Arredor de Lámbrica


Máis sobre os petroglifos da Ermida e a posible orixe da ara de Eiras
Petroglifos da Ermida en EirasQue teñen en común a citania de Lámbrica (mal chamada "lansbrica"), a ara de Bandua de Eiras e os petroglifos da Ermida?

Cando xa se cumpriron dez anos dende a creación deste blogue, seguimos a darlle voltas aos gravados da Ermida, mentres as administracións culturais permiten a medra dos toxos, das xestas, dos piñeiros e do esquecemento enriba dos petroglifos.



Na Ermida, ademais da propia representación de petroglifos, atopamos unha mámoa e un cruceiro. O topónimo parece obedecer a presenza dunha antiga ermida ou capela, confirmada por un documento conservado no Arquivo do Reino de Galicia, un preito do Comendador de Pazos de Arenteiro e don Xacinto Vázquez de Toubes con dona Sabela Vázquez de Toubes sobre reivindicación do lugar e granxa de AS MÚAS, anexa á ERMIDA de SAN COSME E SAN DAMIÁN na feligresía de Santa Uxía de Eiras, xurisdición de Roucos, en 1695.

Estará na Ermida a orixe da ara de Bandua de Eiras?

As Múas, O Couto e A Ermida son topónimos que se empregan indistintamente para nomear aquelas paraxes. A sacralidade do lugar estaría asegurada pola presenza desa antiga ermida, xa desaparecida, pero que deixou o seu recordo no microtopónimo. A ermida e o cruceiro serían a cristianización de máis que posibles vellos cultos que podemos intuír pola presenza da mámoa e dos petroglifos.

As Múas (tamén coñecidas por O Couto ou A Ermida) eran parte do Coto de Pazo, xurisdición propia da parroquia de Santa Uxía de Eiras. Se a ara de Bandua estivese nesa ermida desaparecida, parece natural que algún dos señores do pazo de Eiras a levase para o seu xardín no século XVIII. A bancada de pedra que arrodeaba a ara no xardín do pazo parece ser labrada nesa época, á medida da mesa que puxeron enriba da propia ara. Así foi como chegou ata o século XXI.

O interese dos habitantes de Lámbrica e da súa contorna polas Múas pode xustificarse pola presenza de vetas estanníferas (casiterita) e posiblemente de ouro.

Este interese ben podería intuírse no panel dos petroglifos, pois a superposición do esquema enriba dun mapa da contorna móstranos curiosas coincidencias.

O panel dos petroglifos parece sinalar fitos territoriais conxugados con eventos astronómicos relacionados cos solsticios.


Ler máis sobre os petroglifos da Ermida en Unha proposta de interpretación




A REPRESENTACIÓN TERRITORIAL NOS PETROGLIFOS DA ERMIDA


Pedra atopada na Fareixa, no interior do muro dun muíño derrubado.




Fotogalería
Os petroglifos de Eiras
A peneda da Ermida en Eiras
Artigo publicado o 29-08-2019 21:17
# Ligazón permanente a este artigo
Los petroglifos de Eiras y los alineamientos astronómicos en Segeda

El estudio del santuario celtibérico de Segeda pone de manifesto el interés de las poboaciones celtibéricas (prerromanas) por los movimientos de los astros, particularmente del Sol y de la Luna.

Es curioso que en los petroglifos de A Ermida en Eiras (San Amaro, Ourense) se hayan observado alineamientos similares. Han sido verificados los de las puestas de Sol de los solsticios de verano y la línea que apunta al Norte astronómico. Ambos se perciben cuando dos de los petroglifos de la roca están en línea con el evento astronómico esperado.

El ángulo marcado con color naranja es el mismo que posee la construcción descubierta en Segeda, por lo que será necesario verificar si el fenómeno de la Parada Mayor de la Luna también ha sido reflejado en la roca de A Ermida. Se ha sugerido que esa línea apuntara a las puestas de Sol de los solsticios invernales, pero las observaciones han puesto de manifiesto una ligera desviación.

En principio, la roca de los petroglifos de Eiras no es comparable con los restos de la construcción de Segeda, pero en ambos se manifiestan idénticas inquietudes astronómicas y conocimientos similares: conocimiento del Norte, del ciclo anual del Sol y del Ciclo metónico de la Luna, cada 19 años.

Las combinaciones circulares en los petroglifos gallegos han sido datadas en la Edad del Bronce. Pero la complejidad de los cálculos y la orientación del petroglifo principal (el vértice del ángulo señalado) hacia el castro de San Cibrán das Las-Ourantes, situado a 2 kilómetros pero no visible desde la roca, pueden ser indicios de que en épocas no muy anteriores a la dominación romana fueron realizadas observaciones astronómicas en A Ermida, aunque es posible que se trate de tradiciones procedentes de períodos muy anteriores.

Esperemos que estas fantásticas coincidencias puedan ser estudiadas antes de que el abandono, el desinterés y los incendios forestales hagan desaparecer estas delicadas manifestaciones de las inquietudes de los antiguos pobladores de estas tierras.


Ver vídeo Segeda, la ciudad celtibérica en www.terraeantiqvae.es

Ver artigo El santuario celtibérico de Segeda (Calatayud) en www.terraeantiqvae.com



Ver artigo en galego
Ver solsticio de verano 2011 en Segeda (herreroseja.blogspot.com)
Ver noticia del solsticio de verano 2009 en A Ermida (informativos telecinco.com)
Artigo publicado o 04-09-2011 08:34
# Ligazón permanente a este artigo
O santuario de Segeda, os aliñamentos astronómicos e os petroglifos de Eiras
Panel dos petroglifos de Eiras (San Amaro)
O santuario celtibérico de Segeda, do século II despois de Cristo, está en Calatayud (Zaragoza). O seu estudo, dirixido por Francisco Burillo, puxo de manifesto o interese das poboacións celtibéricas (prerromanas) polos movementos dos astros, particularmente do Sol e da Lúa. As distintas aliñacións observadas coinciden co Norte astronónimo, co solsticio de verán, cos equinoccios e coa Parada Maior da Lúa, seguramente coa intención de medir o Ciclo de Metón ou Ciclo metónico, que marca a Lúa cada 19 anos, aproximadamente. Os investigadores da Universidade de Zaragoza chegaron a afirmar que o santuario celtibérico de ciclo lunisolar de Segeda constituía un calendario perfecto, axustado ós movimientos astronómicos do Sol e da Lúa.




Interésannos agora tres liñas, patentes no santuario de Segeda:
a) Un aliñamento co solpor solsticial de verán
b) Un aliñamento cara o Norte astronómico
c) Un aliñamento cara a Parada Maior da Lúa.

Nos petroglifos da Ermida en Eiras (San Amaro) tamén se realizaron algunhas observacións que apuntan cara os mesmos puntos azimutais, aínda que os aliñamentos na Ermida prodúcense nos petroglifos, inexistentes en Segeda. Evidentemente, o panel dos petroglifos non é morfolóxicamente comparable ó santuario de Segeda, no que hai restos dunha construción, pero sí o son as liñas de orientación que se observan, o que pode obedecer a unhas crenzas e coñecementos comúns ou procedentes dun tronco común.

O solpor solsticial nos petroglifos da Ermida (Eiras, San Amaro) foi comprobado no verán (petroglifos A e B), ó igual que a orientación Norte de dous dos petroglifos (E e A). Estas mesmas particularidades, como vimos, tamén lle interesaban ós celtíberos de Segeda, segundo os seus investigadores, polo que xa percibimos que ambas estacións arqueolóxicas posúen algo en común.

A posibilidade de que outro dos petroglifos da Ermida (o D) sinalase o solpor solsticial de inverno, tamén foi suxerida neste blog pero non é demasiado convincente, especialmente se se deixa "pousar" o Sol no horizonte, desviándose bastante da liña esperada.

Dous aliñamentos de Segeda (as liñas que marcan o Norte e a Parada Maior da Lúa) forman un ángulo de 120º (130º, segundo algunhas fontes). Nos petroglifos da Ermida tamén percibimos un ángulo moi semellante: a liña que une os petroglifos A e D (liña azul) forma un ángulo coa prolongación da liña que sinala ó Norte (petroglifos E e A, liña verde) de, aproximadamente, 128º, o que lle permite ó petroglifo D unha orientación similar á do aliñamento de Segeda coa Parada Maior da Lúa.

O máis curioso nos petroglifos da Ermida é que este ángulo é semellante ó que forman os petroglifos B e E con centro en A (liñas vermella e verde discontinua). Consecuencia delo é que a bisectriz do ángulo formado entre a liña do solpor solsticial de verán e a da suposta Parada da Lúa (liñas verde e azul, respectivamente) é perpendicular a liña Sur-Norte (liña verde) indicando claramente os equinoccios (liña branca). A liña equinoccial tamén foi detectada en Segeda.

Falta, agora, unha comprobación dese posible aliñamento da Parada Maior da Lúa na Ermida, sendo altísimas as posibilidades de que os pobos que habitaron este monte ourensán antes da romanización coñecesen os cálculos que realizaban os de Segeda no seu santuario, non moi lonxe de Calatayud.

Coido que na Ermida está clarísima a intencionalidade no gravado dos petroglifos. Outra característica da Ermida, que a fai única, é a súa simplicidade, sen petroglifos engadidos que dificulten a percepción dos aliñamentos dos que estamos a falar, pois os paneles espectaculares, con moitas figuras e que, enriba, foron realizadas en épocas diversas, fan aínda máis difícil a súa interpretación.

Tampouco nos podemos esquecer de que o petroglifo principal da Ermida está orientado cara o castro de San Cibrao das Las e Ourantes (Lámbrica), o que suxire unha vinculación clara con este xacemento.

Se os de Segeda tiñan inquietudes astronómicas similares ós habitantes da contorna de Lámbrica teremos que pensar que, posiblemente, os petroglifos da Ermida sexan contemporáneos ás tribus celtibéricas, polo tanto, vinculados ós habitantes dos castros galaicos, só uns centos de anos antes da chegada dos romanos. Elo non entra en contradición coa datación de moitos petroglifos circulares na Idade do Bronce (incluso antes), pois trataríase dunha tradición cunha longa perduración no tempo.

Esperemos que as nosas autoridades culturais a ben considerar a grande importancia do xacemento da Ermida antes de que poidan chegar a ser destruídos polo tempo e polo abandono.




Ver vídeo Segeda, la ciudad celtibérica en www.terraeantiqvae.es

Ver artigo El santuario celtibérico de Segeda (Calatayud) en www.terraeantiqvae.com


Ver otra fotografía y artículo en castellano Los petroglifos de Eiras y los alineamientos astronónicos en Segeda
Ver o santuario de Segeda (www.bloganavazquez.com)
Ver Segeda en (www.celtiberiahistorica.es)
Ver solsticio de verán 2011 en Segeda (herreroseja.blogspot.com)
Artigo publicado o 31-08-2011 18:04
# Ligazón permanente a este artigo
(2009-2020) Artigos posteriores na Burata da Moura

  💫 Escolma de ligazóns ⭐
  💫 Artigos do blogue 📖
  💫 Buscar nos artigos 🔎

©️ Felisindo Glez. Iglesias. 2009-2020 💫
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0