No debuxo da dereita vemos a diferenza entre a liña dos petroglifos A e D coa liña do solpor actual no solsticio de inverno (liña negra, que se corresponde coa sombra do pau na foto da esquerda). Con menos de 3º, a sombra proxectaríase na coviña central do petroglifo A. Esta situación debeu producirse en solpores de solsticios anteriores ó 3000 antes de Xesucristo. Elo pode servir para que poidamos facernos unha idea da data dos gravados.