"En A velocidade do frío hai moito instinto criminal e polo tanto moita culpa, porque, de partida, os seres humanos viven na frustración, atrapados polas turbias consecuencias do seu baleiro interior e dos seus impulsos irracionais. Os únicos que non sofren por darlle satisfacción ó seu instinto asasino -maquinal- son o coches, que aparecen nesta novela como seres malignos dotados dunha vontade allea a toda moral. Pero quizais os coches, inimigos dos seres humanos, non sexan outra cousa que a expresión dun estilo de vida baseado no consumo, na supervivencia individual egoísta e insolidaria, na crúa oposición de intereses materiais, no culto ás aparencias e na falta total de sentimentos." (Xerais)
Manuel Seixas publicou tamén un CD co mesmo título elaborado a partir de textos da novela, acompañado dun grupo de amigos músicos, actores e xornalistas, no que plasmou unha outra visión da súa novela.
Séchu Sende está de noraboa e con el a literatura galega. O seu libro Made in Galiza foi escollido o mellor libro publicado en curdo no 2010 e así o recolle a web curda Diyarname.
Podémolo ler no artigo en inglés que recolle declaracións do tradutor ao curdo na revista Literature across frontieres.
"A canción de Solveig" pertence á Suite nº2 de Peer Gynt. Compúxoa Edvard Grieg para acompañar a posta en escena da obra de teatro do mesmo título do tamén noruegués Henrik Ibsen:
Louis Armstrong e a súa orquestra interpretando "Exactly Like You":
George Gershwin: Promenade (arranxo de 'Walking the Dog' do filme Shall we Dance)
Leo Ferré interpretando a súa canción "Avec le temps":
De Vivaldi a Bocherini ou Coltrane e Neil Young. Detrás de Settecento, a última novela de Marcos Calveiro, agóchase moita música.
De Venecia a Compostela, as grandes capitais europeas do século XVIII son escenarios dunha trama na que o autor de Festina lente emprega a estrutura dunha sinfonía para nos falar dos últimos anos de Vivaldi. Luthiers, músicos, personaxes históricos, Venecia e Compostela danse cita nas páxinas desta intriga histórica.
Agora, o autor achéganos unha selección de temas que están presentes na novela ou que tiveron un papel na elaboración da mesma.
