Made in Galiza


Eu nunca serei yo
Um caderno de trabalho de Séchu Sende

A minha obra neste caderno está licenciada baixo creative commons, copiceibe.

O autor solicita comunicar-lhe qualquer uso ou modificaçom da sua obra no email de contacto aqui sinalado.

Contacto
madeingaliza
 CATEGORIAS
 FOTOBLOGOTECA
 OUTROS MUNDOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Leoparda e Babuíno


Leoparda tinha fame e meteu-lhe o dente a mamá babuina.
Mas mamá babuína nom estava soa, tinha a Babuino ao lombo.
Quando Leoparda descubriu o Babuininho começou a lamber nel. E adoptou-no.

Umha história estremecedora.
Ping, ping, para chorar de emoçom.

Para profes de língua portuguesa e curios@s:
Texto das legendas em Ensino obrigatório até os 65
Comentários (5) - Categoria: Geral - Publicado o 10-10-2007 10:48
# Ligazóm permanente a este artigo
Quando todo parece estar perdido...


Um clásico!

O búfalo, os leóns e o crocodilo:
UMHA HISTÓRIA QUE NUNCA ESQUECERÁS!

A uniom fai a força.

As raçons dos movimentos sociais.

Comentários (4) - Categoria: Geral - Publicado o 05-10-2007 17:33
# Ligazóm permanente a este artigo
Os animais de dous em dous uah! uah!


Luar na Lubre

Como explicam: Trátase dumha melodi­a de orixe irlandés, que coas emigracións foi á América onde foi adaptada como propia, incluso variándoa con diferentes letras.

A versión de Luar na Lubre é unha adaptación de Xabier Cordal dunha das letras tradicionais, que ten unha posible orixe bí­blica.


E os primeiros comentários no youtube:

Dervish41: Great!!!

Quinindiolas: Isto ten que ir pra o Xabarín pero xa! Cheghado o caso pode ser o Pirimpimpím do outono-inverno. Que bos os LNL!!

amananast: uah, uah..
amananast: é xenial non paro de escoitalo :) :) :)

pupdnd: LINDO!!!

papigil: Moitas grazas polo adianto, meu.

florencioalonso: Grande Luar Na Lubre!
A ver cuándo los tenemos de nuevo por Montevideo!

Comentários (7) - Categoria: Geral - Publicado o 05-10-2007 17:18
# Ligazóm permanente a este artigo
Freebatasuna
Freebatasuna

Comentários (4) - Categoria: Geral - Publicado o 03-10-2007 12:38
# Ligazóm permanente a este artigo
No Festival Internacional Galicreques


Ehem, ehem...

Fai-se saber que o Circo de Pulgas Carruselo apressenta o pequeno grande espectáculo

GALIZA PULGAS CIRCUS

na sua primeira participaçom num Festival, o Festival Internacional Galicreques, de Compostela.

Este sábado 6 de outubro ás 12.00
no Centro Sociocultural do Ensanche.

Com o grande domador de pulgas e psicoentomólogo
CLAUDIO CARRUSELO, (na foto).

E um guióm contra o medo deste que tamém escrebe guións made in galiza para pulgas selvagens.

Se tes entre 3 e 9 anos -cronológicos ou mentais-nom podes perde-lo!


Mais info:
Galiza Pulgas Circus
Festival Internacional Galicreques

A foto é da agéncia gráfica de informaçom galiza independente
Comentários (3) - Categoria: Geral - Publicado o 01-10-2007 19:59
# Ligazóm permanente a este artigo
O chinés que falava galego em Nova York


Pois parece ser que um dia a Torrente Ballester deu-lhe um ataque de saudade em Nova York.

E como um dos lugares onde mais afecta a morrinha é o bandulho, Torrente Ballester procurou por toda a cidade umha casa de comida galega.

E, claro, como nom é de estranhar, atopou-no.

Assi que entrou e sentou e apareceu o camareiro, que era chinés.

O camareiro preguntou-lhe Que vai querer o senhor.

E a Torrente estranhou-lhe que o chinés falasse galego mas pediu um caldo para começar.

O camareiro chegava, servia, falava em galego, e a Torrente, como nunca vira um chinés a falar a nossa língua, com sotaque de Camarinhas, aquilo pareceu-lhe tam curioso que despois de pagar a conta colheu e foi falar com o chefe do bar.

- Ola, debeu dicer-lhe. E logo, mire, se nom é indiscreçom..., e logo como fala este chinés tam bem o galego.

E dixo-lhe o senhor ponhendo o dedo diante da boca:

- Ssssh, cale, cale, que el pensa que está aprendendo inglés.


......

Obrigado pola história a Javier, que nos fixo rir com ela na apressentaçom de Made in Galiza em Carvalho.

Comentários (10) - Categoria: Geral - Publicado o 01-10-2007 15:36
# Ligazóm permanente a este artigo
2 ª ediçom de Made in Galiza!


Alegria!

Em 4 meses esgotastes a 1º ediçom e hai que meter-lhe máis papel á máquina de comunicar.

Obrigado a todos e a todas vós pola transmisom boca a boca e a generosidade.

Vemo-nos nos bares!

Comentários (23) - Categoria: Geral - Publicado o 01-10-2007 10:39
# Ligazóm permanente a este artigo
Reganosa, longe nossa!


Tod@s a Ferrol!

Cópio e pego:

A TODA A CIDADANÍA DE GALICIA :

A Planta de Gas instalada na angosta Ría de Ferrol, constitúe unha ameaza para a vida de 100.000 persoas e a riqueza marisqueira da Ría. En solidaridade: Coa veciñanza de Mugardos, pechada no Concello hai máis de dous meses. Coa Confraría de Pescadores e Mariscadores de Ferrol. Coa poboación de Ferrolterra. Para que non sexa aprobada a Acta de Funcionamento definitivo de REGANOSA Para o seu traslado ó Porto Exterior Para que remate este disparate contra o que vimos loitando desde o ano 2000.

PARTICIPA NA MANIFESTACIÓN CONVOCADA POLO COMITÉ CIDADÁN DE EMERXENCIA PARA A RÍA DE FERROL O próximo DOMIGO, 30 DE SETEMBRO, ÁS 12 HORAS NO PEIRAO DE FERROL.

DEMANDANDO:

1º Ao Goberno Central que ten competencias para decidir que, en base a eses condicionados non resoltos, non sexa aprobada a acta de funcionamento definitivo de REGANOSA.

2º Á Xunta de Galicia para que renuncie á herdanza envelenada do caso REGANOSA, e así mesmo, reoriente a súa política enerxética para que deixe de ser unha ameaza para a Ría e para a vida de miles de persoas de Ferrol Terra.

3º Ao Concello de Ferrol para que acorde dirixirse ao Tribunal Supremo a fin de que faga firme a sentenza 536/2004 favorable á cidadanía de Ferrol e que anula a falsa tramitación ambiental de REGANOSA.

4º Ao Concello de Mugardos, para que revise as licenzas, permisos e acordos con REGANOSA, que están ameazando a vida e os intereses da veciñanza.

NON FALTES
DIFUNDE A CONVOCATORIA


Mais info:
Comité cidadán para a defensa da ria de Ferrol

Peche na casa do concelho de Mugardos:
O Cruceiro de Meá

E a Plataforma Ártabra 21
Comentários (5) - Categoria: Geral - Publicado o 28-09-2007 13:14
# Ligazóm permanente a este artigo
Made in Galiza, em Carvalho!


Fam o convite o Concelho de Carvalho, desde a Concelharia de Cultura, Ensino e Normalizaçom Lingüística, e mais a Taberna Café O Patacón.
Dia: Cuarta-Mércores-, 26 de setembro.
Hora: 20.30.
Na taberna-Café O Patacón.

Vemo-nos!

Obrigadíssimo!


Literactua!
Comentários (6) - Categoria: Geral - Publicado o 24-09-2007 14:22
# Ligazóm permanente a este artigo
FESTAS REIVINDICATIVAS: REGANOSA/SOS COUREL


Dous avisos aos bons/boas e generos@s:


1. SMS:

est domingo (23 de setembro) en mugardos apoio or veciños pechads contra planta d gas.
as 7 teatro.
8 proxecio as encrobas a ceo aberto + debat.
as 6 charanga a gresca.
apuntaste?
leva instrumento.
pasao.



2.EMAIL:

dende a 'plataforma ?A Ría non se vende? facemos un chamamento a toda a cidadanía a unha concentración en solidariedade co Courel.

Domingo día 23 ás 11:00 da mañá na pista de patinaxe de Samil, durará ata as 14:00 horas

Convidamos a tod@s a que se sumen a nós neste acto festivo e reivindicativo.

Como sabedes O Courel está en perigo e necesita do apoio de tod@s.

Podedes traer gaitas e outros instrumentos musicais



Comentários (4) - Categoria: Geral - Publicado o 21-09-2007 21:33
# Ligazóm permanente a este artigo
Massa Crítica!


Eu e a minha bici nom faltamos!

Massa Crítica em Compostela!

E de onde sae isso de "Massa Crítica"?
Comentários (14) - Categoria: Geral - Publicado o 19-09-2007 20:55
# Ligazóm permanente a este artigo
A minha palavra bonzo


Esta manhá
umha das minhas palavras preferidas
puxo-se gasolina
no centro da praça
diante das cámaras de tv
e ardeu
para chamar a atençom
por todas as palavras da minha língua.
Outras ameazam
com seguir o mesmo caminho
se nom garantimos
um futuro digno para o nosso idioma.

Comentários (8) - Categoria: Geral - Publicado o 18-09-2007 17:48
# Ligazóm permanente a este artigo
Bares Galicia/Galiza no mundo


Bar Galicia: 533 entradas en google.

Bar Galiza: 310 entradas.

Galicia bar: 1390 entradas

Galiza bar: 2 entradas.


Numha busca rápida, -o que me durou o impulso e 5 minutos mais de curiosidade- localizarom-se restaurantes e bares "Galicia" ou "Galiza" en Londres, New York, Montreal, Newark, North Jersey, Maspeth, Azuara-Zaragoza, Castellón, Valencia, Xixón, Zamora, Barcelona, Fuenlabrada...

Para tese seria procurar polo mundo os bares que se chamam Lugo, Ribadavia, Pontevedra, Corunha... etc, etc...

Damos de beber e comer por todo o mundo!




Comentários (8) - Categoria: Geral - Publicado o 13-09-2007 17:24
# Ligazóm permanente a este artigo
Xosé Calviño Pueyo


"Fronte á pretensión da ideoloxía dominante de lexitimar a orde social existente, presentándoa como "o normal" e como garantía de paz social, hai que tomar conciencia de que a organización social non é harmónica nin pacífica nin solidaria.

E isto debe ser o arranque dun compromiso de denuncia e participación na transformación social.

Neste sentido, non se debe aceptar a perspectiva do consenso como a única posible e hai que valorar tamén a perspectiva do conflicto como dinamizador e como fonte de movementos sociais reivindicativos (de clase, raza, sexo...)

Non esquezamos que, como nos di Kant, se o ser humano ten que cumprir coas leis é porque ten a capacidade de facelas."


Mais aqui...


...e aqui...

..e mais aqui.









Sempre no caminho.
Comentários (3) - Categoria: Geral - Publicado o 13-09-2007 01:24
# Ligazóm permanente a este artigo
Fronte aos antidistúrbios...
Um pouco de humor...




E um pouco de história...



Traslado dos restos de Castelao em 1984...

Jogo: Adivinha que famoso político aparece entre o minuto 3.27 e o 3.07 com barba e camisa branca fronte aos antidistúrbios...

É realmente el????




Comentários (3) - Categoria: Geral - Publicado o 13-09-2007 00:20
# Ligazóm permanente a este artigo
Made in Galiza em Carvalho!


Alegria!

De conversa com a gente de Carvalho.
Mércores 26 de setembro, ás 20.30 h, na Taberna-Café O'Patacón, na Rúa de Ourense.

Dentro do programa Literactua, para o fomento do livro e da leitura.

Mais aqui!

Comentários (3) - Categoria: Geral - Publicado o 11-09-2007 15:07
# Ligazóm permanente a este artigo
De Profundis-Reinante


A casa que lhe serviu de modelo a Miguelanxo Prado existe e fica no concelho de Barreiros, em Sam Miguel de Reinante.

A casa chama-se Vila Júlia.

É umha das chamadas "casas de indianos" próprias da Marinha lucense.

Construiu-se em 1926.

O seu estilo: Eclecticismo Francés II Imperio, aínda que tamém guarda muitas particularidades da arquitectura tradicional galega.

Da origem da casa pouco se sabe, os nomes de
Alfonso Renduélez e de sua muller, Julia Rocha, que promoveron a construçom da vivenda desde Cuba.

Conta-se que quando regressarom numha das suas viages a Barreiros a casa já estaba construída.
Tal foi o descontento de Dom Alfonso que mandou erguer outra casa numha parcela situada frente a Vila Júlia, mas a sua morte repentina impediu-no.

Made in Galiza.

Comentários (5) - Categoria: Geral - Publicado o 11-09-2007 14:52
# Ligazóm permanente a este artigo
Made in Galiza em Carral
ImageChef.com - Custom comment codes for MySpace, Hi5, Friendster and more


Presentaçom de Made in Galiza em Carral.
Venres, 14 de setembro.
Ás 20.30 horas
No café musical e teatral "Sala de estar".
Intervirá o colega Anxo Gómez
Comentários (4) - Categoria: Geral - Publicado o 10-09-2007 22:28
# Ligazóm permanente a este artigo
Desordem



De Cristian Fariah,
com agradecementos a Alfred Hitchok´s
Comentários (1) - Categoria: Geral - Publicado o 10-09-2007 18:41
# Ligazóm permanente a este artigo
Livro animado


Animaçom de Adams Carvalho, Sao Paulo.

Prometo pendurar aqui, quando aprenda a tecnologia, algum dos meus livros animados.



Comentários (3) - Categoria: Geral - Publicado o 10-09-2007 13:51
# Ligazóm permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0