Unha bonita foto para outro desastre natural máis. Hoxe Combarro amañecía así. Os veciños de Fragamoreira, Liñares, O Muíño e todos nós perdiamos espazo natural do que estamos tan necesitados. Quero pensar que non haberá intereses financeiros, senón a indignación non tería fin. A estas horas aínda persiste o lume. ¿ e mañá ?
Limpamos os cantharellus e os langostinos coma sempre. Aproveitamos as cabezas dos langostinos para facer o fondo onde guisaremos as setas. Para o fondo ou fumet poremos 2 culleres de aceite de oliva nunha tarteira e engadimos as cabezas de langostinos machacadas, medio porro, media cebola e dous dentes de allo; refogamos todo, engadimos uns 50 ml de auga, deixamos reducir a lume lento. Colamos e reservamos. Os langostinos fritímolos un pouco enteiros e cortámolos transversalmente. Necesitaremos tres medios langostinos para cada brik. Reservamos.
No fondo que tiñamos reservado guisamos os cantharellus, deixando consumir a auga, atendendo de que non collan unha textura moi branda, neste momento, retiramos un pouco do caldo e misturámolo con maicena e engadímolo ó guiso co obxectivo de espesar un pouco a salsa. Preparamos coa pasta filo os paquetiños ou briks cos cantharelus e tres medios langostinos e poñémolos no forno prequentado a 180º durante 10 minutos. De veras, un pouco de traballo pero moi saboroso.
.jpg)
