Folk in Trío comeza a súa 4ª tempada cos mesmos obxetivos que no seu nacemento
Xa hai máis de tres anos dende ese venres de xullo do 2010 arrincaba o programa Folk in Trío na emisora comunitaria coruñesa, Cuac FM.
A música folk e tradicional dase cita neste espazo con música en directo, sorteos, anuncios, entrevistas... e un lote de novidades cada semana con gran apoio pola música novel.
Tamén temos feito programas en directo, como na Antiga Prisión Provincial da Torre aproveitando o noso 50º programa, ou o Especial Festival Interceltique de Lorient, dez programas en directo dende a Bretaña francesa nos anos 2012 e 2013.
Polos estudios de Cuac FM achegáronse grupos e solistas como Berrogüetto, Quempallou, Riobó, Os Cempés, Xabier Díaz, RIU, Sergio Tannus... pero non deixaron a ocasión de falar por vía telefónica con xente como Eliseo Parra, Silvia Pérez Cruz, Luar na Lubre e unha morea de artistas máis.
A 4ª tempada vai na liña marcada das anteriores, con seccións como o Xa Choveu!, onde rescatamos gravacións que xa se poden considerar históricas; o Folk-exemplo onde seguiremos poñendo a proba a algúns dos convidados; a sección friki-folkie, onde de cando en vez teremos a ocasión de escoitar cousas fóra do habitual; axenda semanal etc.
Estaremos os venres de 16 a 17 horas en Cuac FM, e tamén soaremos en Radio Crónica Folk Musical, Radio Neria, Radio Roncudo e Radio Pai, agardámosvos!
¡¡¡ATENCIÓN!!! ¡¡¡NOTICIA IMPORTANTE!!!
A partir do mes de febreiro Lume Na Palleira muda de día e hora de emisión.
Na tarde dos sábados deixa de haber programa.
Desde o vindeiro día 3 de febreiro estaremos convosco todos os domingos de 5 a 7 da tarde (17:00 a 19:00).
Tras a nosa experiencia radiofónica en Lume na Palleira tentaremos de colocar no blog os distintos programas relacionados co Folk que se emiten na Galiza para os que non poideron escoitalos en directo:
Folk in Trío comeza a súa 4ª tempada cos mesmos obxetivos que no seu nacemento
¡¡¡ATENCIÓN!!! ¡¡¡NOTICIA IMPORTANTE!!!
