Vagalume: insecto coleóptero (Lampyris noctícula) de notable diferenza morfolóxica entre o macho e a femia; esta presenta un apéndice fosforescente na parte inferior dos segmentos abdominais.
Chama moito a atención cando se ve de noite. O que tamén chama a atención é a cantidade de sinónimos ou variantes que hai por toda Galicia. Se ledes o conto, "Vagalumes na escuridade" atoparédelas, intencionadamente, todas as que aquí expoñemos: Corcoño, vella do caldo, coroceiro, vella dos valados, vella das papas, luceiro, vermes da noite, cagalumes, lucernas, lucecús. Haberá algún sinónimo máis?

Cal é o nome que máis vos gusta?


ENTRAR NO CONTO

Ver máis na breve Historia da Lingua, sobre todo a partir do 2004.

Actividade, para traballar en liña, pensada para rapaces do terceiro ciclo de primaria (10-12 anos), onde se tratan os Dereitos Humanos. ENTRAR NA ACTIVIDADE

Uxío Novo Neira escrebe estas dúas palabras, bicarelo e brelo, nun pequeno poema, "A Branca-Petra do Courel" (Os Eidos), que tamén canta Maite Dono co contrabaixista Baldo Martínez. Podes escoitalos no vídeo.

NO bicarelo do bico do brelo
canta o paxariño.
No mesmiño bicarelo
do bico do brelo.

Por que non regalar un disco?. Este CD, Cantigas de Nadal, ten panxoliñas de grupos moi variados. Abaixo podes escoitar Nadal de Luintra, de Berrogüeto, e O cometido, do grupo Chouteira.

AS XANEIRAS

Esta noite non se durme
imos cantar as xaneiras
cheira a cravos , cheira a rosas
cheira á flor das laranxeiras.

Aquí mora xente honrada
en casa dun labradore
que ten a muller bonita
e a filla coma unha flore.

Oh que linda estrela ?brila?
alén dos lagos do norte
a esa moi nobre casa
Deus lle dea unha boa sorte.

Alegraivos compañeiras
xa vexo a luz da candea
a filla do labradore
vaivos convidar ?pra? cea .

Para escoitar nestas festas recomendamos, hoxe, entre outros, mercar o CD "O Aghinaldo" do grupo Malvela. Aquí podedes escoitar a panxoliña "Chegaron a pé", que estará durante un tempo á esquerda do blogue, debaixo dos vídeos youtube.

[1] [2] [3] [4] 5 [6]