Caderno da Coordenadora de Equipas de Normalización Lingüística de Ferrolterra








clocks for websitecontadores web


anuncia o portal na túa web





O meu perfil
cequipnormalizacion@gmail.com
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Unanimidade para declarar 2012 Ano de Celso Emilio Ferreiro
Galicia Hoxe

ACTIVIDADES DE DIFUSIÓN DA SÚA BIOGRAFÍA E OBRA

O PP defende "honrar a súa figura" e PSOE e BNG cren que "manipula" a súa obra dada a súa vixencia ante a política lingüística da Xunta


Os tres grupos con representación no arco parlamentario galego acordaron este martes, a instancias do PP, "honrar a figura de Celso Emilio Ferreiro" no centenario do seu nacemento. Deste modo, ao longo de 2012, programaranse diferentes actividades de "promoción e difusión" para dar a coñecer a súa biografía e a súa obra.
Malia o acordo do pleno da Cámara, o debate sobre esta iniciativa, que insta á Xunta a elaborar un catálogo de actuacións e a buscar a colaboración doutras entidades para difundir a súa obra e dar a coñecer a súa "actividade política de compromiso con Galicia e en defensa dos valores democráticos", non estivo exento de polémica.
E é que tanto Concepción Burgo (PSOE) como Ana Pontón (BNG) afearon ao voceiro do PP na materia, Agustín Baamonde, a súa "manipulación" da biografía do autor ao definilo como "un defensor da liberdade de uso" das linguas galega e castelá por escribir en ambos os dous idiomas.
"Non é un representante do seu biling~ismo harmónico", espetoulle a socialista, dando lectura a un fragmento dunha entrevista na que o celanovés puntualizaba que escribiu en castelán "dun modo forzado", xa que, nos tempos que lle tocou vivir, "non se podía usar o galego".
Pola súa banda, a parlamentaria do Bloque recordou que o autor de 'Longa noite de pedra' era "un nacionalista galego" --cofundador da UPG--. "Estaba comprometido cos dereitos nacionais de Galicia e sufriu nas súas carnes o franquismo", subliñou, aludindo á súa condena a morte e ao seu exilio.

"INCÓMODO" PARA O PP
"Vostedes pintan a súa vida coma se fose un edén", censurou Pontón, para concluír --e con ela coincidiu Burgo-- que a figura de Celso Emilio Ferreiro "resulta incómoda" a un partido que "aínda non condenou o franquismo".
Despois de que Baamonde destacase que Celso Emilio Ferreiro forma parte dunha "estirpe de galleguistas que loitaron con valentía por Galicia", a socialista e a nacionalista incidiron na vixencia da súa obra ante a política ling~ística da actual Xunta.
De feito ambas as dúas compararon aos dirixentes autonómico cos "pequenos mequetrefes son raíces / que ao pór a garabata xa non saben / afirmar se non amor dous devanceiros, / falar a fala nai" do seu poema 'Deitado fronte ao mar'.

"UN BO E XENEROSO"
Mentres as bancadas populares recriminaban ás bancadas da oposición utilizar o poeta para "facer política", Agustín Baamonde pechou o debate denunciando a "manipulación" da súa figura por parte Burgo e Pontón. "Aprovéitanse dunha grande figura de Galicia e fáltanlle ao respecto facendo crer que é un voceiro de PSOE e BNG", censurou.
"Todos nos podemos sentir identificados con el", resaltou, e utilizou o Himno Galego para finalizar remarcando que "un bo e xeneroso" merece que "se honre a súa figura e a súa memoria".
Comentarios (0) - Categoría: 00-Xeral - Publicado o 12-10-2011 10:34
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0