|
|
|
|
| A Praza dos Libros mantén altos niveis de participación e aumenta vendas en galego |
|
 - O Concello de Carballo fai unha valoración positiva da Praza dos Libros 2011, pola que pasaron esta fin de semana moitas persoas e na que houbo uns ingresos por venda de libros de 17.000 euros
- Ao longo dos catro días de feira vendéronse nas sete librarías participantes arredor de 1.500 libros, dos cales uns 900 estaban editados en galego e uns 600 en castelán
- Unhas 1.500 persoas participaron nas distintas actividades programadas
- Os libros máis vendidos foron Memorias dun neno labrego, de Xosé Neira Vilas, e A familia Caravana, de Pepe Carreiro
[Carballo, 29 agosto de 2011]
O Concello de Carballo fai unha valoración positiva da Praza dos Libros 2011, que tivo lugar desde o xoves 25 ao domingo 28 de agosto no Xardín Municipal da capital bergantiñá, e na que se mantiveron tanto os niveis de venda como os niveis de participación das edicións de 2009 e 2010 que, pola súa vez, incrementaran o volume de vendas con respecto á edición de 2008.
Ao longo dos catro días de feira pasaron pola Praza dos Libros miles de persoas e unhas 1.500 participaron nas case 20 actividades programadas, entre presentacións de libros, actos de sinatura por parte dos/as autores/as, actividades de animación, concertos, monicreques, etc.
Con respecto ao nivel de vendas, houbo uns ingresos por adquisición de libros de 17.000 euros. Esta cifra é similar ás das edicións de 2009 e 2010, e supera os 15.000 euros de ingresos da edición de 2008. Deste xeito, a media de ingresos de cada unha das sete librarías participantes foi de case 2.500 euros.
Importante incremento das vendas en galego
Vendéronse na Praza dos Libros uns 1.500 libros, o 60% en galego e o 40% en castelán. Por vez primeira nesta Praza dos Libros de Carballo, vendéronse máis títulos en galego que en castelán. Os máis vendidos na lingua propia de Galicia foron Memorias dun neno labrego, de Xosé Neira Vilas, e a serie infantil A familia Caravana, de Pepe Carreiro, con arredor de 100 exemplares cada un. Os libros máis vendidos en castelán foron La ciencia en el punto de Mira (uns 60 exemplares), a tradución do orixinal en galego (xa esgotado nas librarías) de Jorge Mira, e En el país Nube Blanca, de Sarah Lark (uns 20 exemplares). Tamén tiveron moi boas vendas todos os libros que foron presentados na feira, como Madeira de mulher, de Adela Figueroa; Como defenderes os teus dereitos lingüísticos, de Carlos Callón; Penúltimo dietario, de Xosé Neira Vilas; Cara B, de Ignacio Silva; Luis Suárez. Fútbol de seda, de Xan Fraga; In vino veritas, de Francisco Castro; ou A vida fóra, de Miguel Sande.
Foron grandes as colas que houbo para poder levar asinados libros de Xosé Neira Vilas, de Jorge Mira ou de Pepe Carreiro, e tamén o disco Admirando a condición, de Ses, do que cómpre destacar o éxito en vendas durante o concerto acústico de presentación que tivo lugar o domingo a último hora, e no que se venderon unhas 50 copias.
Tamén foi alta a participación en todas as actividades infantís.
Os momentos de maior asistencia foron o xoves pola mañá, o venres pola tarde e, sobre todo, o domingo durante todo o día, no que a Praza dos Libros coincidiu coa feira e cando se desenvolveu con moito éxito unha vez máis a iniciativa ?Un libro, un pan?, coa que cada persoa que comprou un libro foi agasallada cun dos 400 pans de Carballo que se repartiron.
Estas cifras son consideradas positivas tanto polo Concello como polas librarías participantes e consolidan a boa acollida da Praza dos Libros como unha referencia anual para a difusión do libro e da lectura, dándolle especial protagonismo á creación galega. |
|
|
|
|
| Praza dos Libros 2011. Do 25 ao 28 de agosto |
|
Actividades lúdicas, presentacións, actuacións, contacontos, música, lingua, autoras e autores da comarca e do país, pan, feira..., literatura, e moitas outras propostas encherán de vida, imaxinación e creatividade o Xardín Municipal de Carballo durante catro días, desde o xoves 25 ao domingo 28 de agosto.
PROGRAMA (descárgao aquí completo en .pdf)
XOVES 25
11.00 h Comezo da Praza dos Libros. Durante toda a mañá haberá feira tradicional e #infantil Ciclobiblioteca con contacontos espontáneos
13.00 h Inauguración e pregón de Rosalía Fernández Rial
18.30 h #infantil Caramulo, o xinete das árbores. Contacontos de Anxo Moure para nenos e nenas
19.30 h Presentación do libro de contos Madeira de mulher (Ed. do Castro), de Adela Figueroa, coa actuación musical de O?Mighelo e o seu acordeón diatónico. Participan:
-O?Mighelo
-Paco Graña, de Adega
-Celsa Sánchez, ilustradora
-Adela Figueroa, autora, expresidenta de Adega
20.30 h Presentación do libro Como defenderes os teus dereitos lingüísticos (Xerais), de Carlos Callón. Participan:
-Xosé Regueira, concelleiro de Normalización Lingüística
-Manuel Bragado, editor
-Luz Cures, lingüista
-Carlos Callón, autor, presidente da Mesa
VENRES 26
12.30 h #infantil Conto contigo. Contacontos de Expresión para nenos e nenas
18.30 h #infantil Contos para escagharriñarse. Espectáculo infantil dos Ghazafelhos
19.30 h Presentación de Penúltimo dietario (Xerais), de Xosé Neira Vilas. Participan:
-Silvana Castro, profesora e concelleira
-Manuel Bragado, editor
-Xosé Neira Vilas, autor
20.15 h Sinatura de libros do escritor Xosé Neira Vilas, autor de Memorias dun neno labrego, Cartas a Lelo, Querido Tomás, etc.
20.30 h Conversa con Ignacio Silva, carballés autor de Cara B (Xerais) e Rosalía Fernández Rial, carballesa autora de Átonos (Lumieira)
22.30 h De ruada ao serán. Espectáculo etnográfico na Praza do Concello
SÁBADO 27
12.30 h Presentación de Luis Suárez. Fútbol de seda (Baía), de Xan Fraga. Participan:
-Marcos Trigo, concelleiro de Deportes
-Manolete, ex-xogador internacional do Deportivo da Coruña
-Xan Fraga, autor
19.30 h #infantil Vida, crimes e prisión de Toribio de Mañón, de Títeres Viravolta
20.30 h Presentación de In vino veritas (Galaxia), de Francisco Castro. Participan:
-María Canosa, escritora
-Francisco Castro, autor
DOMINGO 28
11.00 h Un libro, un pan. Durante toda a mañá, todas as persoas que merquen algún libro serán agasalladas cun pan de Carballo. Tamén haberá feira tradicional e #infantil Ciclobiblioteca con contacontos espontáneos
12.30 h Presentación de A ciencia no punto de Mira (Auga), de Jorge Mira. Participan:
-Santi Garrido, xornalista
-José María de la Viña, profesor
-Jorge Mira, autor
18.30 h #infantil Contos no tendal, contacontos para nenos e nenas de Raquel Queizás
19.30 h #infantil Presentación da nova serie infantil A familia Caravana (Cumio), de Pepe Carreiro (autor dos Bolechas). Participan:
-Milagros Lantes, mestra e concelleira
-Francisco Villegas, editor
-Pepe Carreiro, autor
20.00 h Sinatura da novela A vida fóra (Galaxia), de Miguel Sande
20.30 h Admirando a condición, presentación do disco de Ses, con concerto acústico de María Xosé Silvar e Tito Calviño
21.30 h Remate da Praza dos Libros
Podes descargar o programa completo en .pdf en: http://www.carballo.org/medi/documentacion/programa_praza11.pdf
Cada persoa que merque un libro en galego será agasallada cun exemplar de Os meus favoritos, guía de enderezos de internet. Ademais, todos os libros mercados terán un 10% de desconto e todos os días haberá sorteo de lotes de libros.
Horario:
-Mañás: de 11.00 h a 14.00 h
-Tardes: de 17.30 h a 21.30 h
Organiza:
-Concello de Carballo
Colabora:
-Conservas Calvo
Participan:
-Libraría A Tenda dos Libros (Ponteceso)
-Libraría Brañas (Carballo)
-Libraría Como unha novela (A Laracha)
-Libraría Couceiro (A Coruña)
-Libraría Pedreira (Santiago)
-Libraría Roget (Vimianzo)
-Libraría Trasgo (Carballo)
-Tinta de Lura (camisolas literarias) [o domingo] |
|
|
|
|
| Praza dos Libros 2010. Do 26 ao 29 de agosto en Carballo |
|
Este ano a Praza dos Libros estará chea de actividades para todas e todos. Catro días, do 26 ao 29 de agosto, con contacontos, música, monicreques, libros, regueifas, maxia, presentacións e outras propostas que encherán de imaxinación e creatividade o Xardín Municipal de Carballo.
Programa completo en .pdf
PROGRAMA
XOVES 26 DE AGOSTO
10.30 h Inicio da Praza dos Libros 2010
Toda a mañá: Feira tradicional de Carballo, cos mellores produtos alimentarios locais e de tempada
13.00 h Inauguración e pregón a cargo de Yolanda Castaño
19.00 h Contacontos en verso para nenos/as por parte de Yolanda Castaño a partir das aventuras do verme punki Punver (Galaxia)
20.30 h Presentación de A Intervención (Xerais), de Teresa Moure, con ?videoinstalación? da autora.
Participan:
-Antón Pedreira (libreiro)
-Teresa Moure (autora)
VENRES 27 DE AGOSTO
12.30 h Contos pícaros. Contacontos de Raquel Queizás
19.00 h O galo Quirico e os seus amigos. Monicreques Seisdedos
19.30 h
-Sinatura de En clave de sol (Lumieira) por parte de Rosalía Fernández e Mon Lendoiro
-Sinatura das obras de Alberto Varela Ferreiro
-Sinatura de O náufrago (Sotelo Blanco), de Xosé Antonio Pet Posse
As primeiras 60 persoas que se acheguen a asinar un libro, serán agasalladas co libro de banda deseñada 1809. A rebelión Neria, de Alberto Varela Ferreiro, xentileza da Asociación Neria
20.30 h Presentación de Covalladas. Prosa vertical (Galaxia), de Xurxo Borrazás.
Participan:
-Belén Puñal, xornalista
-Xurxo Borrazás, autor
22.30 h Festival de música e baile tradicional, con grupos de Carballo e Uruguai
SÁBADO 28 DE AGOSTO
12.30h Obradoiro de regueifas con Luís O?Caruncho e Bieito Lobariñas
18.00 h Xogos populares e tradicionais para todos/as no Xardín Municipal. Mariola, corda, pano...
19.00 h Presentación de O regueifeiro Celestino Álvarez Castro, Celestrino, de Xosé Manuel Varela Varela (AV Monte d?Arxa).
Participan:
-Suso de Xornes (regueifeiro)
-Fermín da Feira Nova (regueifeiro)
-Fernando Álvarez García (fillo de Celestrino)
-Xosé Manuel Varela (autor)
19.30 h Desafío regueifeiro, con:
-Suso de Xornes
-Fermín da Feira Nova
-Luís O Caruncho
-Bieito Lobariñas
20.30 h A lingua que queremos.
Presentación conxunta de:
-Lingua e futuro (Laiovento), coordinado por Goretti Sanmartín
-Lingua de calidade (Xerais), de Xosé Ramón Freixeiro
-Estudos xurídicos sobre o decreto para o plurilingüismo (Laiovento), coordinado por Luís Villares
Participan:
-Goretti Sanmartín (profesora da UdC)
-Xosé Ramón Freixeiro (catedrático da UdC)
-Luís Villares (xuíz)
-Silvana Castro (profesora de lingua)
22.30 h En galego. Concerto de Os Carunchos
DOMINGO 29 DE AGOSTO
Todo o día: Ciclobiblioteca
Toda a mañá: Feirón de Verán, cos mellores produtos alimentarios locais e de tempada
Un libro, un pan. Todas as persoas que merquen algún libro serán agasalladas cun pan da marca Pan de Carballo
11.30 h Contacontos para nenos e nenas de Anxo Moure
12.30 h Sinatura de Novidades, souvenirs, artículos de coña, por parte do seu autor, Rober Bodegas
18.00 h Presentación de Galiza en Suíza. 50 anos de presenza galega en Suíza (CIG), coordinado por Xurxo Martínez Crespo.
Participan:
-Marianne Helfer
-Xurxo Martínez Crespo
20.00 h Palabras máxicas. Espectáculo de maxia de Cristian Magic a partir do libro Atrapado na torre (Everest)
21.30 h Peche da Praza dos Libros 2010
Programa completo en .pdf
O xoves 26 pola mañá a Praza dos Libros convivirá coa Feira tradicional de Carballo e o domingo 29 co Feirón de Verán, con compra, venda e difusión dos mellores produtos locais e de tempada
Todos os libros mercados na Praza dos Libros terán un desconto do 10%
Sorteos de lotes de libros
Todos os días, ás 21.15 h, se fará un sorteo dun lote de libros entre todas as persoas que mercaran algún libro ese día na feira. Os/as premiados/as poderán recoller o seu lote até o domingo 29 de agosto ás 21.30 h no stand do Concello de Carballo
E, ademais...
Ciclo Trad: o venres 20 de agosto, concerto de Antonio Rivas e os seus vallenatos, o sábado 21 curso de acordeón con Antonio Rivas e o sábado 28 xornadas da regueifa e concerto de Os Carunchos
II Ruta do pincho de verán: remata o domingo 29 de agosto, cos mellores pinchos en diferentes bares de Carballo
Berocasión. Feira do vehículo de ocasión de Bergantiños. Sábado 28 e domingo 29 de agosto no Rego da Balsa de Carballo
Horario de apertura das casetas
Xoves e domingo
Mañá: de 10.30 h a 14.30 h
Tarde: de 17.30 h a 21.30 h
Venres e sábado
Mañá: de 11.00 h a 14.00 h
Tarde: de 17.30 h a 22.00 h
Organiza:
-Concello de Carballo
Colaboran
-Conservas Calvo
-Pan de Carballo
-Letras Vivas. Consellería de Cultura e Turismo. Xunta de Galicia
-aCentral folque
-Atlántica de Construción e Medio Ambiente
Participan
-Libraría Brañas (Carballo)
-Libraría Como unha novela (A Laracha)
-Libraría Couceiro (A Coruña)
-Libraría Orizales (A Coruña)
-Libraría Pedreira (Santiago)
-Libraría Roget (Vimianzo)
-Libraría Trasgo (Carballo)
-Concello de Carballo
Programa completo en .pdf
|
|
|
|
|
| A bruxiña sen vasoira, contacontos na Ludoteca |
|
A Ludoteca Municipal de Carballo acolle diversas actividades de animación á lectura, dentro do programa Literactúa (Concello de Carballo) e de Letras Vivas (Consellería de Cultura e Turismo).
A próxima destas actividades será o contacontos A bruxiña sen vasoira, de Altega.
DÍA: venres 13 de novembro
HORA: 18.00 h
LUGAR: Ludoteca Municipal de Carballo (fronte ao Xardín Municipal) |
|
|
|
|
| O recuncho dos contos, na Ludoteca |
|
A Ludoteca Municipal de Carballo acolle diversas actividades de animación á lectura, dentro do programa Literactúa (Concello de Carballo) e de Letras Vivas (Consellería de Cultura e Turismo).
A próxima destas actividades será este Recuncho dos contos, de Pingateatro.
DÍA: venres 16 de outubro
HORA: 18.00 h
LUGAR: Ludoteca Municipal de Carballo (fronte ao Xardín Municipal) |
|
|
|
|
| Na bágoa da marea, presentación e proxección do capítulo 13 de Para mariñeiros nós |
|
 O Concello de Carballo e CORRELO filmes teñen o pracer de o/a convidar á presentación e proxección de "Na bágoa da marea", episodio 13 de Para mariñeiros nós, primeira serie galega de internet, protagonizada por Suso Lista e Manolo Castro e dirixida por Omar Rabuñal.
Esta novo miniepisodio foi gravado en Carballo e conta coa colaboración especial dos escritores Manuel Rivas, Suso de Toro e Gustavo Pernas Cora.
"Na bágoa da marea" xira arredor da feira, do pan de Carballo e da promoción do libro e a lectura.
PRESENTACIÓN E PROXECCIÓN
DÍA: venres 2 de outubro de 2009
HORA: 20.30 h
LUGAR: Salón de actos do Pazo da Cultura de Carballo (Rúa do Pan, s/n)
*Este novo capítulo da serie de internet poderá verse tamén en Youtube a partir do venres 2 de outubro. |
|
|
|
|
| Contacontos de libros contentos, o venres 18 de setembro, na Ludoteca |
|
A Ludoteca Municipal de Carballo acollerá nos próximos meses diversas actividades de animación á lectura, dentro do programa Literactúa (Concello de Carballo) e de Letras Vivas (Consellería de Cultura e Turismo).
A primeira destas actividades será este Contacontos de libros contentos, de Carmen Domech (Títeres Cachirulo).
DÍA: venres 18 de setembro
HORA: 18.00 h
LUGAR: Ludoteca Municipal de Carballo (fronte ao Xardín Municipal)
Nos próximos días anunciarase o programa completo das próximas actividades de Literactúa... |
|
|
|
|
| PRAZA DOS LIBROS 2009. Do 27 ao 30 de agosto |
|
 Praza dos Libros: literatura, pan, animación, audiovisual e feira tradicional durante catro días en Carballo
Libros, actividades lúdicas, presentacións, actuacións, autoras e autores da comarca e do país, cinema, recitais, pan e moitas outras propostas encherán de vida, imaxinación e creatividade o Xardín Municipal de Carballo durante catro días. Unha nova edición da Praza dos Libros que cada ano pretende promocionar a lectura e achegarlle á cidadanía o libro e os produtos culturais galegos.
O Concello de Carballo, desde a Concellaría de Cultura e Normalización Lingüística, organiza un ano máis a Praza dos Libros, que terá lugar desde o xoves 27 ao domingo 30 de agosto no Xardín Municipal da capital bergantiñá.
O inicio será o xoves 27 ás 10.30 h e a inauguración ás 13.00 h cun orixinal pregón do contador, actor e director teatral Quico Cadaval.
PROGRAMA
(Podes descargar o programa completo en .pdf aquí [1,61 MB])
Xoves 27 de agosto
10.30 h Inicio da Praza dos Libros 2009
11.00 h Contacontos ambulantes na Ciclobiblioteca de Anxo Moure.
A Ciclobiblioteca estará na Praza dos Libros os catro días
13.00 h Inauguración e pregón con Quico Cadaval
Participan:
-Belén Lendoiro, concelleira de Cultura e Normalización Lingüística
-Xosé Antonio Viña, tenente de alcalde
-Quico Cadaval
19.30 h Recital e presentación da antoloxía poética De Pondal ao Batallón Literario. 120 anos de poesía da Costa da Morte
Participan:
-Miro Villar
-Modesto Fraga
-Outros poetas da Costa da Morte
21.00 h Fantasmas familiares. Contada de historias de Quico Cadaval
Venres 28 de agosto
12.30 h Lectura con nenos e nenas de Marcelo o morcego (Ed. Galaxia), de Beatriz Fraga Cameán, e sinatura por parte da autora
20.00 h Á pista, malabarista!!! Picompé - Circo de Rúa
21.00 h Presentación do poemario Olladas dun intre de amor (Ed. Toxosoutos, 2009), de Alberte Suras, e recital en homenaxe a Manuel María, coa participación de:
-Felipe Senén
-Henrique Rabuñal
-Jacobo Llamas (editor)
-Alberte Suras (autor)
-Estíbaliz Espinosa
Sábado 29 de agosto
11.00 h A Caixiña dos mistos. Cinema infantil itinerante sobre rodas coas mellores pelis para peques
De 11.00 h a 14.00 h e de 17.00 h a 21.00 h
12.30 h Lectura con nenos e nenas e sinatura de O Misterio na selva de Ngorongón (Ed. Galaxia) de Alberto Varela Ferreiro
19.00 h Palabra de chapeu. Contos para xogar. Teatro Patán
21.00 h Presentación de Contos azuis, de Fernando Cabeza Quiles (Ed. Galaxia).
Participan:
-Xosé M. Varela Varela
-Nel Vidal Barral
-Fernando Cabeza Quiles (autor)
Domingo 30 de agosto
10.30 h 14.30 h Un libro, un pan. Todas as persoas que merquen algún libro serán agasalladas cun pan da marca Pan de Carballo
Tamén pola mañá, gravación dun capítulo da serie de internet Para mariñeiros nós, progatonizada por Suso Lista e Manolo de Laxe e dirixida por Omar Rabuñal
12.00 h Presentación de A cociña dos larpeiros, de Benigno Campos (Ed. Galaxia)
Participan:
-Xulio Amigo (Ed. Galaxia)
-Henrique Mariño (xornalista)
-Benigno Campos (autor)
13.30 h Sorteo de tres lotes de produtos da I Ruta do pincho de verán de Carballo (para máis info: www.blogoteca.com/depinchosporcarballo)
18.00 h Contacontos ambulantes na Ciclobiblioteca de Anxo Moure
19.30 h Presentación de Sidecar, de Alberto Lema (Ed. Galaxia)
Participan:
-Belén Lendoiro Esmorís
-Alberto Lema (autor)
21.30 h Peche da Praza dos Libros 2009
(Podes descargar o programa completo en .pdf aquí [1,61 MB])
ORGANIZA
-Concello de Carballo. Concellaría de Cultura e Normalización Lingüística
COLABORAN
-Pan de Carballo
-Concellaría de Promoción Económica do Concello de Carballo
-Servizo de Normalización Lingüística do Concello de Carballo
-Consellería de Cultura e Turismo da Xunta de Galicia
-Deputación da Coruña
PARTICIPAN
-Libraría A Palavra Perduda (Santiago de Compostela)
-Libraría Brañas (Carballo)
-Libraría Como unha novela (A Laracha)
-Libraría Couceiro (A Coruña)
-Libraría Orizales (A Coruña)
-Libraría Roget (Vimianzo)
-Libraría Trasgo (Carballo)
-A Mesa pola Normalización Lingüística (xoves e venres)
-Rei Zentolo - Kamisolas (sábado e domingo)
-Concello de Carballo
|
|
|
|
|
| Espectáculo poético multimedia de Yolanda Castaño |
|
Xunto coa entrega do V Premio a artigos xornalísticos normalizadores, Yolanda Castaño ofrece un recital multimedia da súa propia obra poética, con son e videopoesía. Un novo formato moderno e innovador para a poesía galega da man das novas tecnoloxías e unha moderna posta en escena achegada á música e ao audiovisual.
-DÍA: venres 29 de maio
-HORA: 21.00 h
-LUGAR: Auditorio do Pazo da Cultura de Carballo (Rúa do Pan s/n)
Entrada libre
|
|
|
|
|
| Toda unha semana dedicada ao libro e á lectura en Carballo e centrada no tema do amor |
|
 Entre os días 24 e 29 de maio Carballo ten unha cita moi especial cos libros e coa lectura. Porque durante estes seis días o Pazo da Cultura acolle a cuarta edición da Semana do Libro e a Lectura, actividade organizada pola Asociación Socio-Pedagóxica Galega (AS-PG) e promovida polo Concello de Carballo coa colaboración de Caixanova.
Trátase dunha semana repleta de actividades dedicadas a promover a lectura e a entre os/as escolares, os/as profesores/as, as nais e os pais e o público en xeral. A Semana do Libro e a Lectura ten como eixo temático o amor. Arredor deste tema desenvólvense no Pazo da Cultura actividades participativas con carácter formativo e lúdico nas que os nenos e as nenas xogan un papel moi activo.
As actividades inclúen obradoiros destinados ao alumnado dos centros de educación infantil, primaria e secundaria de Carballo que abranguen aspectos moi diversos. Desenvólvense en horario de mañá no segundo andar do Pazo da Cultura, decorado con temática amorosa e repleto de libros de literatura infantil cedidos por diferentes editoriais; así coma por material achegado polos centros educativos e elaborado polos/as propios/as alumnos/as. Estes tres eixes integran esta exposición permanente durante a semana.
Outra parte do programa está dirixida ao profesorado, co obxectivo de proporcionar estratexias para fomentar entre o seu alumnado o gusto pola lectura. Tamén as familias poden participar en diferentes actividades.
O programa da Semanas do Libro e a Lectura complétanse con actividades abertas ao público xeral e que se desenvolverán habitualmente en horario de tarde. A inauguración deste semana ?o domingo 24 de maio ás 12.30 horas? correu a cargo do mago Martín Camiña e do alumnado do CEIP Bergantiños, coa posta en escena dunha regueira, e do IES Parga Pondal, cunha actuación musical e a interpretación da peza teatral Cinco mulleres con Mario.
Ademais, todos os días hai contacontos abertos ao público a partir das 18.30 horas:
-Luns 25: Marisa Irimia
-Martes 26: Servando Barreiro
-Mércores 27: Raquel Queizás (Queliña)
-Xoves 28: Celso Fernández Sanmartín
-Venres 29: Caxoto Contacontos
- Exposicións: libros cedidos por editoriais, ilustradores e ilustradoras (Iván Prieto, OQO, Xaquín Marín), homenaxe a Fina Casalderrey, etc.
- Encontros co alumnado: Marisa Irimia, Escola de Tempo Libre Paspallás, Serxio Cobos, Oscar Villán, CasaHamlet, Celso F. Sanmartín, Fran Bueno, David Otero, Chus Álvarez, Caxoto, etc.
- Para o profesorado: escrita, música e danza, banda deseñada, amor, expresión teatral, etc.
A semana fecharase coa entrega do V Premio a artigos xornalísticos normalizadores Concello de Carballo 2009 e cun espectáculo poético multimedia de Yolanda Castaño, o venres 29, ás 21.00 h, no auditorio do Pazo da Cultura.
A programación completa pódese consultar, en .pdf, aquí.
|
|
|
|
|
|
|
|
|
|
|
|
