Imos comenzar Xaneiro cunha serie de imaxenes, de videos, aviso... vai Gustar!
Comenzamos co grupo LOS IBERICOS, aquelos marabillosos rapaces que, en Decembro de 2009, formaron pàrte daquela gala que foi organizada polo Faiado da Memoria no Auditorio de Vilagarcía.
Un Festival de moitísimo éxito, rememorando a musica dos finais dos anos cincuenta e dos sesenta. Non sei si lembrades que se encheron as setecentas cincuenta butacas, entrando xente clandestinamente e que se acabaron sentándose nas escaleiras do Auditorio.
"...COA AXUDA DOS MEUS AMIGOS, ese era o seu título xenérico.
Con eles inauguramos un espazo de vídeos que vamos a ir instalando na remozada páxina de YouTube e que está dividida en distintas listas de reproducción temáticas para que vos sexa mais fácil chegar a elas e que se poden ir reproducindo secuencialmente.
Con elo queremos ir facilitarvos outros achegamentos aos nosos fondos e actividades, non só fotográficos senón tamén dos audiovisuais.
Lembrade que seguimos ofrecendo a oferta de poder escanear, aparte das fotografías, as vosas vellas películas de cine domésticas de 8 e Super8 mm que moitos/as aínda tedes polos faiados da casa ou en vellas caixas e que, posiblemente non poidéchedes volver a velas ao non contar cun proxector. Pois xa sabedes que no Faiado da Memoria tedes a posibilidade de transformar esas vellas cintas nun arquivo que podedes ver no teléfono móbil ou no ordenador e poder compartilas cos amigos e parentes. E o precio é o mais gracioso: 0 céntimos de €uro. Quen da mais por menos?.
