Fai uns anos, estando eu traballando en Poio, fixemos unha campaña de normalización lingüística con estes carnés. Dábaselle un ó alumnado que o merecía. Tratábase de fomentar a oralidade. Persoalmente penso que tivo o seu efecto. Había que baixar un pouco o listón para dárllelo, pero a cuestión era que funcionaba, todos querían ter un carné ... ou todos.

Como se lle daba o carné?. Deste xeito.

1º Nivel: MOUCHO. O Observador. Colabora nas actividades de Normalización Lingüística. "Fala galego de cando en vez".

2º Nivel:GOLFIÑO.O imitador. Participa nas actividades de Normalización Lingüística. "Fala galego cando outros llo falan".

3º Nivel: DINOSAURO. O enxebre.Colabora e partipa nas actividades de Normalización Lingüística.. Axuda a que outros tamén o falen. "Fala galego sempre ou case sempre".

Parte de atrás dos carnés.

Hoxe recupéroos para este blogue porque a páxina web deste colexio que estiven non sei se durará moito, leva un par de anos parada, e igual deciden facer cambios ... E ás veces, xa sabemos, isto fai que desapareza o que había feito. Eu dende logo, dóulleles as grazas os meus compañeiros por non eliminala, pois sei que teñen que pagar un pouco por mantela. Foi moito o que alí se traballou. Alí comecei esta andaina ciberespacial. Ós poucos vou sacando algunhas cousas para que non se perdan.

Estaría ben que a Consellaría de Educación fixera algo parecido con todos os funcionarios, con sistema de puntos para os concursos de traslados, ou con incentivo económico.

O problema do galego arranxaríase en dúas patadas.