O noso amiguiño MIK preséntanos ao alumnado de E. INFANTIL participando no obradoiro CAMIÑA CON NÓS POLA IGUALDADE, un programa educativo elaborado e implementado dende a Concellería de Igualdade do Concello de Vigo. A finalidade do programa é fomentar a educación na cultura de igualdade de oportunidades entre nenas e nenos desde a comunidade educativa, para promover a coeducación e previr a violencia de xénero.
O alumnado do centro, xunto co claustro de profesores e o persoal non docente, deséxanvos a tod@s unhas felices festas e un ano novo cheo de ilusión, moitas alegrías e moita sorte. FELIZ 2020!!!!
A ANPA do noso centro organizou para todo o alumnado unha preciosa exposición de fotografías e unha emotiva charla para dar a coñecer o espléndido traballo que realiza a asociación Berce co seu programa SONRISAS POR TIRITAS. Recoméndovos moi vivamente que visitedes a súa web, onde atoparedes moita información acompañada de preciosas imaxes que recollen todas as súas fantásticas actividades:http://sonrisasportiritas.blogspot.com.es/
Xa podemos gozar do precioso agasallo colectivo que fixo a promoción de SEXTO ao cole que os acompañou e guiou durante os seus primeiros nove anos de vida escolar. Coa dirección de Begoña, despois de varias horas de traballo, conseguiron deixar a súa colorida pegada para o deleite dos nenos e nenas que quedan no cole e doutros que chegarán despois. Para sempre teremos a lembranza do seu paso polo MESTRES GOLDAR. MOITAS GRAZAS!! O proceso foi longo e laborioso pero MOI DIVERTIDO
O resultado final, FANTÁSTICO!!!
Grazas á web da pintora podemos ver o interesante proceso, desde os bocetos ata o resultado final. Clic AQUÍ para acceder á súa páxina Queridos nenos e nenas, para sempre nas nosas lembranzas e nos nosos corazóns. MOITA SORTE!!!
O ratiño MIK e o claustro de profesores do Ceip Mestres Goldar desexamos a toda a comunidade educativa unhas moi felices vacacións.
Unha aperta especial e moi agarimosa para a promoción de sexto, que se despide este ano do noso cole. Agardamos que lembredes con cariño o voso paso polo Mestres Goldar e confiamos en que a nova andaina que ides emprender estea ateigada de éxitos, tanto no aspecto académico como no persoal. Queridos nenos e nenas, ATA SEMPRE!!
E, por suposto, un bico enorme para a nosa querida MARISÉ. GRAZAS por todo, COMPAÑEIRA!!! BO VERÁN E FELICES LECTURAS!!!
Se queredes ver un resumo do curso 16/17, clic nas seguintes ligazóns:
Como sabedes, desde hai varios cursos participamos nas XORNADAS MUNICIPAIS DE TEATRO ESCOLAR patrocinadas polo Concello de Vigo e organizadas e coordinadas pola Escola Municipal de Teatro. Coa obra "Por culpa dun Pokemon", os nosos fantásticos actores e actrices acudiron ao Ceip Lope de Vega onde nos acolleron con moita ilusión e agarimo. Despois do espectáculo agasalláronnos cunha riquísima merendola. Moitísimas GRAZAS pola vosa acollida e polos vosos aplausos.
O alumnado de terceiro e cuarto de primaria participou esta mañá na actividade ?Almorz@ con Beizos Brancos?, un programa organizado pola Asociación Galega de Cooperativas Agroalimentarias (AGACA) e a Obra Social ?La Caixa?, que ten por obxectivo difundir fórmulas nutricionais sas entre os escolares de Galicia. A actividade incluíu unha charla didáctica sobre alimentación, exercicios lúdicos e un almorzo equilibrado e con produtos naturais.
A mensaxe que se quere trasladar tanto aos nenos e nenas como ás súas familias afonda na importancia que ten o almorzo no rendemento físico e académico dos escolares. Tal e como explicou María Fernández, a dietista que impartiu a charla, é fundamental ter en conta os valores nutricionais desta primeira comida do día, recomendando incluír nela as froitas de tempada e os produtos lácteos e evitar alimentos procesados industrialmente que achegan un exceso de azucres pouco beneficiosos para a saúde.
Para ilustrar a charla educativa, repartíronse almorzos equilibrados compostos por pan con aceite de oliva, mandarina e leite adozada con cacao puro e mel. Ademais, os nenos e nenas aprenderon o proceso do leite, desde que se extrae das vacas ata que chega aos seus fogares.
Por certo, unha chuscada: a TVG grabou a actividade!! Agardamos ver axiña a reportaxe e saír tan guap@s como os nen@s que aparecen AQUÍ
Hoxe imos botarlle una man aos profes e profas que andan atarefadísimos preparando horarios, organizando as aulas e elaborando programacións. Non hai quen os aguante, COITADIÑOS!!!
Nun dos meus paseos virtuais atopei esta presentación que deixo aquí por se lles serve de axuda. ÁNIMO, PROFES!!!
Olaaaa!!! Xa vos dixen que axiña voltaría para contarvos cousas!! Pois hoxe traiovos unha pistiña para que vaiades dándolle ás neuronas e adiviñedes cal será o tema co que traballaremos e nos divertiremos este curso. Abaixo tendes un vídeo chulísimo de AID, unha rapeira viguesa que está triunfando aquí e por toda España. Se prestades atención ao que vos acabo de dicir atoparedes as pistas e, como ben sei que sodes moi, pero que moi list@s, seguro que non tardades nadiña en dar coa solución.
BENVIDOS E BENVIDAS!!!
Ola, nenos, nenas e familias! Acabáronse as vacacións e hoxe comezamos un novo curso. Desde este recanto, o Claustro de Profesores do noso centro quere darvos a benvida e desexarvos un estupendo 2015/2016. Seguro que xa estabades desexando atoparvos cos compañeir@s e compartir con eles todo o que fixestes este verán, coñecer as novidades do cole... Eu agárdovos impaciente na biblioteca pois ando cavilando nalgunhas cousas vos van encantar. Estade atent@s, axiña teredes noticias miñas!!
Moitos bicos ratunos e FELIZ CURSO 2015/2016!!
%5B2%5D.gif)
.jpg)
.JPG)
