Preparamos o magosto
Con ledicia e con humor
Para tomar as castañas
E pintarnos con carbón.
Neste día de outono
Todos imos gozar
Os pequenos e maiores,
imos todos festexar!
Vén connosco ao magosto
Vén con nós imos xogar,
A pisar as follas secas
E cantigas entoar.
Vén connosco ao magosto.
Vén con nós imos xantar
As deliciosas castañas
Que contigo has de levar.
O magosto magostiño,
Moitas ledicias nos dá,
Pois baixo as súas cantigas,
Todos imos a bailar.
No magosto magostiño,
Todos imos xogar,
Cos xogos tradicionais,
para sempre gozar. |
