Warning: getimagesize() [function.getimagesize]: Filename cannot be empty in /var/www/vhosts/blogoteca.com/httpdocs/include/func-blog.php on line 249 literactúa
O Concello de Carballo fai unha valoración positiva da Praza dos Libros 2011, pola que pasaron esta fin de semana moitas persoas e na que houbo uns ingresos por venda de libros de 17.000 euros
Ao longo dos catro días de feira vendéronse nas sete librarías participantes arredor de 1.500 libros, dos cales uns 900 estaban editados en galego e uns 600 en castelán
Unhas 1.500 persoas participaron nas distintas actividades programadas
Os libros máis vendidos foron Memorias dun neno labrego, de Xosé Neira Vilas, e A familia Caravana, de Pepe Carreiro
[Carballo, 29 agosto de 2011]
O Concello de Carballo fai unha valoración positiva da Praza dos Libros 2011, que tivo lugar desde o xoves 25 ao domingo 28 de agosto no Xardín Municipal da capital bergantiñá, e na que se mantiveron tanto os niveis de venda como os niveis de participación das edicións de 2009 e 2010 que, pola súa vez, incrementaran o volume de vendas con respecto á edición de 2008.
Ao longo dos catro días de feira pasaron pola Praza dos Libros miles de persoas e unhas 1.500 participaron nas case 20 actividades programadas, entre presentacións de libros, actos de sinatura por parte dos/as autores/as, actividades de animación, concertos, monicreques, etc.
Con respecto ao nivel de vendas, houbo uns ingresos por adquisición de libros de 17.000 euros. Esta cifra é similar ás das edicións de 2009 e 2010, e supera os 15.000 euros de ingresos da edición de 2008. Deste xeito, a media de ingresos de cada unha das sete librarías participantes foi de case 2.500 euros.
Importante incremento das vendas en galego
Vendéronse na Praza dos Libros uns 1.500 libros, o 60% en galego e o 40% en castelán. Por vez primeira nesta Praza dos Libros de Carballo, vendéronse máis títulos en galego que en castelán. Os máis vendidos na lingua propia de Galicia foron Memorias dun neno labrego, de Xosé Neira Vilas, e a serie infantil A familia Caravana, de Pepe Carreiro, con arredor de 100 exemplares cada un. Os libros máis vendidos en castelán foron La ciencia en el punto de Mira (uns 60 exemplares), a tradución do orixinal en galego (xa esgotado nas librarías) de Jorge Mira, e En el país Nube Blanca, de Sarah Lark (uns 20 exemplares). Tamén tiveron moi boas vendas todos os libros que foron presentados na feira, como Madeira de mulher, de Adela Figueroa; Como defenderes os teus dereitos lingüísticos, de Carlos Callón; Penúltimo dietario, de Xosé Neira Vilas; Cara B, de Ignacio Silva; Luis Suárez. Fútbol de seda, de Xan Fraga; In vino veritas, de Francisco Castro; ou A vida fóra, de Miguel Sande.
Foron grandes as colas que houbo para poder levar asinados libros de Xosé Neira Vilas, de Jorge Mira ou de Pepe Carreiro, e tamén o disco Admirando a condición, de Ses, do que cómpre destacar o éxito en vendas durante o concerto acústico de presentación que tivo lugar o domingo a último hora, e no que se venderon unhas 50 copias.
Tamén foi alta a participación en todas as actividades infantís.
Os momentos de maior asistencia foron o xoves pola mañá, o venres pola tarde e, sobre todo, o domingo durante todo o día, no que a Praza dos Libros coincidiu coa feira e cando se desenvolveu con moito éxito unha vez máis a iniciativa ?Un libro, un pan?, coa que cada persoa que comprou un libro foi agasallada cun dos 400 pans de Carballo que se repartiron.
Estas cifras son consideradas positivas tanto polo Concello como polas librarías participantes e consolidan a boa acollida da Praza dos Libros como unha referencia anual para a difusión do libro e da lectura, dándolle especial protagonismo á creación galega.
Actividades lúdicas, presentacións, actuacións, contacontos, música, lingua, autoras e autores da comarca e do país, pan, feira..., literatura, e moitas outras propostas encherán de vida, imaxinación e creatividade o Xardín Municipal de Carballo durante catro días, desde o xoves 25 ao domingo 28 de agosto.
11.00 h Comezo da Praza dos Libros. Durante toda a mañá haberá feira tradicional e #infantil Ciclobiblioteca con contacontos espontáneos
13.00 h Inauguración e pregón de Rosalía Fernández Rial
18.30 h #infantil Caramulo, o xinete das árbores. Contacontos de Anxo Moure para nenos e nenas
19.30 h Presentación do libro de contos Madeira de mulher (Ed. do Castro), de Adela Figueroa, coa actuación musical de O?Mighelo e o seu acordeón diatónico. Participan:
-O?Mighelo
-Paco Graña, de Adega
-Celsa Sánchez, ilustradora
-Adela Figueroa, autora, expresidenta de Adega
20.30 h Presentación do libro Como defenderes os teus dereitos lingüísticos (Xerais), de Carlos Callón. Participan:
-Xosé Regueira, concelleiro de Normalización Lingüística
-Manuel Bragado, editor
-Luz Cures, lingüista
-Carlos Callón, autor, presidente da Mesa
VENRES 26
12.30 h #infantil Conto contigo. Contacontos de Expresión para nenos e nenas
18.30 h #infantil Contos para escagharriñarse. Espectáculo infantil dos Ghazafelhos
19.30 h Presentación de Penúltimo dietario (Xerais), de Xosé Neira Vilas. Participan:
-Silvana Castro, profesora e concelleira
-Manuel Bragado, editor
-Xosé Neira Vilas, autor
20.15 h Sinatura de libros do escritor Xosé Neira Vilas, autor de Memorias dun neno labrego, Cartas a Lelo, Querido Tomás, etc.
20.30 h Conversa con Ignacio Silva, carballés autor de Cara B (Xerais) e Rosalía Fernández Rial, carballesa autora de Átonos (Lumieira)
22.30 h De ruada ao serán. Espectáculo etnográfico na Praza do Concello
SÁBADO 27
12.30 h Presentación de Luis Suárez. Fútbol de seda (Baía), de Xan Fraga. Participan:
-Marcos Trigo, concelleiro de Deportes
-Manolete, ex-xogador internacional do Deportivo da Coruña
-Xan Fraga, autor
19.30 h #infantil Vida, crimes e prisión de Toribio de Mañón, de Títeres Viravolta
20.30 h Presentación de In vino veritas (Galaxia), de Francisco Castro. Participan:
-María Canosa, escritora
-Francisco Castro, autor
DOMINGO 28
11.00 h Un libro, un pan. Durante toda a mañá, todas as persoas que merquen algún libro serán agasalladas cun pan de Carballo. Tamén haberá feira tradicional e #infantil Ciclobiblioteca con contacontos espontáneos
12.30 h Presentación de A ciencia no punto de Mira (Auga), de Jorge Mira. Participan:
-Santi Garrido, xornalista
-José María de la Viña, profesor
-Jorge Mira, autor
18.30 h #infantil Contos no tendal, contacontos para nenos e nenas de Raquel Queizás
19.30 h #infantil Presentación da nova serie infantil A familia Caravana (Cumio), de Pepe Carreiro (autor dos Bolechas). Participan:
-Milagros Lantes, mestra e concelleira
-Francisco Villegas, editor
-Pepe Carreiro, autor
20.00 h Sinatura da novela A vida fóra (Galaxia), de Miguel Sande
20.30 h Admirando a condición, presentación do disco de Ses, con concerto acústico de María Xosé Silvar e Tito Calviño
Cada persoa que merque un libro en galego será agasallada cun exemplar de Os meus favoritos, guía de enderezos de internet. Ademais, todos os libros mercados terán un 10% de desconto e todos os días haberá sorteo de lotes de libros.
Horario:
-Mañás: de 11.00 h a 14.00 h
-Tardes: de 17.30 h a 21.30 h
Organiza:
-Concello de Carballo
Colabora:
-Conservas Calvo
Participan:
-Libraría A Tenda dos Libros (Ponteceso)
-Libraría Brañas (Carballo)
-Libraría Como unha novela (A Laracha)
-Libraría Couceiro (A Coruña)
-Libraría Pedreira (Santiago)
-Libraría Roget (Vimianzo)
-Libraría Trasgo (Carballo)
-Tinta de Lura (camisolas literarias) [o domingo]
O Concello de Carballo fai unha valoración positiva da Praza dos Libros 2010, pola que pasaron arredor de 10.000 persoas e na que houbo uns ingresos por venda de libros que superaron os 17.000 euros
Ao longo dos catro días de feira vendéronse nas sete librarías participantes arredor de 1.500 libros, dos cales uns 700 estaban editados en galego e uns 800 en castelán
Máis de 1.500 persoas participaron nas distintas actividades programadas
Os libros máis vendidos en galego foron Covalladas, de Xurxo Borrazás, e A intervención, de Teresa Moure, e en castelán El tiempo entre costuras, de María Dueñas, e Novedades, souvenirs, artículos de coña, de Rober Bodegas
[Carballo, 30 agosto de 2010]
O Concello de Carballo, desde a Concellaría de Cultura e Normalización Lingüística, fai unha valoración positiva da Praza dos Libros, que tivo lugar desde o xoves 26 ao domingo 29 de agosto no Xardín Municipal da capital bergantiñá, e na que se mantiveron tanto os niveis de venda como os niveis de participación da edición de 2009 que, pola súa vez, incrementara o volume de vendas con respecto á edición de 2008.
Ao longo dos catro días de feira pasaron pola Praza dos Libros arredor de 10.000 persoas e unhas 1.500 persoas participaron nas case 20 actividades programadas, entre presentacións de libros, actos de sinatura por parte dos/as autores/as, actividades de animación, concertos, monicreques, maxia, etc.
Con respecto ao nivel de vendas, houbo uns ingresos por adquisición de libros que superaron os 17.000 euros. Esta cifra é a mesma que en 2009, e supera os 15.000 euros de ingresos da edición de 2008. Deste xeito, a media de ingresos de cada unha das sete librarías participantes foi de case 2.500 euros.
Deste xeito, vendéronse na Praza dos Libros arredor de 1.500 libros, dos cales arredor do 45% foron libros en galego e arredor do 55% libros en castelán. Os máis vendidos na lingua propia de Galicia foron Covalladas. Prosa vertical, do autor carballés Xurxo Borrazás, e A intervención, de Teresa Moure, ambos os dous libros presentados na feira. Os libros máis vendidos en castelán foron El tiempo entre costuras, de María Dueñas, e Novedades, souvenirs, artículos de coña, do carballés Rober Bodegas, que estivo asinando exemplares.
Os momentos de maior asistencia foron o xoves pola mañá, o venres pola tarde e, sobre todo, o domingo pola mañá, cando a Praza dos Libros coincidiu co Feirón de Verán e cando se desenvolveu con moito éxito unha vez máis a iniciativa ?Un libro, un pan?, coa que cada persoa que comprou un libro foi agasallada cun dos 450 pans de Carballo que se repartiron.
Estas cifras son consideradas positivas tanto polo Concello como polas librarías participantes e consolidan a boa acollida da Praza dos Libros como unha referencia anual para a difusión do libro e da lectura.
Este ano a Praza dos Libros estará chea de actividades para todas e todos. Catro días, do 26 ao 29 de agosto, con contacontos, música, monicreques, libros, regueifas, maxia, presentacións e outras propostas que encherán de imaxinación e creatividade o Xardín Municipal de Carballo.
Toda a mañá: Feira tradicional de Carballo, cos mellores produtos alimentarios locais e de tempada
13.00 h Inauguración e pregón a cargo de Yolanda Castaño
19.00 h Contacontos en verso para nenos/as por parte de Yolanda Castaño a partir das aventuras do verme punki Punver (Galaxia)
20.30 h Presentación de A Intervención (Xerais), de Teresa Moure, con ?videoinstalación? da autora.
Participan:
-Antón Pedreira (libreiro)
-Teresa Moure (autora)
VENRES 27 DE AGOSTO
12.30 h Contos pícaros. Contacontos de Raquel Queizás
19.00 h O galo Quirico e os seus amigos. Monicreques Seisdedos
19.30 h
-Sinatura de En clave de sol (Lumieira) por parte de Rosalía Fernández e Mon Lendoiro
-Sinatura das obras de Alberto Varela Ferreiro
-Sinatura de O náufrago (Sotelo Blanco), de Xosé Antonio Pet Posse
As primeiras 60 persoas que se acheguen a asinar un libro, serán agasalladas co libro de banda deseñada 1809. A rebelión Neria, de Alberto Varela Ferreiro, xentileza da Asociación Neria
20.30 h Presentación de Covalladas. Prosa vertical (Galaxia), de Xurxo Borrazás.
Participan:
-Belén Puñal, xornalista
-Xurxo Borrazás, autor
22.30 h Festival de música e baile tradicional, con grupos de Carballo e Uruguai
SÁBADO 28 DE AGOSTO
12.30h Obradoiro de regueifas con Luís O?Caruncho e Bieito Lobariñas
18.00 h Xogos populares e tradicionais para todos/as no Xardín Municipal. Mariola, corda, pano...
19.00 h Presentación de O regueifeiro Celestino Álvarez Castro, Celestrino, de Xosé Manuel Varela Varela (AV Monte d?Arxa).
Participan:
-Suso de Xornes (regueifeiro)
-Fermín da Feira Nova (regueifeiro)
-Fernando Álvarez García (fillo de Celestrino)
-Xosé Manuel Varela (autor)
19.30 h Desafío regueifeiro, con: -Suso de Xornes
-Fermín da Feira Nova
-Luís O Caruncho
-Bieito Lobariñas
20.30 h A lingua que queremos.
Presentación conxunta de:
-Lingua e futuro (Laiovento), coordinado por Goretti Sanmartín
-Lingua de calidade (Xerais), de Xosé Ramón Freixeiro
-Estudos xurídicos sobre o decreto para o plurilingüismo (Laiovento), coordinado por Luís Villares
Participan:
-Goretti Sanmartín (profesora da UdC)
-Xosé Ramón Freixeiro (catedrático da UdC)
-Luís Villares (xuíz)
-Silvana Castro (profesora de lingua)
22.30 h En galego. Concerto de Os Carunchos
DOMINGO 29 DE AGOSTO
Todo o día: Ciclobiblioteca
Toda a mañá: Feirón de Verán, cos mellores produtos alimentarios locais e de tempada
Un libro, un pan. Todas as persoas que merquen algún libro serán agasalladas cun pan da marca Pan de Carballo
11.30 h Contacontos para nenos e nenas de Anxo Moure
12.30 h Sinatura de Novidades, souvenirs, artículos de coña, por parte do seu autor, Rober Bodegas
18.00 h Presentación de Galiza en Suíza. 50 anos de presenza galega en Suíza (CIG), coordinado por Xurxo Martínez Crespo.
Participan:
-Marianne Helfer
-Xurxo Martínez Crespo
20.00 h Palabras máxicas. Espectáculo de maxia de Cristian Magic a partir do libro Atrapado na torre (Everest)
O xoves 26 pola mañá a Praza dos Libros convivirá coa Feira tradicional de Carballo e o domingo 29 co Feirón de Verán, con compra, venda e difusión dos mellores produtos locais e de tempada
Todos os libros mercados na Praza dos Libros terán un desconto do 10%
Sorteos de lotes de libros
Todos os días, ás 21.15 h, se fará un sorteo dun lote de libros entre todas as persoas que mercaran algún libro ese día na feira. Os/as premiados/as poderán recoller o seu lote até o domingo 29 de agosto ás 21.30 h no stand do Concello de Carballo
E, ademais...
Ciclo Trad: o venres 20 de agosto, concerto de Antonio Rivas e os seus vallenatos, o sábado 21 curso de acordeón con Antonio Rivas e o sábado 28 xornadas da regueifa e concerto de Os Carunchos
II Ruta do pincho de verán: remata o domingo 29 de agosto, cos mellores pinchos en diferentes bares de Carballo
Berocasión. Feira do vehículo de ocasión de Bergantiños. Sábado 28 e domingo 29 de agosto no Rego da Balsa de Carballo
Horario de apertura das casetas
Xoves e domingo
Mañá: de 10.30 h a 14.30 h
Tarde: de 17.30 h a 21.30 h
Venres e sábado
Mañá: de 11.00 h a 14.00 h
Tarde: de 17.30 h a 22.00 h
Organiza:
-Concello de Carballo
Colaboran
-Conservas Calvo
-Pan de Carballo
-Letras Vivas. Consellería de Cultura e Turismo. Xunta de Galicia
-aCentral folque
-Atlántica de Construción e Medio Ambiente
Participan
-Libraría Brañas (Carballo)
-Libraría Como unha novela (A Laracha)
-Libraría Couceiro (A Coruña)
-Libraría Orizales (A Coruña)
-Libraría Pedreira (Santiago)
-Libraría Roget (Vimianzo)
-Libraría Trasgo (Carballo)
-Concello de Carballo
O SNL de Carballo, e en colaboración con once medios de comunicación, convoca o VI Premio a artigos xornalísticos normalizadores, co obxectivo principal de promover a reflexión sobre a situación social da lingua galega. O prazo de presentación de artigos remata o 3 de maio
VI PREMIO A ARTIGOS XORNALÍSTICOS NORMALIZADORES
CONCELLO DE CARBALLO 2010
1. Obxectivos
O Concello de Carballo, desde o seu Servizo de Normalización Lingüística (SNL) e en colaboración con varios medios de comunicación escritos, convoca o VI Premio a artigos xornalísticos normalizadores Concello de Carballo 2010 cos seguintes obxectivos:
-Promover a reflexión sobre a situación social da lingua galega.
-Crear espazos nos xornais para analizar e promocionar o uso do idioma galego.
-Promover o uso do galego na prensa escrita.
2. Participantes
Poderán participar neste concurso de xeito individual todas aquelas persoas que o desexen, sen límites de idade, nacionalidade, profesión, etc. Cada participante poderá facelo cun único artigo.
3. Características dos artigos
Os artigos serán inéditos, deberán estar escritos en galego e deberán contar cos trazos máis significativos do estilo xornalístico: carácter divulgativo e/ou de opinión, estilo breve e directo, linguaxe xornalística, capacidade de incidencia, etc.
Neles deberase tratar algún tema concreto relacionado coa situación sociolingüística do noso país, coa defensa e promoción da lingua galega, co seu estatus, co argumentario en defensa do uso do galego, coa lexislación e os dereitos lingüísticos, con experiencias sociolingüísticas concretas, con propostas para o impulso do uso e prestixio social do galego, con experiencias útiles ou favorábeis para a dinamización da lingua, coa política lingüística, etc.
Os artigos presentados deberán ter entre 2.000 e 3.500 caracteres con espazos incluídos (entre 350 e 600 palabras, aproximadamente).
4. Forma de presentación
Os artigos presentaranse nun sobre grande pechado, deberán estar asinados cun pseudónimo e neles non poderá figurar o nome nin ningunha outra referencia ao autor ou á autora.
Dentro do sobre grande incluirase tamén un sobre pequeno pechado que levará escrito por fóra o título do artigo e o pseudónimo da súa autora ou autor. No seu interior figurará o nome e apelidos do/a autor/a, o enderezo completo, o número de teléfono, o enderezo electrónico, os datos profesionais ou un breve currículo e o título do artigo e o pseudónimo utilizado.
Os artigos deberán presentarse por cuadriplicado no Rexistro de Cultura, Ensino e Normalización Lingüística do Concello de Carballo (Pazo da Cultura) ou por correo certificado en sobre pechado no que se deberá incluír toda a documentación requirida. No remite debe sinalarse o pseudónimo empregado e na parte dianteira do sobre:
VI Premio a artigos xornalísticos normalizadores Concello de Carballo 2010
Rexistro de Cultura, Ensino e Normalización Lingüística
Pazo da Cultura, 1.º andar
Rúa do Pan s/n
15100 Carballo
Horario do rexistro: de 10.00 h a 13.30 h
5. Prazo de presentación
O último día para entregar os artigos será o 3 de maio de 2010, tanto no rexistro como en calquera oficina de correos.
6. Premio
Outorgarase un único premio de 1.200 euros e a publicación do artigo en todos os medios colaboradores.
7. Xurado
O xurado estará composto por tres persoas de recoñecida capacidade no ámbito ao que se refire a convocatoria e por un secretario ou secretaria, con voz e sen voto, en representación do Concello de Carballo.
8. Selección, avaliación e entrega do premio
Para a selección do traballo premiado, o xurado terá en conta:
-A capacidade de incidencia no público.
-A orixinalidade e atracción dos contidos e argumentos, así como do seu tratamento.
-O encadramento nun tema, ámbito ou sector concreto.
-A linguaxe xornalística e o estilo breve e directo.
-A clareza expositiva e a calidade lingüística.
Ao xurado correspóndelle avaliar e deliberar sobre os traballos presentados e poderá declarar deserto o premio, así como conceder libremente algún accésit, aínda que sen dotación económica.
A decisión do xurado farase pública no prazo máximo de 25 días despois do remate do prazo de entrega de artigos. A entrega do premio terá lugar nun acto público nunha data que se anunciará coa suficiente antelación. O/a autor/a premiado/a comprométese a asistir a este acto.
A data de publicación do artigo premiado nos medios colaboradores será anunciada canda a do acto público de entrega de premios.
9. Base final
O artigo premiado quedará en propiedade do Concello de Carballo, quen terá todos os dereitos sobre el.
Para a súa publicación, o artigo poderá ser revisado lingüisticamente.
Transcorrido un mes desde a entrega do premio, os artigos non premiados que non sexan recollidos serán destruídos.
A participación supón a total e plena aceptación destas bases, sobre as que diante de calquera dúbida prevalecerá unicamente a opinión do xurado.
Medios que colaboran con este Premio e que publicarán os artigos gañadores -A Nosa Terra
-A Peneira
-Diario de Bergantiños
-Radio Líder / El Periódico de Bergantiños
-Galicia Hoxe
-La Opinión de A Coruña
-La Voz de Galicia
-Longa Lingua
-Tempos Novos
-Vieiros
-Xornal de Galicia
+info
Servizo de Normalización Lingüística Concello de Carballo
Tfno.: 981 704 304
normalizador@carballo.org
www.carballo.org
A Ludoteca Municipal de Carballo acolle diversas actividades de animación á lectura, dentro do programa Literactúa (Concello de Carballo) e de Letras Vivas (Consellería de Cultura e Turismo).
A próxima destas actividades será o contacontos A bruxiña sen vasoira, de Altega.
DÍA: venres 13 de novembro
HORA: 18.00 h
LUGAR: Ludoteca Municipal de Carballo (fronte ao Xardín Municipal)
A Ludoteca Municipal de Carballo acolle diversas actividades de animación á lectura, dentro do programa Literactúa (Concello de Carballo) e de Letras Vivas (Consellería de Cultura e Turismo).
A próxima destas actividades será este Recuncho dos contos, de Pingateatro.
DÍA: venres 16 de outubro
HORA: 18.00 h
LUGAR: Ludoteca Municipal de Carballo (fronte ao Xardín Municipal)
Capítulo 13 da serie de internet Para mariñeiros nós. Nesta ocasión os protagonistas da serie, o capitán Cobiñas e Pinto, atópanse en Carballo, que celebra a Praza dos Libros, cos mellores escritores galegos, con quen manteñen un duelo de regueifas épico.
Este episodio contou coa colaboración especial dos escritores Paco Souto, Gustavo Pernas Cora, Suso de Toro e Manuel Rivas.
O Concello de Carballo e CORRELO filmes teñen o pracer de o/a convidar á presentación e proxección de "Na bágoa da marea", episodio 13 de Para mariñeiros nós, primeira serie galega de internet, protagonizada por Suso Lista e Manolo Castro e dirixida por Omar Rabuñal.
Esta novo miniepisodio foi gravado en Carballo e conta coa colaboración especial dos escritores Manuel Rivas, Suso de Toro e Gustavo Pernas Cora.
"Na bágoa da marea" xira arredor da feira, do pan de Carballo e da promoción do libro e a lectura.
PRESENTACIÓN E PROXECCIÓN
DÍA: venres 2 de outubro de 2009
HORA: 20.30 h
LUGAR: Salón de actos do Pazo da Cultura de Carballo (Rúa do Pan, s/n)
*Este novo capítulo da serie de internet poderá verse tamén en Youtube a partir do venres 2 de outubro.
A Ludoteca Municipal de Carballo acollerá nos próximos meses diversas actividades de animación á lectura, dentro do programa Literactúa (Concello de Carballo) e de Letras Vivas (Consellería de Cultura e Turismo).
A primeira destas actividades será este Contacontos de libros contentos, de Carmen Domech (Títeres Cachirulo).
DÍA: venres 18 de setembro
HORA: 18.00 h
LUGAR: Ludoteca Municipal de Carballo (fronte ao Xardín Municipal)
Nos próximos días anunciarase o programa completo das próximas actividades de Literactúa...
Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0
O Concello de Carballo e CORRELO filmes teñen o pracer de o/a convidar á presentación e proxección de "Na bágoa da marea", episodio 13 de Para mariñeiros nós, primeira serie galega de internet, protagonizada por Suso Lista e Manolo Castro e dirixida por Omar Rabuñal.
