Unha folerpa con outras, ás veces calla e fai neve

Defensa do Ensino Público


De Viñetas

"A historia dunha lingua debería ser coma a dunha longa cadea, onde cada xeración fora un elo que lla transmitira á seguinte"

GALEFAS
aferrer@mundo-r.com
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Utilidade do Galego

Se entras na ligazón que tes abaixo (ogalegoeutil) atoparás moitos manifestos de xente, sobre todo da que está fora do noso país, que conta a súa experiencia da utilidade do galego noutros paises. Hoxe en día, hai moitos rapaces galegos que xa están a ser "analfabetos funcionais" incluso en galego. Se non potenciamos a nosa lingua, estaremos, aparte doutras cousas, algo máis coxos no mundo.
As cifras cantan:

Brasil: 200.000.000 de habitantes.
Portugal: 12.000.000 "
Angola: 11.000.000 "
Moçambique: 21.000.000 "


Artigo orixinal:
http://ogalegoeutil.wordpress.com/


"Isto que estás a ler é un manifesto espontáneo, vivo, interactivo, libre de ideoloxía e afiliación política, co que os abaixo asinantes pretendemos, desde a nosa humilde experiencia no estranxeiro, desmentir o mito de que ?o galego non vale para nada? ou ?só serve dentro de Galicia?.

Todos os idiomas valen e para moito.

A nós, o galego foinos útil e segue séndonos útil nas nosas vidas e aventuras polo mundo adiante:

1. O galego facilitounos a aprendizaxe doutros idiomas: fíxonos máis sinxela a comprensión oral e escrita doutras línguas, axudounos a identificar e pronunciar noutros idiomas sons que non existen en castelán e facilitounos a aprendizaxe de novas estruturas gramaticáis.
2. A capacidade de falar galego fixo posible que nos comunicáramos con cidadáns de Portugal e Brasil (entre outras nacións posibles, que xuntas suman unha poboación de arredor de 200 millóns de persoas).
3. No estranxeiro, o feito de falar galego e polo tanto comprender o portugués deunos unha vantaxe competitiva frente a outros traballadores, xa que a nivel internacional o coñecemento de idiomas sempre é un bonus, sexa a industria que sexa.

Por estas tres razóns prácticas, concluímos, sen ningún tipo de dúbida, que o galego tamén é útil fóra de Galicia. Que non che quenten a cabeza dicindo que non."

Londres, 1 de abril de 2009

Queres asinar o manifesto? Entón envíanos unha mensaxe indicando o teu nome e se podes engade tamén a túa testemuña.

Outras ligazóns de interese, no artigo na prensa de Vieiros.


A nova na "Coz de Galicia"
Categoría: Galego - Publicado o 09-04-2009 00:08
# Ligazón permanente a este artigo
Apoia o manifesto
Clica nesta imaxe e apoia o manifesto. Que as cousas muden a mellor ou a peor depende de nós.


Categoría: Galego - Publicado o 06-04-2009 08:48
# Ligazón permanente a este artigo
Sumando apoios á CGENL

En tan pouco tempo, e a falta de que moitos E.N.L. se xunten, despois de Semana Santa, para tratar o tema do manifesto elaborado pola Coordinadora Galega de Equipos de Normalización Lingüística, xa hai 167 centros que asinaron. Aquí tes o texto do manifesto,:


"Os Equipos de Normalización e Dinamización Lingüística abaixo asinantes queren manifestar a súa preocupación ante a intención do novo goberno de derrogar o Decreto 124/2007 polo que se regula o uso e promoción do galego no sistema educativo. Como dinamizadores lingüísticos, pero moi especialmente como profesionais do ensino que somos, queremos facer constar o seguinte:

1. Este decreto desenvolve o Plan xeral de normalización da lingua galega, aprobado por unanimidade no Parlamento de Galicia no ano 2004 e elaborado, na parte referida á educación, por unha comisión na que se integraban representantes das ANPAS, do profesorado, das organizacións pedagóxicas e das patronais do ensino concertado.

2. Supón a superación dunha lexislación, o Decreto 247/95, que -despois de 12 anos de aplicación- tiña demostrado que non estaba respondendo aos obxectivos para os que fora deseñada, tal como poñen de manifesto os últimos datos do Mapa Sociolingüístico de Galicia.

3. Persegue como finalidade última que o alumnado acade, ao rematar os seus estudos, unha plena competencia lingüística que o capacite para expresarse oralmente e por escrito nas dúas linguas oficiais de Galicia, no marco dun ensino plurilingüe.

4. Favorece que cada centro elabore o seu propio Proxecto lingüístico, documento que debe ser aprobado polo Consello Escolar e que, polo tanto, require a implicación e o consenso de toda a comunidade educativa: profesorado, alumnado, pais/nais, persoal non docente e representantes dos concellos.

Dado que consideramos as medidas que se establecen no decreto como unha achega importante na tarefa dinamizadora e normalizadora que realizamos nos centros e que non pasou tempo suficiente para avaliar se os seu resultados satisfán os obxectivos para os que foi aprobado, solicitámoslle ao novo goberno que manteña os compromisos acordados pola comunidade educativa e o Parlamento galego no Plan xeral de normalización da lingua galega."
Categoría: Galego - Publicado o 05-04-2009 14:54
# Ligazón permanente a este artigo
É Galiza unha naçon celta?
Documental un pouco longo - 1 hora -que explica o tema do celtismo na Galiza. Se queredes profundar un pouco máis tedes no artigo "Da Galiza céltica á Galiza do seculo XXI" uns artigos multimedia das "II Jornadas da Historia de Galiza" que se fixeron en Ourense, marzo de 2009. As intervencións dos conferenciantes pódense descarregar en formato mp3


Categoría: Galego - Publicado o 03-04-2009 23:23
# Ligazón permanente a este artigo
Dolores Pan. Especial "Bilingüe" de Pontevedra
"Manda Carallo na Habana". Quen pode entender que sexan "os da casa" os que xoguen encontra da nosa lingua?

"O grupo do PP no Senado rexeitou este martes, na Comisión de Sanidade e Consumo, unha moción coa que se pretendía que os exames para Médico Interno Residente (MIR) se puideran realizar, ademais de en castelán, nas outras linguas oficiais do estado (galego, catalán ou éuscaro). O grupo do PP votou en contra, despois de amosarse a favor na primeira intervención, segundo explica o senador do BNG, Xosé Manuel Pérez Bouza.

Bouza explicou que, tal e como recolle a acta, a voceira do PP e senadora por Burgos, María Begoña Contreras, amosouse favorábel á moción na primeira intervención, mais despois o seu partido virou de opinión. Neste caso foi Dolores Pan, senadora por Pontevedra, a encargada de tomar a palabra para explicar esta mudanza de idea, argumentando que a aplicación da moción "incrementaría o gasto e a burocracia".

Pérez Bouza considera "curioso" que esta negativa se produza nunha comisión (a de Sanidade e Consumo), na que o PP ten tres senadores galegos, sendo unha senadora do país a encargada de xustificar o cambio de opinión. Para o senador nacionalista esta variación de postura explicase nas "presións que lle impón a nova política lingüística do PP de Galiza en contra do idioma galego".

A moción fora presentada conxuntamente polo grupo de CiU e a Entesa Catalana de Progrés (na que están PSC, ERC, ICV e EU) e estaba apoiada polo grupo do BNG".


Coordenadora de Equipas de Normalización de Ferrolterra
Categoría: Galego - Publicado o 01-04-2009 23:16
# Ligazón permanente a este artigo
© by Abertal
Estadisticas y contadores web gratis
Estadisticas Gratis


Este blogue forma parte da Rede de Blogueiras/os en defensa do Galego
Chuzame! chúzame -





Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0