Conectad@s ó Mundo-FEMURO


Aula Formación, Información e Asesoramento
Punto de encontro das mulleres do Rural da Comarca do Carballiño e Ribeiro, que se engloban en FEMURO.
Dende aqui se traballa para toda a poboación na busqueda da Igualdade,Empoderamento, Formación, información e Asesoramento.


relojes web gratis








Conectad@s ó Mundo
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

ADIVIÑAS

¡Tentade saber a resposta!

Delante de Dios estoy
entre cadenas metido.
Estoy alto y estoy bajo
estoy muerto y estoy vivo.



Detrás de una puerta lo vi hacer,
subir y bajar, sacar y meter;
dar de manos, fregar de barriga,
¡adivina que no es picardía!


Pelo por fora,
pero por dentro
erguer a perna
e metela dentro

María Antonia está deitada, o Xan por riba.
O biquilis babiles, iba e viña e María Antonia
aberto llo tiña.


A carne da muller é dura,
e máis dura é quen a fura.
Métese o duro no brando e
quedan dous piringando.


Métese duro,
saille brando
coloradiños e chorreando.
Comentarios (0) - Categoría: RECORDOS NO TEMPO - Publicado o 01-07-2009 17:52
# Ligazón permanente a este artigo
Oferta do CIMO
Empregado/a administrativo/a - Carballiño (O) - Nº Oferta 971791
Empresa madeireira precisa persoal con nivel alto de inglés e medio de francés para traballar no departamento de Comercio Exterior. Necesaria
titulación mínima de Ciclo Superior na rama da Administración e experiencia de seis meses no posto.
Comentarios (0) - Categoría: OFERTAS DE EMPREGO NA COMARCA - Publicado o 01-07-2009 11:30
# Ligazón permanente a este artigo
Continuación II....
Lembran ter como xogo, recoller os bichos da patacas nun bote; ata que comenzarón a chegar as primeiras maquinas de sulfatar.
Non sabían de tecnoloxía dixital, pero, facían os seus brinquetes, amañados, caseiros e reciclados.
que recordan o carro das vacas, de poñerlle a chavella. De cargar os cestos no lombo, de facer medeiros de herba. Chamar as vaca, aos cabalos e ás bestas. Cargas os fillos ou os irmáns ás costas.
As que xa dende nenas, recordan camiñar 2 e 3 kilometros co baldo á cabeza e os caldeiros na man. ben para levar o leite ou para buscar auga.
Que souberon facer as trenczas perfectas ás fillas e netas, aprendendo a facer o cadrelo ao cabalo.
Son as mulleres que non recibiron ningunha educación sexual, pero que tiveron que ser as que loitaran para que as súas fillas si que a tiveran. Que gardaban tradición de pureza ou que recordan as palleiras coma recunchos de apertas e agarimos as agachadas.
Son as que chegaron a ter mozos no servizo militar, e recibían letra caligrafica co comezo.

Querida novia:
El que te quiere y te aguarda.

Tuyo siempre.......


ou as que quedaron en estado (coma elas din, para que eles non foran o servizo).
Saben do paso da cociña de lareira, co tres pés e pote; as cociñas de ferro do nº7 ou nº9, as mais previlexiadas con billa e as outras co servizo pro latrón da auga, co "calderín" para a auga quente (¡cando chegaron aqueles primeiros cartos que mandou o home ou os fillos/as!).
Gardaron na arqueta, pasaron á alacena e ao armario de cociña coas portas verdes, ¡todo un luxo dos 50!
De pratos de pedra, que se gardaban coma tesouro e se reparaban se rompian, coñeceron a porcelana o duralex, a chegada da auga de deposito, a traída e os lavalouzas.
Que recordan os muiños, o pan de centeo. Saben de feiras, de tratantes de batas azuis; de alcumes e motes de familia (os Charnelos, Os Tratantes; Os Catalinos, os Crepos....); de leiras, de eieras, de cabaceiros e colmos.

Recordan, cadelas, reais, pesos, pesetas e agora Euros.
Que loitaron por ter unha cartilla de aforros ou deixar de ser meras posesións.
Viron aparecer o Divorcio en España, e que algunha recorda tamén por contra a Guerra Civil ( a fame, a dor, as rencillas que quedaron, os que marcharon....)

Saben dunha soa lámpada para toda a casa, (depois de ter pasado polo candil de carburo ou de gas), a pera da luz, de cable longo, que retorcía, pero que permitía xa facer o camiño pro mando a distancia.

Lembran a primeira radio, que se gardaba no estante con volante privilexiado, a poder ser, tapada pra non se machar, e que recibía o destapa pra hora de escoitar a música, as noticias, a novela. As mesmas que ven, coma agora os seus netos/as e bisnetos/as non escoitan. "Simplemente María....(novela radiada dos anos 60);
Din elas:
¡levan eses raio de esas cousas nas orellas!....


Os/AS que non recordan ter a televisión ata os anos 60 e 70 cando por as aldeas apareceron as primeiras; aparello que comprada por un, era de todos os veciños. Servindo de motivo socializador, aínda sendo en branco e negro, que facia mil raias e que nalgúns dos casos a forza de luz non era capaz nin de prendela.
Todas/os saben do festival de Eurovisión, e brisca no mesmo día, ¡aquelo paraba todo!, e de comenzos do fúrbol televisado (Pirri, Velazquez....)

A todos e todas que por emigrar ou por quedar, agardar e loitar fixeron o camiño dos anos, que domo din:
¡pasan deseguida!

Mulleres e homes que fixeron de Galiza o que hoxe é, ben ou mal, tan só buscaron o que creron mellor, cando os tempos non tiñan bytes, megabytes, nin gygabytes, solo se pensaba en ferrados, cuartas e cuartillos.

A todas elas e eles ¡grazas! por gardar o recordo da nosa historia
(Alicia González B.)
Comentarios (0) - Categoría: RECORDOS NO TEMPO - Publicado o 30-06-2009 18:58
# Ligazón permanente a este artigo
Ofertas na Comarca (CIMO)
Profesor/a para academia - Carballiño (O) - Nº Oferta 971220
Academia de ensino precisa persoal para impartir clases de Física e Química a nivel de Bacharelato. Necesaria posuír a Licenciatura nalgunha
das dúas materias ou estar cursando os últimos anos. Horario a convir en quenda de tarde (sete horas semanais).

Xefe/a de taller - Carballiño (O) - Nº Oferta 971412
Realizará tarefas de mantemento e reparación de maquinaria, ademais de encargarse da coordinación do traballo do persoal ao seu cargo.
Valoran o permiso de conducir clase C. Xornada completa.
Comentarios (0) - Categoría: OFERTAS DE EMPREGO NA COMARCA - Publicado o 26-06-2009 14:17
# Ligazón permanente a este artigo
Libro recomendado para a vindeira semana
Kika superbruxa e Don Quixote Da Mancha

Trama:
KikA enfrascase no traballo de voltar a D. Quixote e o seu escudeiro Sancho o seu mundo.

Idade: 8/9 anos

Recomendación: (Raquel)
Comentarios (0) - Categoría: LUDOTECA/ANIMACIÓN A LECTURA LIBRO/FORUM - Publicado o 25-06-2009 18:09
# Ligazón permanente a este artigo
Curso de Utilización do Pen driver, Chupete ou Lapis
Duración.- 3 horas
Data.- 20 a 22 de xullo
horario.- 12.00 a 13.00 horas
Colectivo.- Poboación en xeral

Descrición.-

As/os usuarias/usuarios coñeceran que é unha memoria pen, chupete ou lapis; e a súa utilidade.
Coñeceran a conexión o porto USB
Utilizar o chupeta para gardar, transladar información.

Metodoloxia.-
práctica e adaptada as/os usuarias/os.
Comentarios (0) - Categoría: FORMACIÓN ALFABETIZACIÓN DIXITAL - Publicado o 24-06-2009 18:00
# Ligazón permanente a este artigo
AVISO DOS RESULTADOS DO CELGA
Dende Conectad@s-FEMURO (24/06), poñemos no voso coñecemento que tedes a disposición no taboleiro de anuncios do centro o listado das probas do CELGA II e CELGA IV; tamén podedes acceder á aula para comprobar os vosos resultados, ou ben chamar o teléfono de costume.
¡Noraboa as/os aptas/os!.
Comentarios (0) - Categoría: CURSOS E ACTIVIDADES DAS ASOCIACIONS - Publicado o 24-06-2009 13:23
# Ligazón permanente a este artigo
Continuación...(Recordos no tempo)
Eran de comidas sinxelas: papas de millo, pan de broa, leite con castañas, eran de patacas requentadas na lareira, peras e mazás a madurar entre a herba; de sopas de cabalo cansado e sempre para reunión de familia, de rosario despois de cear.
Saben ben, de sestas de verán baixo as cerdeiras. Sestas silandeiras, no que o único ruído podía ser o can de ladraba.
Recordan que a aroupa nova, era o traxe que se compaba para o día da festa da aldea.

Son as mulleres que hoxe teñen lavadora, pero que sabían lavar no río, e mais tarde, nos lavadoiros do pobo. Deixaban a roupa ao clareo, sen produto artificial, e falaban de decorrela ao sol.
De sabas de liño (amarelo e branco); de facer tinturas caseiras (coas cascas de cebola), que saben do tear, de fiar, de cardar a la).
Que saben do xabón feito coas graxas que se gardaban na casa, e mesturando aqueles xampús, si era posíbel, que lle daba un pouquechiño de cheiro.
Que pasaron do xabón "Lagarto", que era bo para todo: para roupa, para pel, para pelo; o xabón "La Toja", a esencia de lavandas ou os xeles perfumados (ao cabo do tempo)...
Mulleres e homes que casaban pola noite, por non ter un bo traxe (a eso das seis da mañá), e como convite, os menos podentes, poñían un chocolate con roscón. Tendo tamén aquelas que tiñan voda e revoda, aturando aos invitados dous días na casa, a base de porco e capón.
Que recordan parir na corete, coa única axuda dun adival. Que sabian de parteiras, e entendían de lúas para chegada das meniñas e meniños. Que ataban embigos, que libraban nais. Que coutaban pezoñas, e quitaban febres con menciñas caseiras.
Que sabían cando era bo sementar, ou cando gardar a colleita.
Comentarios (0) - Categoría: RECORDOS NO TEMPO - Publicado o 23-06-2009 19:02
# Ligazón permanente a este artigo
YOGA
No espazo do Centro socio-comunitario, se realiza todos os venres en sesións de tarde, xornadas de Yoga.
Dende as 16:30 ás 20:00 horas, en sesión de hora e media.
Na actividade participa a asociacion de afectadas/os de Fibromialxia, así como toda a poboación que o desexe e que previamente se apunte no centro.

Comentarios (0) - Categoría: CURSOS E ACTIVIDADES DAS ASOCIACIONS - Publicado o 23-06-2009 13:53
# Ligazón permanente a este artigo
Recomendamos para ler na vindeira semana
Esta semana recomendamos:

La historia de Iqbal.

Argumento:
Uns nenos escravos nunha fabrica de alfombras.
Un deles loita pola liberdade, atopando unha organización contra os escravos...........


Recomendao: Paloma (12 anos)
Comentarios (0) - Categoría: LUDOTECA/ANIMACIÓN A LECTURA LIBRO/FORUM - Publicado o 18-06-2009 17:59
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0