Despois de dar a tabarra por fín temos un documento onde pon claramente (
polo menos por escrito) que por parte da XEFATURA DE PERSOAL
non houbo ningún tipo de presión para poñer a pancarta. Grazas a este documento agora
xa podemos ter a polémica pancarta dentro do colexio. Antes
tiñámola que poñer fora.
Por que logo se armou tanto rebumbio e se tivo que pechar o blogue de Normalización lingüística?
Pode ser, eu aínda teño as miñas dúbidas, que un inspector, que seica está agora en Ceuta (por traslado), tomara pola súa conta esa decisión de non deixar poñer a pancarta, pero dende logo
non se entende que ese mesmo inspector non dixera nada nos outros centros da súa xurisdición, como por exemplo, o CEIP Villaverde. Coido que hai centos de centros que aínda a teñen.
No acta tamén se fala que no blogue de Normalización
quen decide sobre o mesmo é o EDNL, será logo este quen terá que dicir se un artigo é
apropiado ou inapropiado. Non si?
Este artigo metino na
categoría de paradoxos porque é curioso que unha foto dunha pancarta que
fala da defensa do ensino público non se poida meter nun blogue de normalización onde se está a ver
como lle están afectando os recortes (máis do 70% en dinamización do galego en dous anos e o que nos espera) e encambio
agora témola metida dentro do centro. Sería por que xa pasaron as eleccións?
Falando de recortes, nun claustro xa se falou de
se publicar a revista ou non, pois os cartos que están a dar non chegan nin para "pipas". Xa sabemos que a cultura, e a lingua en particular, non é do agrado de moitos dos que nos governan.
A miña pregunta é:
Non deberían volver as cousas ó seu rego e deixar que o blogue seguira como antes?
