Para @s máis grandiñ@s, outras tres músicas.
A primeira é O que eu quero, unha música que Aline cantou no concerto e da que gostastes especialmente. Deixámosvos un vídeo no que aparece ela cantando este ?hino da juventude angolana?, segundo as palabras da propia Aline Frazão. A letra é de André Mingas, angolano.
A segunda das músicas é de Cabo Verde e é falada en crioulo. Aline tocouna no noso Cacimbo, dese momento é o vídeo. Chámase Lúa. Nas letras tedes tamén a tradución ao portugués.
Para que coñezades a unha magnífica cantora caboverdiana, Mayra Andrade, tamén vos deixamos o seu vídeo, onde explica por que canta en crioulo.
Da terceira, os Meninos de Huambo, Aline escribiunos a letra... tocou o timbre e non tivemos oportunidade de oírlla cantar. Esta música foi moi popular na versión do portugués Paulo de Carvalho. Nós preferimos deixarvos o vídeo da orixinal, interpretada polo angolano Rui Mingas (coautor da música). A letra é de Manuel Rui Monteiro, tamén de Angola.
Primeiro tedes os vídeos e máis abaixo as letras. Podedes descargar e imprimir.
Esta semana temos unha Galeokada diferente, dentro das nosas II Xornadas da Lusofonía.
Especial para peques, con estas músicas imos ao mercado, contamos con Mariana e cantamos co pitiño amarelo.
Poremos as músicas na tele do corredor e repartiremos as letras a quen queira
Ah... esta sesión especial é fóra de concurso, así que poderemos cantar tod@s
A cantar (e bailar) entón...
Aquí vos deixamos as letras e os vídeos.
