O FALAR NON TEN CANCELAS


ENDL IES Lagoa de Antela

O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

ENLACE A RECURSOS DIDÁCTICOS
Neste enlace hai recursos para a materia de lingua e literatura. Presentacións de temas
Comentarios (0) - Categoría: MATERIAIS DIDÁCTICOS - Publicado o 28-03-2009 12:37
# Ligazón permanente a este artigo
POEMA VANGARDISTA: MARÍA BARREIRO
María Barreiro, de 4º da ESO, deulle a súa particular estrutura aos versos da clase.



Comentarios (1) - Categoría: CREACIÓNS ALUMNADO - Publicado o 27-03-2009 14:01
# Ligazón permanente a este artigo
VANGARDAS
Presentación cos principais movementos vangardistas.



Comentarios (2) - Categoría: MATERIAIS DIDÁCTICOS - Publicado o 27-03-2009 09:11
# Ligazón permanente a este artigo
"RAMÓN" NA BIBLIOTECA: LECTURAS DRAMÁTICAS

Celebramos o Día Mundial do Teatro cunha lectura dramática na biblioteca. De novo foi ?Ramón? de Sergi Belbel, adaptada por Begoña Muñoz e readaptada nesta ocasión para 8 personaxes, a que logrou arrancar os risos e os aplausos do público. Noraboa para as e os protagonistas de 3º C de ESO: Pablo, Marta, Andrea Rodríguez, Lucía, Andrea Feijóo, Manuel, Eva e Diego.
Se queres información sobre pica aquí.Sergi Belbel
Comentarios (0) - Categoría: DATAS PARA NON ESQUECER - Publicado o 27-03-2009 00:02
# Ligazón permanente a este artigo
CASTELAO
Comentarios (0) - Categoría: MATERIAIS DIDÁCTICOS - Publicado o 26-03-2009 17:35
# Ligazón permanente a este artigo
O FILME O CLUB DA CALCETA BASEADO NA NOVELA HOMÓNIMA DE MARÍA REIMÓNDEZ VENCEDOR DO FAMAEST 2009
O Club da Calceta sae vencedor do Famafest 2009
O xurado felicitou a "profunda reflexión sobre a condición feminina" do filme dirixido por Antón Dobao e baseado na novela homónima de María Reimóndez.

Máis información en Vieiros

MARÍA REIMÓNDEZ impartiu unha charla no no Lagoa hai 2 anos sobre a novela O club da calceta e sobre o labor da ONG Implicadas no Desenvolvemento, organización da cal é presidenta.
Comentarios (0) - Categoría: NOVAS DE INTERESE - Publicado o 25-03-2009 19:25
# Ligazón permanente a este artigo
27 DE MARZO: DÍA MUNDIAL DO TEATRO

O 27 de marzo conmemórase o Día Mundial do Teatro, declarado polo Instituto de Teatro Internacional como recoñecemento ao importante papel que desempeña na vida das persoas.
Os beneficios que aporta o teatro no ámbito educativo son moi valiosos, pois permite adquirir habilidades sociais que contribúen á formación integral das persoas. A súa práctica incrementa a competencia social e cidadá, axuda a coñecerse e coñecer os demais, potencia a empatía e a resolución dos conflitos a través do diálogo, desenvolve a sensibilidade e a creatividade e favorece a adquisición da competencia comunicativa.

? O poder esencial do teatro é deixar de lado todo o que separa as persoas: diferenzas de raza, de educación relixiosa ou política, diferenzas de linguaxe. En cambio pon de relevo todo o que as persoas teñen en común: o riso e as bágoas, a alegría e a tristeza, a felicidade e a angustia, ou sexa o que é dominio do corazón. O teatro fai aparecer o corazón común de todas as persoas, nisto é o máis eficaz vehículo de paz.?

Jean Louis Barrault (actor e director francés)

Rescatamos estas palabras de Begoña Muñoz Saá( dramaturga e profesora de Lingua e Literatura Galegas e Teatro no IES Otero Pedrayo de Ourense) que impartiu unha charlla interactiva sobre teatro no IES Lagoa de Antela hai 3 anos e concedeu unha entrevista a un grupo de alumnas e alumnos de 4º da ESO. Nas clases de teatro traballamos con textos creados ou adaptados desta dramaturga tan comprometida co teatro e a educación.

P- Pensa que o teatro pode ser unha cura ou remedio emocional?

R- Si, o teatro é unha maneira para coñecerte moitísimo, pois cada vez que tes que representar un personaxe tes que facer un estudo de como ese personaxe actuaría. Por exemplo, se ti tes que representar unha persoa que ten SIDA, evidentemente ti non podes enfermar para poder representalo ben pero si que te tes que documentar, igual que para facer de prostituta tes que documentarte. Un bo actor e unha boa actriz teñen que ser, primeiro, uns grandes observadores da realidade e, segundo, teñen que ser unhas persoas moi tolerantes, pois saben perfectamente o que poden sentir as persoas nun momento determinado. Se ás persoas conflitivas, ás que teñen algún tipo de problema social ou un sistema de valores desaxustado,como son os alumnos machistas, que teñen un desprezo absoluto da muller, lles fas vivenciar o que sente unha persoa que sofre, unha muller manipulada ou unha muller desprezada- é horroroso porque se poñen fatal- podes conseguir que se sensibilicen e cambien de actitudes. A estas persoas, que desprezan os homosexuais e lles chaman maricóns, en teatro, mediante as improvisacións, pódeslles facer comprender o que un home homosexual podería sentir nesa circunstancia.

P- Escolle unha obra e un personaxe, ese con quen te identificarías.

R- Ofelia, por exemplo, pero identifícome, sobre todo, coas mulleres que padecen algún tipo de maltrato, as mulleres que están doídas, as mulleres que sofren, todas as mulleres que aparecen nas obras de teatro con algún tipo de estigma. Porque independentemente de que ti non vivas a experiencia do maltrato si que te sentes maltratada constantemente pola vida. A vida dos homes segue sendo nestes momentos máis fácil cá nosa, é o que penso, hai unha diferenza enorme e iso é tan inxusto... A única esperanza que teño é que estas cousas vaian cambiando; as miñas fillas, por exemplo, dende logo non van educadas como fun eu, para soportar o que eu soportei. Isto ten que cambiar porque a comodidade de vida que teñen os homes, en xeral, en comparación coa vida das mulleres, é abismal; é tan evidente esta inxustiza que eu non entendo como todo o mundo non reacciona.
Comentarios (0) - Categoría: DATAS PARA NON ESQUECER - Publicado o 24-03-2009 11:44
# Ligazón permanente a este artigo
POEMA VANGARDISTA SOBRE CADROS EXPRESIONISTAS

O alumnado crea un verso inmediatamente despois de ver un cadro expresionista e, a continuación, elabórase un poema cos versos. A idea é de Carlos Negro e o experimento é motivador.
Unha alumna de 4º B de ESO, Úrsula Casado, ofrécenos a súa orixinal versión a partir dalgúns versos de compañeiras e compañeiros.
Comentarios (0) - Categoría: CREACIÓNS ALUMNADO - Publicado o 19-03-2009 21:06
# Ligazón permanente a este artigo
RECITAL/ CONSELLO DA CULTURA GALEGA
Recollemos da páxina do Consello da Cultura Galega un material sonoro interesante. Nas palabras que introducen:
Recital antolóxico da poesía galega dos séculos XII ao XX O 24 de xullo de 1956, o Teatro Castelao do Centro Galego de Bos Aires viviu unha emocionante xornada. Eduardo Blanco Amor, dirixindo a varios destacados actores galego-arxentinos, organizou un recital que pretendía abranguer toda a literatura galega até a actualidade do momento.


Recital promovido por Blanco-Amor/ Consello da Cultura Galega
Comentarios (0) - Categoría: MATERIAIS DIDÁCTICOS - Publicado o 18-03-2009 09:27
# Ligazón permanente a este artigo
LITERATURA MUSICADA: CADERNO DE LINGUA
Nesta sección de literatura musicada de Caderno de Lingua podedes encontrar versións de poemas musicados e outras propostas interesantes. Literatura musicada
Comentarios (0) - Categoría: MATERIAIS DIDÁCTICOS - Publicado o 18-03-2009 09:11
# Ligazón permanente a este artigo
XENTES DO IES LAGOA DE ANTELA NO BEN FALADO



Ben Falado é un programa da Televisión de Galicia que se emite ás 15:30, logo do tempo, e aborda cuestións de interese lingüístico. O venres 13 de marzo dedicouno ao documental sobre o Entroido que están confeccionando alumnas de 4º da ESO dirixidas polo profesor de Matemáticas Roxelio Barbosa, a quen, como se di agora na xiria estudantil, pilótalle moito isto do vídeo. Estas alumnas, que tamén forman parte do Club de Lectura, merecen o noso recoñecemento. A elas, a Uxía Alonso, Úrsula Casado, Isabel Fernández, Noelia Gamallo, Beatriz Domínguez, Susana Diz sumouse a voz de Álvaro Araújo.

O día en que desembarcaron as cámaras no instituto preparáronse tres sesións temáticas diferentes para seren emitidas en tres programas distintos. Esperamos ver de novo as xentes do Lagoa na pequena pantalla. Mentres, seguiremos a aprender e a gozar con Ben Falado.
BEN FALADO
Comentarios (0) - Categoría: NOVAS DE INTERESE - Publicado o 17-03-2009 17:27
# Ligazón permanente a este artigo
LINGUA DE AMOR 2009

Xa está en marcha a 3ª edición de Lingua de Amor, o concurso de cancións e declaracións de amor en galego
O Consello da Xuventude de Galicia, a través do seu Servizo de Normalización Lingüística e en colaboración co Servizo de Normalización Lingüística do Concello de Vigo, presenta a terceira edición de Lingua de Amor, o concurso de cancións e declaracións de amor a través do correo electrónico.

Un dos principais obxectivos de Lingua de Amor é dinamizar o uso da lingua galega por parte dos mozos e mozas nos novos espazos de comunicación: correos electrónicos, chats, foros... O galego é unha lingua útil para os momentos de lecer e diversión, perfectamente válida para a música. O galego ábreche as portas á hora de coñecer xente, de facer amigos e... por que non? Tamén para formar parellas!
Así mesmo, outro obxecto é relacionar o galego coas formas de diversión xuvenil e potenciar os seus valores como unha lingua próxima, útil e moderna, perfectamente válida para a música. A normalización da lingua galega en moitas ocasións céntrase en contextos institucionais marcadamente formais que non chegan á mocidade dun xeito atractivo. Con este concurso o que pretendemos é normalizar o uso da nosa lingua dende unha perspectiva lúdica, actual e atractiva para a xente nova.

Este concurso organízao o Consello da Xuventude de Galicia, a través do seu Servizo de Normalización Lingüística, en colaboración co Servizo de Normalización Lingüística do Concello de Vigo, a Secretaría Xeral de Política Lingüística e a Libraría Couceiro.

3O concurso Lingua de amor consta de dúas modalidades:
- MODALIDADE 1: declaracións de amor en galego a través da rede
- MODALIDADE 2: cancións de amor en lingua galega.


PREMIOS ANO PASADO 2008

Categoría A (14 a 19 anos)

1. Silvia Castañal González (15 anos, Riotorto).

'Composto químico'.
Eu son para ti coma un átomo invisible nun complexo composto químico. Déixame ser algo máis, necesítote.
2. Bibiana Rodríguez Domínguez (16 anos, Tui).

'Porque te quero...'
Quérote lonxe de min, ao outro lado da cama.

3. Marta Lois (18 anos, Santa Comba).

'O meu veleno'.
Púxenlle a cada verba que che vou dicir o suficiente veleno como para que sexas meu o resto da miña vida...

Categoría B (20 a 35 anos)

1. Bibiana Caamaño Álvarez (20 anos, Carral).

'Laranxas do día'.
Lembras como ós 20 anos faciamos o amor case todos os días? Hoxe sen te decatar, fasme cóxegas cada noite baixo a manta da cama fría. Lembras esas mañás nas que ías ó mercado para me traer laranxas do día? Hoxe enfádaste porque non che deixo saír á rúa sen compañía. Porque 65 anos despois non lembras mais seguímonos Amando igual que o primeiro día.

2. Margarita Sampedro Mariño (25 anos, Boiro).

'Química'.
Din que o amor son reaccións químicas, liberación de endorfinas ou non sei que lerias. Por se acaso vou ir mercando unhas cantas probetas por se esta noite vés visitarme e así facer un experimento científico.

3. Dolores Torrado Vicente (29 anos, Laxe).

'Autobiográfico'.
- Quérote...
- De veras?!
- ... Avisar que non veñas buscarme...


Consulta as bases do concurso
AQUÍ
Comentarios (0) - Categoría: CONCURSOS - Publicado o 17-03-2009 10:09
# Ligazón permanente a este artigo
HOMENAXE A MARUXA MALLO

Previo traballo de educación documental ( Á procura da personaxe misteriosa) sobre a figura da pintora Maruxa Mallo, e co obxectivo de rescatar a súa memoria para o 8 de marzo deste ano, realizouse unha exposición sobre a súa vida e obra no corredor de acceso á biblioteca.
Na sección de normalización da páxina web colgarase o cuestionario do xogo, que se pode adaptar a gusto do consumidor, e un libro en formato PDF sobre vida e obra da artista para quen desexe.
Empregáronse diferentes fontes de información: os libros Maruxa Mallo, de Carme Vidal, e Maruja Mallo, la gran transgresora del 27, de José Luis Ferris. Tamén se consultaron páxinas web sobre o tema.
NORMALIZACIÓN LINGÜÍSTICA
Comentarios (4) - Categoría: NOVAS DE INTERESE - Publicado o 14-03-2009 09:49
# Ligazón permanente a este artigo
BICOS CON LINGUA DE TALÍA TEATRO


Alumnas e alumnos do Lagoa de Antela acudiron á representación de Bicos con lingua da compañía de Cee Talía Teatro. O Auditorio de Ourense foi o lugar escollido para a posta en escena da peza escrita por Avelino González, Suso de Toro, Cándido Pazó, Xabier Lama, Manuel Núñez Singala, Ana Iglesias e Marta Etxebarría, dirixida por Avelino González e interpretada por Toño Casais e Artur Trillo.

Bicos con lingua enfoca e interpreta o tema do conflito lingüístico en clave de humor.
Non se cumpriron as expectativas de todo o mundo: o alumnado de 1º da ESO e algúns de 3º da ESO perdéronse na dialéctica verbal e non souberon interpretar a ironía que impregnaba os gags. O texto disparábase de maneira acelerada a medida que a teatralidade diminuía. E, coma sempre, parece que os tópicos sexistas dan moito xogo para ridiculizar os prexuízos sobre a lingua, só que neste tipo de parodias a imaxe que realmente queda é a de mulleres ridículas no seu papel de nais e cuxa relación se constrúe sobre unha base de permanente rivalidade.
Comentarios (0) - Categoría: TEATRO - Publicado o 14-03-2009 09:44
# Ligazón permanente a este artigo
MARTA DACOSTA RESUCITA A OFELIA

RESUCITANDO A OFELIA

Marta Dacosta achegouse ao noso instituto para falármanos, entre outros temas, da ?invisibilidade? das mulleres e da existencia do ?teito de cristal? no ámbito literario.

A través dalgúns textos, a poeta foi desmontando algúns mitos fabricados sobre prexuízos sexistas e insistiu na necesidade de documentarse antes de crer algunha ?análise minimizadora? contra mulleres relevantes, sobre todo cando estas críticas son produto dunha ollada masculina. Como exemplo, citou lendas sobre algunhas escritoras coñecidas (Rosalía de Castro, María Mariño...) que nos sorprenderon e que demostraron como as autoridades literarias acostuman a desconfiar da intelixencia das mulleres e mostran reticencias á hora de valorar a calidade das súas obras.

A poeta tamén interpretou algúns textos de poetas dende unha óptica feminista. Xohana Torres, Luisa Villalta, Antía Otero, a mesma Marta Dacosta, forman parte dun grupo de escritoras que incorporan unha nova materia poética aos seus versos: vivencias, experiencias e simboloxía claramente femininas.

Canto material incitando á reflexión.

Durante moito tempo a muller non foi máis ca un obxecto artístico deseñado para satisfacer o ego masculino, unha proxección dos seus desexos. Estas escritoras, coma outras moitas, racharon cos estereotipos e construíron novos espellos onde mirarse, espellos que devolven identidades: de mulleres-suxeito, mulleres activas, críticas, independentes, que asumen espazos sen ter que xustificarse.

E aínda que hai moito camiño por andar o proceso é irreversible e xa non hai marcha atrás.

Mentres Penélope navega Ofelia resucita.

Grazas, Marta.

Máis información no seu blog e no blog lector .
Acuática Nós tamén navegar
Comentarios (0) - Categoría: DATAS PARA NON ESQUECER - Publicado o 10-03-2009 00:58
# Ligazón permanente a este artigo
DÍA DA LINGUA MATERNA: 21 DE FEBREIRO
Rescatamos do xornal O faro de Vigo esta noticia da semana pasada que convida a reflexionar.
O galego deixa de ser unha lingua en perigo de extinción para a Unesco
No Estado español, contabilízanse catro idiomas en risco de desaparición ou nunha situación vulnerable


M. MATO / VIGO Un total de 2.500 linguas de todo o mundo sofren o risco de desaparecer. Son os datos do último Atlas Unesco das linguas en perigo no mundo que onte foi presentado en París e no que catro idiomas do Estado Español figuran no límite da existencia ante a disminución alarmante de falantes. Neste grupo, non se atopa o galego que pasa a situarse "a salvo" xa que "todas as xeracións falan a lingua e a súa transmisión dunha xeración a outra é continua". Esta categorización do galego contrasta coa que recibira no anterior volume do ano 2001 onde figuraba como unha lingua "en perigo".
Un dos encargados de realizar o Atlas o filólogo finlandés Tapani Salminen explicaba onte a Efe que o galego protexeuse nestes últimos anos pola súa proximidade ao portugués. Engadiu Salminen tamén que, de toda Europa, a lingua minoritaria máis forte é, actualmente, o catalán.
No caso do vasco, o informe da Unesco etiqueta a súa situación como "vulnerable" entendendo como tal que "a maioría dos nenos falan a lingua, pero o seu uso pode estar restrinxido a determinados ámbitos (o fogar, por exemplo)". O Atlas engade que o euskera rexistra 660.000 falantes nativos.

Se queres seguir lendo preme aquí:O galego deixa de ser unha lingua en perigo de extinción
Comentarios (3) - Categoría: DATAS PARA NON ESQUECER - Publicado o 25-02-2009 20:07
# Ligazón permanente a este artigo
ENTROIDO

Se as xentes do Ribeiro, como dxo alguén, nacen co virus da uva inoculado no sangue, as xentes da Limia nacen co virus do entroido inxectado nas veas.
Celebrouse o entroido no instituto con variedade de disfraces e ambiente de festa.
Comentarios (0) - Categoría: FESTAS - Publicado o 25-02-2009 12:02
# Ligazón permanente a este artigo
A ONDA: CINEFÓRUM


O xoves 19 de febreiro celebramos a 4ª sesión de cinefórum no Salón de Actos do instituto. O público fiel ás proxeccións degustou unhas pizzas artesás elaboradas polo alumnado do PCPI de Cociña e entrenouse para a festa do venres cunhas poses entroideiras. Ao final da proxección, que causou impacto nos espectadores e espectadoras, abriuse un pequeno debate sobre o tema da película: a ameaza sempre presente do totalitarismo. Comprobouse que fráxil é a fronteira que separa a razón da obcecación, a necesidade que manifestan os máis débiles de sentirse integrados e aceptados, o fácil que é manipular, o fácil que é perder o control, os riscos de experimentos para influenciar no comportamento colectivo, a confusión entre didáctica e ideoloxía, o perigo de proxectar frustracións...
Unha película para reflexionar.

A Onda
(Die Welle)

Drama
Alemaña
Duración: 101 m
Ano: 2008

Ficha técnica:
Director DENNIS GANSEL
Reparto
Jürgen Vogel
Rainer Wenger

SIPNOSE
Ao profesor de instituto Rainer Wenger (Jürgen Vogel) ocórreselle a idea dun experimento que explique aos seus alumnos cal é o funcionamento dos gobernos totalitarios na Alemaña de hoxe en día. En apenas uns días, o que comeza cunha serie de ideas inocuas como a disciplina e o sentimento de comunidade, vaise convertendo nun movemento real: A Onda. Ao terceiro día, os alumnos empezan a illarse e ameazarse entre si. Cando o conflito finalmente rompe en violencia durante un partido de waterpolo, o profesor decide non seguir co experimento, pero para entón é demasiado tarde.


Comentarios (0) - Categoría: CINEFÓRUM - Publicado o 25-02-2009 11:59
# Ligazón permanente a este artigo
VÍDEOS SOBRE COUSAS DE CASTELAO


En flocos podes ver esta animación de plastilina sobre a mesma cousa: "Nunha rúa nun porto lonxano":
Flocos
Comentarios (0) - Categoría: VARIOS - Publicado o 18-02-2009 09:29
# Ligazón permanente a este artigo
I CERTAME DE CINEMA OUFF ESCOLA 2009


O Consorcio do Festival Internacional de Cine Independente de Ourense (OUFF), a Secretaría Xeral de Política Lingüística, a Concellaría de Normalización Lingüística do Concello de Ourense e a Axencia Audiovisual Galega convocan o I Certame de Cinema OUFF Escola, dentro da XIV edición do Festival de Cine Internacional de Ourense.

I Certame de Cinema OUFF ESCOLA nace co obxectivo de impulsar o uso do idioma galego entre a mocidade; fomentar a creatividade audiovisual e o traballo en equipo, nunha linguaxe atractiva para o alumnado, que contribúa a xerar un espírito crítico. Este certame pretende, así mesmo, potenciar o uso das tecnoloxías da información e da comunicación nos centros de ensino e crear un espazo de referencia para a mostra do audiovisual feito nas aulas.

Facer cine en Galicia é posíbel. Facer cine en galego é necesario, calquera cultura que queira sobrevivir precisa do cine.
Chano Piñeiro
________________________________________

BASES


1. FINALIDADE DA CONVOCATORIA
O obxectivo desta convocatoria é regular o procedemento de aceptación e participación de proxectos audiovisuais no I Certame de Cinema OUFF ESCOLA convocado polas devanditas entidades.

2. PARTICIPANTES
Poderá participar o alumnado matriculado en centros públicos e privados de ensino non universitario de Galicia durante o curso 2008-2009, así como aqueles de fóra de Galicia que teñan no seu currículo materias de e en lingua galega. A participación realizarase sempre baixo a titoría dun profesor ou profesora responsábel do proxecto. A esta persoa expediráselle un certificado de participación no concurso.

3. CATEGORÍAS
Establécense dúas categorías:
A) Ensino infantil e primario
B) Demais niveis de ensino non universitario

Se picas aquí poderás descargar as bases
ENDL Lagoa de Antela
Comentarios (0) - Categoría: CONCURSOS - Publicado o 09-02-2009 19:28
# Ligazón permanente a este artigo
LECTURAS ABERTAS POLA PAZ NA BIBLIOTECA



O venres 30, Día da Paz, asistimos a unha nova sesión de Lecturas Abertas na Biblioteca. O acto foi organizado polo Equipo da Biblioteca e o Equipo de Normalización e Dinamización Lingüísticas.
Nun escenario ateigado de carteis da palabra paz en diferentes idiomas e cores, profesorado e alumnado de diferentes cursos elevaron as súas voces emotivas diante dun público entregado, que acompañaba cada intervención con cálidos aplausos. Participaron: Raquel Vázquez, Úrsula, Raquel Trigo, Rosa (profe), Milagros, Jasmin, Elisa, Miriam (profe), Mayte, Fatima, Iago, Pilar (profe), Vanesa, Antía, María, Ernesto (profe), Óscar (profe), Néstor, Maimuna, Verónica e Manuel. Recitáronse poemas (Harold Pinter, Giannis Ritsos, Giuseppe Ungaretti, Boris Vian, Sas Nah Larosi, Bertold Brecht, Casimiro de Brito, Nizam Qabbani, Bigg, Said Mouski...), léronse citas latinas e escoitamos a voz de Mikel Laboa, recentemente falecido.
Ao remate as persoas asistentes degustaron unhas galletas marroquís que elaboraron as alumnas e alumnos de Cociña.
Nun taboleiro de corcho colocouse un mapamundi onde se marcaron as diferentes zonas de conflito armado.
Tamén se repartíronse libriños cos textos escollidos e outros, confeccionados para a ocasión.

Colgaremos os vídeos das intervencións e as fotos na páxina web do instituto, na sección de Normalización. Tamén se subirán os textos.
Grazas a todas persoas que asistiron, animaron e, inevitablemente, se emocionaron con tantas palabras pola paz.

Porque outro mundo é posible.
Comentarios (3) - Categoría: ACCIÓNS EN VALORES - Publicado o 01-02-2009 21:59
# Ligazón permanente a este artigo
30 DE XANEIRO, DÍA DA PAZ

Paz??
Palestina, Chechenia, Sudán, Angola, Somalia, Colombia,
fame, violación, SIDA,
bombas, mísiles, balas, tanques,
nenos soldado, tortura,
humillación,discriminación,
explotación, expoliación,
multinacionais, bancos,
terrorismo,
hiperconsumo.

Busca o significado destas palabras
e marca a intrusa.
Comentarios (0) - Categoría: ACCIÓNS EN VALORES - Publicado o 25-01-2009 20:02
# Ligazón permanente a este artigo
LER PARA VIAXAR: DE MACEDA A XINZO

O luns día 19 alumnado do Lagoa de Antela recibiu alumnos e alumnas do IES San Mamede de Maceda na 3ª fase da experiencia didáctica Ler para viaxar.
Dende o instituto puxemos rumbo ao CDR (Centro de Desenvolvemento Rural) O Viso, sito en Lodoselo. Alí,, previo xogo de presentación, amasamos e fixemos pan nun forno de leña tradicional, dirixido pola mestra Modesta. A continuación, realizamos un obradoiro de pulseiras de coiro. Logo xantamos caldo e polo con patacas. Na sobremesa escoitamos poesía saharauí nas voces de Maimuna e Verónica, acompañadas musicalmente por Manuel e Iago. Tamén nos leron Mónica, Vanesa, Elisa e Antía unhas lendas sobre a orixe da lagoa de Antela e as Torres do Castro e de Pena. Ás catro da tarde dirixímonos a Trandeiras para percorrer o claustro e arredores. Alí tomaron a palabra Sonia e Alba para contarnos algo sobre a fachada da igrexa e Tomás portou datos sobre o sistema de canalización e a plantación de cerquiños. Por último, dirixímonos á Torre da Pena onde Iago e Paula falaron sobre a orixe das construcións. Naquel outeiro, despois de contemplar toda a chaira e o lugar que antes foi lagoa (a desecación e a concentración parcelaria converteu a zona nun enorme puzle xeométrico ateigado de cultivos) despedímonos dos nosos compañeiros e compañeiras de Maceda e voltamos aos nosos respectivos institutos.
Foi un pracer compartir unhas horas con esta xente veciña.
Colgamos máis fotos na galería da páxina web.
Comentarios (0) - Categoría: INTERCAMBIOS E CONTACTOS - Publicado o 22-01-2009 21:40
# Ligazón permanente a este artigo
PRADOLONGO NA PRÓXIMA SESIÓN DE CINEFÓRUM

Pradolongo

Reparto
Rubén Rios, Tamara Canosa, Roberto Porto, Gonzalo Chao
Director
Ignacio Vilar
Xénero
Drama

Sinopsis
Pradolongo é a historia de tres amigos dá infancia que ven deteriorar a súa amizade a medida que os intereses de clase e os sentimentos amorosos entran nas súas vidas. Raquel, Martiño e Armando son tres amigos que acaban de cumprir a súa maioría de idade. O verán preséntase como todos os demais, con festas, tardes no río..., pero esta vez nada vai ser igual. O amor que os dous raparigos comezan a sentir por Raquel e a posible venda, á pizarreira do pai de Armando, de Pradolongo, un prado de alta montaña pertencente á familia de Martiño, obrígaos a reconsiderar os soños e os vínculos que os mantiveron unidos desde a infancia.

AVISO: APRÁZASE A PROXECCIÓN POR CAUSA DA CLIMATOLOXÍA. DESCULPEN AS MOLESTIAS.
Comentarios (1) - Categoría: CINEFÓRUM - Publicado o 18-01-2009 11:19
# Ligazón permanente a este artigo
VIDEOCREACIÓNS DO ALUMNADO DO IES LAGOA DE ANTELA
Na sección de normalización atoparás as experiencias creativas do alumnado: videopoemas, entrevistas a avoas e avós, vídeo sobre Xosé María Álvarez Blázquez, etc. Entra e inspírate.
Experiencias creativas do alumnado
Comentarios (0) - Categoría: CREACIÓNS ALUMNADO - Publicado o 13-01-2009 10:01
# Ligazón permanente a este artigo
MÁIS MATERIAIS DIDÁCTICOS
Nestoutra páxina, da profesora de Lingua e Literatura Rosa Salgueiro, podedes atopar un monte de recursos, materiais e experiencias didácticas.
Materiais didácticos de Rosa Salgueiro
Comentarios (0) - Categoría: PÁXINAS DE RECURSOS DIDÁCTICOS - Publicado o 12-01-2009 20:36
# Ligazón permanente a este artigo
MATERIAL DE LINGUA E LITERATURA E OUTROS
Nesta páxina de Cadernos da Lingua hai todo tipo de materiais: textos, libros, vídeos, música...
Materiais de lingua e literatura
Comentarios (1) - Categoría: MATERIAIS DIDÁCTICOS - Publicado o 12-01-2009 13:44
# Ligazón permanente a este artigo
NEVE EN XINZO, SANGUE EN GAZA

Mentres en Xinzo e en Ourense caían folerpas e farrapos brancos sobre a terra, en Gaza seguía o sangue palestino a tinguir de vermello a terra.

NON AO XENOCIDIO DO POBO PALESTINO!!



Ode à Paz
Pela verdade, pelo riso, pela luz, pela beleza,
Pelas aves que voam no olhar de uma criança,
Pela limpeza do vento, pelos actos de pureza,
Pela alegria, pelo vinho, pela música, pela dança,
Pela branda melodia do rumor dos regatos,

Pelo fulgor do estio, pelo azul do claro dia,
Pelas flores que esmaltam os campos, pelo sossego dos pastos,
Pela exactidão das rosas, pela Sabedoria,
Pelas pérolas que gotejam dos olhos dos amantes,
Pelos prodígios que são verdadeiros nos sonhos,
Pelo amor, pela liberdade, pelas coisas radiantes,
Pelos aromas maduros de suaves outonos,
Pela futura manhã dos grandes transparentes,
Pelas entranhas maternas e fecundas da terra,
Pelas lágrimas das mães a quem nuvens sangrentas
Arrebatam os filhos para a torpeza da guerra,
Eu te conjuro ó paz, eu te invoco ó benigna,
Ó Santa, ó talismã contra a indústria feroz.
Com tuas mãos que abatem as bandeiras da ira,
Com o teu esconjuro da bomba e do algoz,
Abre as portas da História,
deixa passar a Vida!

Natália Correia
Comentarios (0) - Categoría: ACCIÓNS EN VALORES - Publicado o 11-01-2009 20:45
# Ligazón permanente a este artigo
REVISTA NO LÍMITE
Se aínda non entraches no noso blog da revista dixital No Límite é o momento de realizar unha visita. Podes mandar artigos, creacións, entrevistas, fotos... ao enderezo que alí se indica. NECESITAMOS A TÚA COLABORACIÓN!!
REVISTA NO LÍMITE
Comentarios (2) - Categoría: REVISTA NO LÍMITE - Publicado o 08-01-2009 21:09
# Ligazón permanente a este artigo
FESTIVAL DE NADAL MULTICULTURAL


Organizado pola vicedirección do IES Lagoa de Antela e conducido por dous excelentes presentadores celebrouse o Festival de Nadal no IES Lagoa de Antela. Actuacións multiculturais e diversificadas que fixeron as delicias dun público totalmente entregado.
A música foi a protagonista do acto: danza árabe, tango, rap, sons galegos modernizados, ritmos latinos, piano? converteron o Salón de Actos nun escenario multidiverso unido polo respecto e a solidariedade.
Entregáronse os premios dos diferentes concursos: postais de Nadal, en busca do tesouro escondido, micropoemas?
Todo para celebrar a chegada das vacacións de inverno, as que despiden o ano e nas cales facemos balance do vivido e deseñamos proxectos de futuro con ganas de cumprilos sempre.
E como esta é unha época de bos propósitos, por que non comezar con pequenos plans a curto prazo e non imposibles?
E como esta tamén é época de compras e agasallos, por que non planificar ben os gastos e evitar o consumismo?

Regala libros, regala en galego, consume responsablemente.
Comentarios (0) - Categoría: DATAS PARA NON ESQUECER - Publicado o 24-12-2008 10:59
# Ligazón permanente a este artigo
POSTAL DE NADAL

O Departamento de Plástica convoca todos os anos un concurso de postais de Nadal para varias categorías. Este ano o xurado concedeu un premio extraordinario á postal do alumno de 4º da ESO Cristian Rodríguez Valencia, o cal recolleu o premio entre calorosos e prolongados aplausos no Festival de Nadal.
A postal editouse para felicitar a toda a comunidade educativa do centro.

NORABOA, CRISTIAN!!
Comentarios (0) - Categoría: CONCURSOS - Publicado o 24-12-2008 10:52
# Ligazón permanente a este artigo
GAÑADOR DO CONCURSO DE MICROPOEMAS: DAVID GONÇALVES

O DE MONTEALEGRE: DAVID GONÇALVES DA CRUZ 2º C ESO

TODO O TEMPO É DE POESÍA

Dende a néboa da mañá
á néboa do outro día.
Dende a quentura do ventre,
á frixidez da agonía.
todo o tempo é de poesía.

OS MEUS VERSOS

Os meus versos o que son?
deben ser,
e serán no futuro,
anacos de corazón
que deixo acá, neste mundo.

PENSANDO

Pensando coa cabeza entre as mans,
camiñando lonxe, lonxe co pensamento
nas cousas infinitas. O poeta dorme
o sono solto.
Soña coas cousas máis bonitas.

A MIÑA TERRA

A miña terra queda no norte de Portugal. É bonita e sosegada. No inverno é moi fría e neva tódolos anos á altura do Nadal e a fins de xaneiro. Eu vou alá de vez en cando cos meus pais visitar a meu avó e a meus tíos.
Ten tres escolas: unha para os nenos pequenos e outras dúas para nenos grandes. ten un Centro de Saúde e un castelo moi bonito, cunha capela e un gran cemiterio ao lado.
Gústame moito a miña terra e só é pena gañar pouco diñeiro nela.
Venme visitar a Montealegre algún día.
Comentarios (1) - Categoría: CONCURSOS - Publicado o 23-12-2008 13:05
# Ligazón permanente a este artigo
2ª SESIÓN DE CINEFÓRUM: OS NENOS NO PARAÍSO

2ª sesión de cinefórum no IES Lagoa de Antela. Contamos cun público fiel que asiste a estas proxeccións de cine alternativo con vocación de espectador crítico e competente. Na Limia hai moito potencial.
Outro mundo é posible!!


TITULO ORIXINAL Bacheha-Ye aseman (Os nenos do paraíso)
ANO 1999
DURACIÓN 85 minutos
PAÍS
DIRECTOR Majid Majidi

GUIÓN Majid Majidi
MÚSICA Keivan Jahanshahi
FOTOGRAFÍA Parviz Malekzade
REPARTO Amir Naji, Amir Farrokh Hashemian, Bahare Sediqi

PRODUTORA Iranian Institute.
XÉNERO E CRÍTICA


1999: Montreal: Mellor Película. Premio do Público / Drama / Os zapatos da pequena Zhore desapareceron. O seu irmán maior Ali perdeunos. Son pobres, e non teñen para uns zapatos novos. Pero eles dan cunha idea para que Zhore teña os seus zapatos: compartir os de Ali...
----------------------------------------

Comentarios (3) - Categoría: CINEFÓRUM - Publicado o 18-12-2008 21:56
# Ligazón permanente a este artigo
COUSAS DA LINGUA EN ANIMACIÓN
Vimos de descubrir, grazas ao blog de Séchu Sende, estas animacións.
A lingua animada
Comentarios (0) - Categoría: DATAS PARA NON ESQUECER - Publicado o 13-12-2008 21:33
# Ligazón permanente a este artigo
DÍA DOS DEREITOS HUMANOS: AS COSTAS DO MUNDO

Proxectaremos este documental para celebrar o día.

FICHA TÉCNICA
Dirección: Javier Corcuera
Guión: Elías Querejeta, Fernando León de Aranoa e Javier Corcuera
Produción: Elías Querejeta P.C. coa colaboración de TVE e Vía Dixital
Duración: 89 min.
Países: Perú, Turquía, Estados Unidos
Ano de produción: 2000
Repartición:

Sinopsis: A película componse de tres reportaxes que afrontan outras tantas situacións de degradación humana e inxustiza social e política. A primeira pasaxe, O Neno, segue os pasos de Guinder Rodríguez, un espilido e encantador rapaz de 11 anos, que malvive coa súa numerosa familia nunha chabola dos suburbios máis pobres de Lima. Da súa man móstrase o duro traballo dos picapedreiros, ao que se ven abocados moitos menores da zona, que deben facer esforzos heroicos para seguir recibindo educación escolar. O segundo fragmento, A Palabra, é unha homenaxe a Leyla Zana, a primeira muller kurda que chegou a ser deputada no parlamento turco, e que leva desde 1994 nun cárcere de Ankara, cumprindo unha condena de 15 anos. O motivo: levar ao seu xuramento parlamentario un diadema coas cores da bandeira de Kurdistán e pronunciar, no prohibido idioma kurdo, unha frase sobre a irmandade entre o seu pobo e o pobo turco. Esta vez guían a historia os seus familiares, e especialmente o seu marido, Mehdi Zana, que foi o primeiro alcalde kurdo de Diyarbarkir -a principal cidade do Kurdistán turco- e que agora vive autoexiliado en Suecia, tras pasar 16 anos no cárcere. Sobre el pesan aínda outras condenas por un total de máis de 25 anos de prisión. Finalmente, n?A Vida, a cámara entra no corredor da morte dun cárcere de Texas, para mostrar sen concesións a deshumanización que leva a pena capital. Ao fío das confesións íntimas de Thomas Miller-O -un condenado negro, que xa sufriu dez datas de execución e coñeceu a 120 executados-, preséntanse as declaracións alucinantes, na súa terrible frialdade burocrática, do alcaide, o capelán protestante e outros funcionarios do cárcere, así como as sentidas opinións de familiares de condenados e dalgunha vítima.
Comentarios (0) - Categoría: DATAS PARA NON ESQUECER - Publicado o 07-12-2008 13:51
# Ligazón permanente a este artigo
CINEFÓRUM CON DOCES

O día 26 de novembro, alumnas e alumnos de 4º da ESO e 1º de BAC asistiron á 1ª sesión de cinefórum organizada polo ENDL do IES Lagoa de Antela. Para ?endozar? os 90 minutos que durou a película, o alumnado de PCPI de Cociña elaborou uns deliciosos boliños de chocolate, pastas e galletas que foron desaparecendo no transcurso da proxección. Cando rematou a película uruguaia O baño do papa producíronse uns aplausos espontáneos e, a continuación, un minicoloquio. No intercambio de impresións recoñeceuse que sorprendera o tipo de película, que o habitual era ver películas americanas. Con respecto ao contido do filme, aludiuse á dignidade dentro da pobreza, á solidariedade, ás expectativas, á agresividade provocada pola carencia?
Unha experiencia gratificante que esperamos (outra vez as expectativas) continúe.
Comentarios (3) - Categoría: CINEFÓRUM - Publicado o 26-11-2008 21:33
# Ligazón permanente a este artigo
LECTURAS ABERTAS CONTRA A VIOLENCIA DE XÉNERO


Pasaba as horas diante do espello
Contando cada segundo

Morrín tantas noites
Coñecín tan poucas lúas
E soñei tantas estrelas?

Baten na porta e xa se adiviña o cheiro a whisky barato ó outro lado do muro de Berlín

O cronómetro biolóxico acelérase
Coñecedor do holocausto

Cantas veces fuxín
E ningunha fun quen de facelo

Baten na porta e cada vez é máis intenso o perfume dos puños sanguentos

O reflexo volveuse negro
E murcharon as rosas dun perdón tantas veces errado

Abrín a fiestra
E cobarde de min
Vivín para sempre.


Ana Parada

Esta vella alumna do IES Lagoa de Antela mándanos os seus versos contra a violencia sexista.


Comentarios (1) - Categoría: DATAS PARA NON ESQUECER - Publicado o 24-11-2008 18:27
# Ligazón permanente a este artigo
SESIÓNS DE CINEFÓRUM

DÍA: MÉRCORES 26 DE NOVEMBRO
HORA:16:00 HORAS
LUGAR: SALÓN DE ACTOS


TITULO ORIXINAL O baño do Papa
ANO: 2005

DURACIÓN: 90 minutos

PAÍS: Uruguai
DIRECTOR: César Charlone, Enrique Fernández

GUIÓN: César Charlone, Enrique Fernández
MÚSICA: Gabriel Casacuberta, Luciano Supervielle
FOTOGRAFÍA: César Charlone
REPARTO: César Troncoso, Virginia Méndez, Virginia Ruíz, Mario Silva, Nelson Lence, Henry De Leon, Jose Arce, Rosario Dous Santos, Hugo Blandamuro

PRODUTORA: Laroux Cine
XÉNERO E CRÍTICA:


Drama. Comedia / SINOPSIS: É o ano 1988 e o Papa XOÁN PAULO II vai visitar Melo, unha pobre comunidade fronteiriza de Uruguai. O Pontífice empezará a súa xira por Latinoamérica nesta pequena cidade na que se espera a máis de 50.000 visitantes. Os máis modestos están convencidos de que esta visita será milagrosa para a alma e a carteira; moito cren que vendéndolle comida e bebida a esa multitude faranse case ricos. Pero Beto ten unha idea mellor: construirá unhas letrinas diante da súa casa e alugaraas. (FILMAFFINITY)

Unha historia conmovedora e chea de humor, acerca da dignidade humana e a solidariedade, do guionista e realizador Enrique Fernández e do director de fotografía e realizador César Charlone (nomeado a un Oscar pola fotografía de Cidade de Deus), e coproducida por Fernando Meirelles, realizador nomeado pola Academia de Hollywood (Cidade de Deus, O xardineiro fiel).


Comentarios (0) - Categoría: DATAS PARA NON ESQUECER - Publicado o 23-11-2008 10:37
# Ligazón permanente a este artigo
CAMPAÑA DE INFORMACIÓN E FOMENTO DA LECTURA PARA NAIS E PAIS

Enviamos díptico para informar sobre as funcións do ENDL, fomentar a lectura e a participación nas actividades.
Comentarios (1) - Categoría: CAMPAÑAS - Publicado o 19-11-2008 18:47
# Ligazón permanente a este artigo
SERAFÍN ALONSO PINTOS DISERTOU SOBRE SARMIENTO

Serafín Alonso Pintos, investigador do equipo do Proxecto Sarmiento do Consello da Cultura Galega, doutor en Filoloxía Galega e profesor de Lingua no IES Abrente de Ribadavia, disertou sobre a figura e labor do Pai Sarmiento. Falounos sobre a importancia do legado que o ilustrado nos deixou e que, por non ser publicado no seu momento, aínda se está a investigar.
Contounos como o frade foi un ilustrado que se interesou por multitude de temas e ciencias e de todas fixo o seu obxecto de estudo: filoloxía, historia literaria, historia natural, botánica, xeoloxía, matemáticas, física...
Serafín Alonso destacou do erudito a súa perspectiva e ideario progresistas sobre certos temas, e que, con toda probabilidade, fora esta maneira de pensar a que o levase a non publicar, dado o pensamento escurantista da oligarquía da época.
Merece que mencionamos deste ideario e forma de actuar:
A investigación a pé de campo, rexistrando o saber do pobo in situ.
A defensa da educación das mulleres e da súa opinión, nunha época en que as mulleres estaban excluídas da vida social e non tiñan acceso ao coñecemento escrito.
A defensa do galego como idioma irmán do castelán, nunha época en que se cría que este era un castelán mal falado.
A defensa dun ensino non memorístico, experimental e sen castigo, nunha época en que a violencia formaba parte do proceso de aprendizaxe.
Comentarios (0) - Categoría: VISITAS E ENCONTROS - Publicado o 17-11-2008 22:28
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0