Nasas


Chelís
?Nunca se acaban as oportunidades. Poderiamos dicir que non temos présa por poñerlle o ramo ou por acadullar. Haberá quen diga que non saíu a tempo e haberá quen responda que as présas non son boas. Que todo o que sucede son tumbos de feira, como o día a noite, o vrao e o inverno ou a vida e a morte?.

Paio de Andrade




Creo que mañá van dous anos...

Lembro cando cara ás 10.30 h, coma todos os días laborábeis daquela época, achegárame a beber o meu café con leite ao bar de Suso para recargar as baterías. Coma todos os días collín o xornal.

Estaba sentada na mesa da esquina, colléralle o vicio de mirar nas necrolóxicas á miña compañeira de traballo. Mais aquel día a que estaba en galego era a dunha persoa coñecida. Primeiro, pensei que non podía ser, debía estar confundida. Sabía que non pasaba un dos seus mellores momentos. Collín o teléfono e chamei á Dores para contarlle o que acababa de ler. Quería que ela me dixera que non era el...

Despois de colgar o teléfono viñéronme á cabeza os últimos encontros: a chamada o día que estivera en Compostela e eu estaba na facultade, cando me viña esperar á biblioteca da Coruña despois de saír dos meus primeiros cursos de lingua oral, o día que me acompañou até a reitoría, os textos e palabriñas coas que gustaba de agasallar cando atopaba con alguén, as paroladas sobre o Samaín e moitas cousas que daquela non alcanzaba comprender... Antes de rematar a xornada de mañá relín o proxecto irmandiño de aprendizaxe da fala do que tantas veces me/nos falara.

Camiño de Burela volvín recordar o día que o coñecera nun dos Encontros de Normalización Lingüística. Empezara falando da ?pita do monte? para rematar co ?home peixe?, a metáfora do coche que facía unha chiscadela cos focos... moitas persoas sabiamos de que falaba outras tan só estaban preocupadas de cortar o micro e a súa intervención. Aquela noite fora memorábel en Compostela. E agora, a vida mesma...

Deixo aquí a miña lembranza para o bardo ou o Mago Merlín das palabriñas , esas cousas, un dos moitos retallos en papel... Na miña caxiña de tesouros están varias palabriñas súas que atopou na Illa, algúns poemiñas entre os que conto con cariño ?Liberdade? de F. Pessoa e o textiño que acabou servindo de introdución para os ?Proxecto irmandiño de aprendizaxe da fala?.

Lanses (3) - Categoría: arrastres - Publicado o 18-03-2009 18:44
# Ligazón permanente a este artigo
memoria de mulleres
Para a miña nai que tamén me criou entre as notas musicais das que falaba a Claudia, que sempre nos tiña a todos os nenos e todas as nenas do lughar con roupa ben zurcidiña e con pezas que estrear para a festa.

Os anos mozos, de Cándida Rodríguez González




Aquí ou aquí podemos ver outros filmes do ciclo Memoria de muller

Por certo, isto é un froito máis do goberno do BNG!

Lanses (2) - Categoría: arrastres - Publicado o 08-03-2009 22:44
# Ligazón permanente a este artigo
Cu-chinés do Leo
Di o Leo:

En chinés mandarín
crise pronúnciase igual
ca oportunidade.
Lanses (0) - Categoría: arrastres - Publicado o 03-03-2009 11:59
# Ligazón permanente a este artigo
o 1 de marzo...
Lanses (0) - Categoría: arrastres - Publicado o 24-02-2009 20:47
# Ligazón permanente a este artigo
saúdos e...
paciencia
e moitas grazas
que xa só quedan
10 minutos
Lanses (0) - Categoría: arrastres - Publicado o 18-02-2009 20:21
# Ligazón permanente a este artigo
Nos camiños de entusiasmo de G. Sanmartín: presentación


Lanses (1) - Categoría: arrastres - Publicado o 09-02-2009 14:23
# Ligazón permanente a este artigo
... di a Secretaria Xeral de Política Lingüística

[con data do 14 de xaneiro o xornal GalizaNación publica esta entrevista, eu acabo de lela e non podo saír do meu asombro]

- Recentemente deuse un caso dun cidadán que denunciou que un médico do Sergas non se dirixiu a el en galego, pese a serlle solicitado. Está obrigado un médico da sanidade pública a dirixirse en galego a un paciente si este o require?

Eu creo que legalmente hoxe en día non está obrigado, creo. O que ocorre é que hai algo que se chama obriga profesional, obriga ética e obriga moral. Pero sobre todo profesional. Se realmente un médico debe cumprir profesionalmente o mellor posible, obviamente cando ten a un paciente que se dirixe a el en galego, para lograr esa proximidade e esa complicidade, para ter esa confianza, debe usar o galego. Maioritariamente, os médicos que temos en Galicia son galegos, e polo tanto non deberían ter maiores dificultades. A consellería todo o material que utiliza está todo en galego. Ás veces é máis cuestión de vontade. Pero tamén digo que eses casos, que son denunciables e a Consellería debe indicarlle cales son os dereitos lingüísticos do paciente. Pero creo que nos debemos fixar na cantidade de médicos que si atenden aos pacientes en galego, aínda que despois o seu informe en moitos casos o fagan en castelán. Pero a comunicación maioritariamente si que a fan en galego.

Lanses (0) - Categoría: arrastres - Publicado o 22-01-2009 23:01
# Ligazón permanente a este artigo
un Natal co Apalpador


"Na súa primeira imaxe, publicada en 1863 na revista Harper's, de Nova York, Santa Claus era un gnomo gordiño que entraba por unha cheminea. Naceu da man do debuxante Thomas Nast, vagamente inspirado nas lendas de san Nicolás.

No Nadal de 1930, Coca-Cola contratou a Santa Claus. Até entón, non vestía uniforme, e polo xeral prefería roupas azuis ou verdes. O debuxante Jabdon Sudblom vestiuno coas cores da empresa, vermello vivo con reberetes brancos, e deulle os trazos con que todo o mundo o coñece hoxe. O amigo das crianzas leva barba branca, ri sen parar, viaxa en zorra e é tan rechoncho que non se sabe como fai para entrar polas chemineas do mundo, cargadiño de agasallos e cunha Coca-Cola na man.

Tampouco se sabe que ten que ver con Xesús."

De Espejos de Galeano (a tradución é nosa)




Eu confío en que este ano sexa un Nadal alegre para a Iria, o Javito, o Jonathan, a Mónica, o Irene, a Xela, o Manuel, o Francisco, o Lois, o Xián, a Esther... e tamén para aquelas persoas pequeniñas e grandes que agardan a chegada do que como para min era unha noite máxica. Iso si, encargareime de meterlle o engucio do Apalpador mentres non chegue aquel produto sostíbel que socialice este noso amiguiño.

E desde logo, parabéns á xente da Gentalha do Pichel por achegarnos esta figura de noso e ao Leandro Lamas, o seu creador.

Lanses (0) - Categoría: arrastres - Publicado o 22-12-2008 20:59
# Ligazón permanente a este artigo
curturgal (co permiso de Xurxo Souto)!



un cita imprescindíbel para a xente do país...

Lanses (0) - Categoría: arrastres - Publicado o 03-12-2008 20:14
# Ligazón permanente a este artigo
gouanimate
aproveitamos a dobre militancia

Lanses (1) - Categoría: arrastres - Publicado o 25-10-2008 18:22
# Ligazón permanente a este artigo
galega das Rías Baixas




así son
nasadepau[arroba]yahoo.es
 navegación
 outras nasas
 ANTERIORES
 de pesca
 en augas galegas
 ARQUIVO
 FOTOBLOGOTECA

© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0