PdzstZdXP








































RECURSOS SOBRE CINE NA ESCOLA
https://miaulatic.blogspot.com.es/p/blog-page_3.html
PDI 17/18:
O CINE NO MESTRES GOLDAR
http://blogoteca.com/orecantodemik/index.php?cat=14633
https://photos.app.goo.gl/VIMND5o3Y5cjjIX03

outils webmaster

Locations of visitors to this page

Myspace text generator


Make glow text and comments


O MEU PERFIL
bibliocole@gmail.com
 ETIQUETAS - SECCIÓNS
 LIGAZÓNS
 FOTOGALERIA
 BUSCADOR
 ARQUIVO

O PORTAL DAS PALABRAS
O PORTAL DAS PALABRAS é unha iniciativa da RAG e a Fundación Barrié que vai dirixido a todo tipo de público, desde rapaces en idade escolar a persoas maiores que teñan interese polo noso idioma e o seu léxico. Tamén é útil para xente que se achega á nosa lingua aínda que sexa de xeito inicial.
O Portal das Palabras preséntase ante a escola coma un instrumento eficaz, esperamos que imprescindible, para o ensino, froito do traballo conxunto entre a Real Academia Galega e a Fundación Barrié.
No Portal das Palabras o dicionario fálalle á sociedade nunha linguaxe do século XXI, necesaria para relacionarse no mundo, e intégranse actividades contextualizadas no ámbito tecnolóxico e didáctico no que vivimos. Consta de diferentes seccións: INFO, LÉXICO, XOGOS e DIDÁCTICA. Facilita, tamén, un diccionario online e un buscador de sinónimos.

No apartado de XOGOS atopamos "Ensalada de pasta", un xogo de vocabulario moi acaído para o noso proxecto documental. Ala! A poñer o mandil. Que precisamos para facela?


Comentarios (0) - Sección: Normalización Lingüística - Publicado o 06-10-2013 11:35
# Ligazón permanente a este artigo
REFRANEIRO DO MES DE OUTUBRO
Desde o blog Ghafos achégannos o refraneiro do mes de outubro:

- Por San Francisco bota o liño mourisco, se o botas en San Simón nin da estopa nin estopón.
- Por San Francisco, risco, risco. Por san Lucas alza o boi da suca, mata o porco e tapa a cuba.
- En san Francisco trae a vela, en San Xosé lévaa.
- Pasados os Remedios e san Roque, xa non hai sesta nin merendotes.
- Polo Pilar, os nabos na terra e o viño a envasar.
- Polo san Lucas mata o teu porco e barra a túa cuba / as túas cubas.
- Polo san Lucas saben ben as uvas.
- Polo san Lucas solta os bois, mata os porcos e tapa as cubas.
- Por san Xudase san Simón, collidas as uvas son.
- Polo san Simón proba o viño, e o porco polo san Martiño.
- Polo san Simón, áncoras ó fondón.
- Por san Simón a xeira do cogordón.
- Por san Simón cada moneda vale un doblón.
- Por san Simón e san Xudas, collidas as uvas.
- Por san Simón e san Xudas, mata o teu porco e atesta as túas cubas.
- Por san Simón o néspero se repón.
- Por san Simón, aperta o baldón.
- Por San Simón, camiñar si, navegar non.
- A verdura de San Simón dá pro (para o) amo e mais pro (para o) ladrón.
- Áncoras ó fondo, que chega San Simón.
- As avenidas de San Simón, antes ou despois sonadas son.
- As enchentes de San Simón sonadas son, ou antes ou despois enchen o carro e mais os bois.
- Por san Martiño e san Xudas, piñeiriña das túas uvas.
- Por san Quintín castañas ó rolín.
- A lúa de outubro a sete cubre, e se chove, nove.
- A lúa de Outubro sete lúas cobre, e se chove, cobre nove.
- En outubro, a terra esterca e cobre.
- En outubro, non molesta o lume.
- Outubro viñateiro, pai de bo xaneiro.

AS DATAS (para telo máis claro):
- San Francisco, 4 de outubro.
- Os Remedios, o segundo domingo de outubro;
- O Pilar, 12 de outubro.
- San Lucas, 18 de outubro
- San Xudas e San Simón, 28 de outubro.
- San Quintín, 31 de outubro.
Nota:
- Baldón ou bandón é o tapón de cortiza ou madeira co que se tapa o burato da tapa superior dos bocois.
- "Barrar as cubas" é tapar calquera greta ou abertura que poida ter a cuba para asegurar a súa hermeticidade. Facíase con lama ou pez.
Neste mes entrarían tamén moitos dos refráns que hai sobre o outono, que tanto pode ser chamado estación ou mes  do ano.

Ver tamén curiosidades de outubro.
Comentarios (0) - Sección: Outono - Publicado o 05-10-2013 16:35
# Ligazón permanente a este artigo
O NOSO PDI: A ALIMENTACIÓN
Un curso máis, acordouse realizar un Proxecto Documental Integrado para todo o centro, dada a moi positiva experiencia dos curso pasados, sendo a Alimentación o tema central coa pretensión de crear no noso alumnado unha motivación adicional por aprender e desenvolver as habilidades para buscar e xestionar a información e recursos que lle permitan acadar uns coñecementos concretos e encadrados no currículo ordinario, coa particularidade de que se poderán compartir estas aprendizaxes con toda a comunidade educativa.
 
Desde o punto de vista curricular, constátase que en todos os currículos do sistema educativo dos diferentes países, hai un interese grande nas cuestións nutricionais e alimentarias, non só do punto de vista biolóxico e a súa relación coa saúde senón tamén do punto de vista cultural e social.
Por outra parte, por moi eficientes que sexan os servizos de saúde que unha sociedade poida ofrecerlle á súa cidadanía, a prevención da enfermidade e a preservación da saúde dependerán sempre, nunha grande medida da adopción de estilos de vida saudables por parte das persoas. Estilos de vida que son sobre todo o resultado do combate a comportamentos de risco e da adquisición de coñecementos e competencias para a adopción de hábitos e rutinas saudables. Por outra parte, a relación entre agricultura e alimentación é evidente, e nese contexto xurde o noso Proxecto Documental, adicado á alimentación.

Para reflectir todo o proceso de elaboración e posta en práctica deste proxecto creouse un site adicado a este fin para que familias e comunidade educativa en xeral poidan acceder a toda a información e colaborar con ideas e propostas.
Polo de agora arrincou a primeira fase do proxecto e agardamos que sexa do gusto de tod@s, así que como diría o noso MIK-Chef: BON APPETIT!!!!

Comentarios (3) - Sección: A ALIMENTACIÓN. PDI 13/14 - Publicado o 02-10-2013 18:29
# Ligazón permanente a este artigo
[1] 2
© by Abertal




Se algunha das fotografías, debuxos... que aparecen neste blog están suxeitas a dereitos de autor, póñanse en contacto con nós e serán retirados.


Free counter and web stats



Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0