ENDL do IES Félix Muriel
Equipo de Normalización da Lingua Galega

Perfil
enl.felixmuriel@gmail.com
 CATEGORÍAS
 AS NOSAS FOTOS
 RECOMENDAMOS
 Se buscas... atopas!
 BUSCAR BLOGS GALEGOS
 ARQUIVO
 ANTERIORES
 DESTACAMOS

Calabacín recheo
Ingredientes:
- 2 Calabacíns
- 2 ovos
- 1 lata de atún
- Perexil
- Viño branco
- Pan relado
- Queixo parmesano
- Sal
- Pementa

Elaboración:
1. Quéntase o forno a 180ºC
2. Pártense os calabacíns pola metade, verticalmente, e quítaselle a pulpa.
3. Machácaselle a pulpa e mestúrase cos ovos
4. Engádenselle 2 culleradas de pan relado, o queixo, o atún, a sal e unha pouca pementa ao gusto.
5. Póñense nunha fonte os calabacíns e rechéanse coa mestura.
6. Repárteselle por enriba un pouco máis de queixo e dúas culleradas máis de pan realado.
7. Introdúcese no forno durante 40 minutos.
8. Ao terminar póñense 5 minutiños máis a gratinar e, listo!

Bo proveito!

Marta Lorenzo 4ºESO-A
e ti que opinas? (0) - Categoría: Da xouba á sardiña: a nosa cociña - Publicado o 16-10-2012 19:31
# Ligazón permanente a este artigo
Sardiñas de Rianxo asadas Marta e Ángela 3ºB

SARDIÑAS DE RIANXO ASADAS

Ingredientes:

- 1 kg. De sardiñas frescas
- Sal

Elaboración:

1. Límpanse as sardiñas.

2. Fanse ascuas na lareira ou barbacoa con carbón.
3. Cando vexamos que estean feitas as ascuas, poñemos as sardiñas con un chisco de sal na grella.
4. Déixanse asar uns 15 minutos aproximadamente e dáselle a volta.
5. Cando estean feitas retíranse do lume e sérvense.
6. Este sería o resultado final:






e ti que opinas? (0) - Categoría: Da xouba á sardiña: a nosa cociña - Publicado o 01-06-2012 10:22
# Ligazón permanente a este artigo
Pinchos picantes de tenreira e patacas fritidas Marta e Ángela 3ºB
PINCHOS PICANTES DE TENREIRA CON PATACAS FRITIDAS
Ingredientes:
- 750g. de carne de tenreira
- Aceite 300ml.
- Vinagre 150ml.
- Sal
- Viño branco 150ml.
- Ourego
- Pemento picante
- Pemento doce
- Perexil 100g.
- Tres dentes de allo
Elaboración:
1. Realízase o adobe, bótaselle nunha xerra 300 ml. de aceite, 150ml. de vinagre, sal, 150ml. de viño branco, ourego, pemento picante, pemento doce, 100g. de perexil e tres dentes de allo.
2. Mesturase o anteriormente dito para ter o abobe elaborado.
3. Córtase a carne de tenreira en dadiños de pequeno tamaño para unha mellor cocción.
4. Bótaselle sal.
5. Engádeselle o adobe á carne.
6. Cando a carne o absorbeu métese nunhas baritas de aceiro inoxidable, que son para facer os pinchos.

7. Realizada a operación anterior póñense na grella e ásanse.
8. Este sería o resultado final:
e ti que opinas? (0) - Categoría: Da xouba á sardiña: a nosa cociña - Publicado o 01-06-2012 10:20
# Ligazón permanente a este artigo
Filloas Marta e Ángela 3ºB
FILLOAS
Ingredientes:
- Auga
- Ovos
- Leite
- Un pouco de anís
- Unha pouca casca de limón rallada
- Fariña
- Aceite de oliva
Elaboración:
1. Bátense os ovos.
2. Mestúranse os ovos e o leite.
3. Engádeselle o sal, anís e auga.
4. Mesturase todo.
5. Pouco a pouco vaise botando fariña a medida que se vai removendo.
6. Ten que quedar unha masa líquida para que as filloas saian ben finiñas.
7. Bótase un pouco aceite nunha sartaña ou nunha tixola, para que non se peguen.
8. Vaise botando na sartaña (ou tixola) a mestura realizada anteriormente.
9. Cando vexamos que está ben feita retirámola e repetimos o procedemento ata acabar.
10. Este é o resultado:
e ti que opinas? (0) - Categoría: Da xouba á sardiña: a nosa cociña - Publicado o 01-06-2012 10:19
# Ligazón permanente a este artigo
Salteado de espinacas con atún e arroz Marta e ÁngelA 3ºB
Ingredientes:
- 200 g. de espinacas frescas
- Un vaso de arroz
- Auga
- 2 dentes de allo
- Aceite de oliva
- Atún
Elaboración:
1. Cóllese unha tarteira, botáselle unha pouca auga.
2. Cando a auga estea algo morna engádenselle as espinacas e déixanse cocer durante 10 minutos.
3. Cando as espinacas estean cocidas escórrense.
4. Tras escorrer as espinacas botamos nunha tixola un chisco de aceite de oliva.
5. Bótaselle o allo picado en cadradiños moi pequenos, e as espinacas e deixase durante 5 minutos.
6. Cando as espinacas colleran algo do sabor do allo e do aceite engádeselle o atún durante 2 minutos aproximadamente.
7. O seguinte paso sería facer o arroz, entón, collemos unha tarteira, botámoslle arredor de tres vasos de auga, un de arroz e un dente de allo.
8. Deixámolo cocer durante 15 minutos e xa estaría o arroz listo.
9. Tendo toda a comida cociñada só nos queda servilo.
10. Este sería o resultado:
e ti que opinas? (0) - Categoría: Da xouba á sardiña: a nosa cociña - Publicado o 01-06-2012 10:18
# Ligazón permanente a este artigo
Doce de iogur Marta e Ángela 3ºB
DOCE DE IOGUR
Ingredientes:
- Fariña 250 gramos.
- 1 sobre de fermento
- 4 ovos
- 200g. de azucre
- Un iogur (pode ser natural ou de sabores)
- 100ml. de aceite de oliva
- Casca de limón rallada.
Elaboración:
1. Quentar o forno a 175ºC.
2. Engraxar con manteiga un molde.
3. Poñer nunha cunca grande os ovos co azucre e a casca de limón rallada.
4. Bater ata que a masa quede espumosa.
5. Engadir o iogur e o aceite ata obter unha mestura cremosa.
6. Botar a fariña pouco a pouco e verter no molde.

7. Introducilo no forno e deixalo cocer de 30 a 35 minutos.
8. Asegurarse de que estea ben cocido, picándoo cun escarvadentes e que este saia sen restos de masa pegados.
9. Así quedaría despois de sacalo do forno.
e ti que opinas? (0) - Categoría: Da xouba á sardiña: a nosa cociña - Publicado o 01-06-2012 10:16
# Ligazón permanente a este artigo
Estofado de coello Marta e Ángela 3ºB
ESTOFADO DE COELLO:
Ingredientes:
- Patacas
- Carne de coello
- Azafrán moído
- Pemento vermello (en tiras)
- Sal
- Aceite de oliva
- Viño branco
- Perexil
- Allo
- Auga
- Cebola
Elaboración:
1. O coello ponse en adobe dende o día anterior.
2. Dóurase o coello na tixola.
3. Sácase para un prato .
4. Pásase o aceite de dourar o coello a unha tarteira e neste engádeselle a cebola, o allo, o pemento e o perexil.
5. Deixase facer o sofrito e engádeselle o coello, deixase cocer un pouco e bótaselle un vaso de viño branco, ao que o viño ferva engádeselle unha pouca auga.
6. Deixase ferver vinte minutos a lume lento e bótanselle as patacas e o azafrán moído.
7. Deixase cocer outros vinte minutos dende que ferva a lume lento, e cando as patacas estean listas sérvese.
8. Este sería o resultado:

e ti que opinas? (0) - Categoría: Da xouba á sardiña: a nosa cociña - Publicado o 01-06-2012 10:15
# Ligazón permanente a este artigo
Receita de cociña: Crema <>
Ingredientes: 1/2 litro de leite,200 ml de nata líquida,2 ovos, 2 vasos de auga,7 culleradas de azucre, 2 culleradas de Maicena,1 culleradiña de zume de limón.
Elaboración:
-Montar a nata e reservar.
-Nun cazo grande a lume forte, deixar ata que ferva sen remover a auga, seis culleradas de azucre e o limón.
-Cando rompa a ferver baixar o lume e mover o cazo ata formar un caramelo. Reservar, arrefriar e engadir o leite apartando un vaso. Mesturar ben.
-Quentar a mestura a lume lento sen deixar de remover. Cando estea disolto o caramelo retirar e deixar arrefriar.
--Nunha cunca grande mesturar ben cunha vara o vaso de leite, a Maicena, unha cullerada de azucre e os ovos. Agregar a mestura reservada e seguir removendo.
-Quentar a crema e cando ferva retirala do lume e colala. Incorporar a nata montada e remover ben.
-Verter a crema en cuncas individuais. Introducir no frigorífico e deixar arrefriar polo menos un par de horas. Servir frío.



Sara. 1ºD
e ti que opinas? (2) - Categoría: Da xouba á sardiña: a nosa cociña - Publicado o 26-02-2012 19:15
# Ligazón permanente a este artigo
Empanada de chopos
Ingredientes:
aceite
sal
6 ceboliñas
1 pemento vermello
1 pemento verde
1 vaso de viño branco
1 bolsa de borra
1 chopo
masa de empanada

Pochar os pementos, e logo a cebola cos chopos.
Cando estea todo dourado botarlle a borra mesturada co viño branco. Deixar que reduza e deixar enfriar antes de botarllo á masa.
Prequentar o forno a 200º.Cando estea case lista a empanada sacar do forno e pintar con aceite ou ovo batido.


Nuria (1º ESO)
e ti que opinas? (2) - Categoría: Da xouba á sardiña: a nosa cociña - Publicado o 11-10-2011 20:09
# Ligazón permanente a este artigo
LASAÑA DE COCIDO
Do receitario "para repañar o prato!" de SOGAMA

CANTIDADES E INGREDIENTES:

? 200 gr. Xarrete de tenreira dun cocido.
? 80 gr. Lacón dun cocido.
? 1/2 und. Chourizo dun cocido.
? 80 gr. Falda de tenreira.
? 1/2 und. Zanco de polo dun cocido.
? 40 gr. Touciño entrefebrado dun cocido.
? 1 manoxo. Grelos dun cocido.
? 1 litro. Bechamel.
? 12 placas. Lasaña.
? 40 gr. Queixo relado.
? 1,5 dl. Salsa de tomate.
? c/s. Manteiga.
? c/s. Sal, pementa branca e noz moscada.
c/s: cantidade suficiente

ELABORACIÓN:
? Cocer as placas de lasaña en auga salgada e cun pouco de aceite. Escoar, refrescar e colocar sobre panos húmidos. Reservar.

? Dividir a bechamel en dúas partes iguais. A unha parte engadímoslle os grelos branqueados, triturados e pasados polo chino e reservámola no baño María. A outra parte reservámola tamén no baño María, sen mesturar.

? Picar tódalas carnes cocidas, ligar o conxunto cunhas culleradas de bechamel branca.

? Cubrir a base dunha cazola de barro con mollo de tomate, enriba colocamos unha placa de lasaña e alternamos a mestura da carne coa placa ata ter dúas capas de carne e tres placas de lasaña. Cubrimos por riba a metade coa bechamel verde e a outra metade coa bechamel branca.

? Esparexer con queixo relado, dispor uns pedazos de manteiga enriba e dourar ao forno a 230ºC.
e ti que opinas? (0) - Categoría: Da xouba á sardiña: a nosa cociña - Publicado o 26-02-2011 22:48
# Ligazón permanente a este artigo
© by Abertal
Neste blog utilizamos as imaxes con finalidade educativa. Se algunha delas estivera suxeita a dereitos de autor, rogamos que vos poñades en contacto connosco para retirala de inmediato.Apoia o Manifesto a prol da convivencia lingüística e a da igualdade de dereitos para o galegojujelEste blogue forma parte da Rede de Blogueiras/os en defensa do Galego

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0