O 11 de xuño, o alumnado de 6º (3º ciclo de primaria) terá unha saída didáctica (aprazouse para 21 de xuño) polo tramo rural do río Gafos. Acompañarannos dous compoñentes da Asociación Vaipolorío. Eles darannos explicacións sobre o ecosistema de ribeira e o seu patrimonio.

Esta actividade está contextualizada dentro do contido de Actividades na Natureza de E. Física e Coñecemento do Contorno dentro de Coñecemento do Medio. Ó mesmo tempo cumpre ,tamén, algún dos obxectivos do Proxecto Atlántico, dentro das Escolas Unesco, como pode ser a valoración do patrimonio natural.
Neste os alumnos xa comezaron a facer traballos onde recopilan información diversa sobre estes dous elementos medio ambientais como son o río Gafos e a Ría de Pontevedra. O seu aposento.

Dentro do coñecemento do contorno, temos como obxectivo coñecer o noso río, O Gafos, no tramo máis descoñecido para os habitantes de Pontevedra, o tramo rural, que comeza preto da Estación de Autobuses.

Xunto con esta actividade temos tamén outra relacionada e paralela como é a de coñecer mellor a Ría de Pontevedra, onde desemboca o río Gagos.Para esta incluímos aquí o vídeo que se atopa na categoría do Medio Ambiente, "A Ría de Pontevedra".

Tamén, o domingo 30 de maio, esta asociación fará unha saída denominada Poema _río.
Ver nova na súa páxina.

Deixamos aquí uns vídeos que nos axudarán a coñecer máis esta xoia que temos en Pontevedra.