Esta rocha erosionada polo vento e a auga durante milenios estaba ó lado da pedra dos petroglifos da Ermida, na parroquia de Eiras.
Formaba, coa
pedra furada e con outra de similares características e de actual paradeiro descoñecido, un conxunto moi fermoso, xusto ó lado dos petroglifos.
Nos anos noventa foi levada á veciña parroquia de As Las, para servir de fonte na área recreativa que alí se construíu.
Se pasades polo castro das Las poderedes ver esta rocha xusto detrás do Centro de Interpretación Castrexa. Acordádevos de que estivo na Ermida, en Eiras, e que é moi posible que formara un conxunto cultual coas restantes rochas que a acompañaban.
