"Pontevedra - As árbores da cidade".

Saíu en tres voltas cos tres grupos de 3º, e falaunos de catro cousas curiosas das árbores que temos preto do noso cole. Unha das máis chamativas foi a das árbores que estaban enamoradas. Un alciprés e un chopo semellan unha mesma árbore porque o inicio do tronco é case o mesmo. Logo bifúrcase o alciprés e semella que ten tres grandes polas. Tamén nos falou da pranta "Ave do paraiso", do limpatubos ou limpabotellas, e doutras moitas cousas máis que os poucos iremos contando, xa que aínda temos con el dúas visitas máis cos de 5º e cos de 6º.

Dende aquí dámoslle as grazas por vir a contarnos cousas curiosas das nosas árbores.

As árbores da fraga

Estaba o acivro
de garda na fraga,
pasou o carballo
e non lle dixo nada.

Chegou o eucalipto
á porta petar,
o acivro de garda
non o deixou pasar.

Entrou o bidueiro
e máis o salgueiro,
tamén o cerquiño
e o ameneiro.

Pasou o pradairo
seguido do freixo,
tamén a abelaira
e o castiñeiro.

Logo entrou o buxo
e máis a sobreira,
despois veu a faia
xunto coa ulmeira.

-Vaite eucalipto
non insistas máis
que aquí na fraga
non podes entrar.


(Xosé Lois Seixo Fernandez)

1 [2] [3]