lugar para a conectividade e o intercambio de memoria sobre o noso pasado personal e humano
EU TAMÉN NECESITO AMAR

Premio Mellor documental galego CURTAS 2019.
Selección Oficial MICE 2020. Santiago (aplazado polo coronavirus)
Selección Oficial ESPIELLO 2020. Boltaña-Huesca (aplazado polo coronavirus)


THE BATTLE OF THE GOOD MEN

Selección oficial Cans 2018. sección vídeo clips.

Selección oficial Son Rías 2018. sección vídeo clips.

A VOLTA DOS NOVE

Nominación Mellor Documental
Premios Mestre Mateo, 2015

Premio do Público
Festival Primavera do Cine, 2015


DESDE DENTRO DO CORAZÓN

Nominada a Mellor Banda Sonora
Jerry Goldsmith Awards, 2013

Nominada a Mellor Longametraxe
Festival Primavera do Cine, 2014


O FAIADO DA MEMORIA

Arousán do Ano 2009
Apartado Cultura


A MEMORIA NOS TEMPOS DO VOLFRAM

1º Premio Certamen Etnográfico
Espiello, 2005


ARQUIVO DA MEMORIA SOCIAL
damemoria@gmail.com
 ESPACIOS
 GALERÍA DE FOTOS
 Ir a estas páxinas
 ARQUIVO

Chegou a data


Edicións Positivas presenta hoxe xoves, día 19, ás 20 horas da tarde, no local de O Faiado da Memoria en Ravella27, a obra Atila no Grove. Crónica política e Memoria da masacre (1923-1948) da que é autor o editor grovense e veciño de Vilagarcía, Antón Mascato. Na presentación participan Patricia Arias Chachero, profesora; Carlos Meixome, historiador e o autor da obra.

Atila no Grove é a crónica política do período mais convulso da vila do Salnés. Un lugar no que se deron todas as tipoloxías do que aconteceu arredor de 1936: perseguidos, inmolados con nocturnidade e á luz do día, asasinados e sobreviventes do seu propio asasinato, sacas colectivas de mozos para seren paseados, requisas e roubos no patrimonio familiar, listas negras, consellos de guerra, detencións e encarceramentos, condenados a cadea perpetua, fusilamentos, resistencia armada e guerrilleiros no monte, presos en campos de concentración, torturas e malos tratos físicos, abusos sexuais, rapina en sede xudicial, fuxidas colectivas en barco, agochos no monte e no mar, redadas, motín militares, asasinatos en aplicación da inexistente Lei de fugas, desercións do exército sublevado, exiliados... toda a maldade posible tivo lugar no territorio da vila mariñeira do Grove. Vintecinco asasinados entre 1936 e 1939, cento cincuenta encarcerados, ducias de exiliados... unha masacre.



En palabras do seu autor, Antón Mascato, Atila no Grove, é tamén unha historia política que comeza nos anos anteriores á ditadura de Primo de Rivera (1923-1930) e que chaga ata 1948, ?porque se dan nese ano tres acontecementos moi graves cando semellaba que o pesadelo xa rematara: a detención, tortura e cárcere de trece veciños militantes do Partido Comunista; o asasinato de Enrique Ferreirós, guerrilleiro da partida de Manuel Ponte e o asasinato de Francisco García Moldes, o dirixente do Partido Galeguista, abatido dun disparo no café Bolero mentres lía un xornal. Tres episodios que puxeron fin as ansias de normalización democrática das forzas políticas que aínda actuaban na clandestinidade?.



O papel da curia local, as prácticas violentas de someténs, cívicos e falanxistas, as arbitrariedades de gardas e militares, a espiral de violencia que se foi apoderando da vida pública, a denuncia das maneiras violentas que empregaron os perpetradores complétase nesta obra coa relación das trescentas vítimas directas e os feitos polos que foron violentadas e a referencia dos seus verdugos.



Atila no Grove. Crónica política e Memoria da masacre (1923-1948) é un traballo inxente, denso e documentado, que refire un periodo da historia marcado pola violencia utilizada como arma de depuración política, unha obra que sen dúbida non vai deixar indiferente a quen se achegue a ela.



Antón Mascato naceu no Grove. Estudou Filoloxía galego-portuguesa, desenvolvendo toda a súa vida laboral no mundo da edición, sendo director de Edicións do Cumio e da corporación Novagalicia. Ocupou varios cargos de representación profesional, sendo secretario da Asociación Galega de Editores e directivo do Gremio de Editores de España. Colaborador de prensa sobre temáticas culturais e históricas. Foi concelleiro no Grove, adscrito ao BNG, nos períodos de 1982-1986 e de 2007-2011; sendo concelleiro de cultura. Foi tamén presidente da Asociación pola Memoria Histórica do Grove e membro do Arquivo sonoro do Consello da Cultura Galega.

Ten publicas varias obras entre as que destacan Paco del Riego. Unha historia da restauración cultural de Galicia; A ruta do mar de Arousa, editada en varios idiomas, pola que o concello do Grove lle concedeu a Centola de ouro no ano 2005; As colareiras do Grove, en colaboración con Patricia Arias; As nosas chatas. Dicionario dos alcumes do Grove, tamén en coautoría; Xosé Conde Corbal. Obra Gráfica, que mereceu o recoñecemento de mellor libro editado no ano 2012 da Asociación Galega de Editores; ou recentemente Anduriña. Cen anos de paixón.

Ao Grove tenlle dedicado os seus mellores esforzos como documentalista e investigador, sendo responsable do sitio web As historias das comparsas, ou o Censo do Patrimonio marítimo construido.

Despois de vintecinco anos de traballos de investigación en arquivos militares e xudiciais, hemerotecas, entrevistas persoais, expedientes de prisión e outras fontes de difícil acceso publica Atila no Grove. Crónica política e Memoria da Masacre (1923-1948), onde se recollen arredor de trescentas persoas que no Grove padeceron as represalias da sublevación militar de 1936.

Comentarios (0) - Categoría: Xeral - Publicado o 19-12-2019 09:04
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0