Bo uso


A BITÁCORA DE FRAN BOUSO
Un blog aberto para falar desde Mondoñedo ou calquera outro lugar do mundo sobre Mondoñedo e as súas cousas ou sobre as cousas do mundo.



Fran Bouso

Crea tu insignia

O meu perfil
 CATEGORÍAS
 GALERÍA FOTOGRÁFICA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

PALABRAS DE AGASALLO (Nº20 19/07/2016 RV-AM e LVG-AM)
Tallamar dunha ponteEu non sei se a vostedes lles pasa o que a min me acontece. Resulta que hai palabras que gardo na memoria e que lembro con exactitude a primeira vez que as escoite. Sendo pícaro escoiteille ao meu veciño Javier a palabra ?áridos?, referida a ?áridos de machaqueo?, eses materiais areosos ou gravas que se obteñen mediante un proceso de machacado logo de extraer pedras nas canteiras e que se empregan para facer argamasa ou outros combinados para o seu uso nas obras.
En ocasións, acontéceme o contrario, eu digo unha palabra e o meu interlocutor non a coñece. Foi o caso de ?botamen?, en relación ao conxunto de botes dunha farmacia. Isto sucedeu mentres paseaba na compaña do meu amigo César, compañeiro de estudos en Santiago, e lle comentei que o botamen da botica do pai de Cunqueiro aínda se podía ver nun dos despachos de farmacia que hai ao carón da Paula.
Hai un par de anos, en concreto o 5 de xullo de 2014 de volta da merecida homenaxe que no Valadouro lle rendemos a Miro Casabella, viña comentando no coche que a ponte que está á altura do Frenazo cando a reconstruíron déronlle a volta e agora as pedras que están na base para romper as augas xa non cumpren a súa función. O meu amigo Xe, que nos acompañaba botou a cavilar e dixo ?tajamar, en español é tajamar, en galego non sei como se di?. Tempo despois lin por algures ?beque?, en relación a estas pedras, aínda que pode ser que se empregue por certa similitude, pois así é como se denomina a parte alta dos navíos antigos. Non hai moito tempo, o mesmo Xe fíxome saber que ?tallamar? era o termo que andabamos a buscar.

Cando empecei a tocar a guitarra, en setembro do ano pasado, reparei na palabra ?cejilla? e tentei buscar axuda entre os filólogos coñecidos coa finalidade de aprender unha palabra en galego que se puidera empregar para referirme á peza que aplicada transversalmente sobre o mastro dunha guitarra serve para elevar a tonalidade da interpretación. Desta volta foi César Morán, profesor, escritor e músico quen me dixo que a forma brasileira ?capo? podería servir, aínda que el adoitaba a empregar o termo ?braçadeira? ou ?transpositor?.

Agardo que isto siga a acontecer e ?ogallá? a vostedes tamén. Por certo, saben o que é unha xógara? Xaora, para os focegos é doado!

A quen lle escoitaría por primeira vez a verba ?sorpaso??. Seguirá formando parte do noso vocabulario habitual nos vindeiros meses?.



Comentarios (0) - Categoría: O OUTEIRO DE MONDOFORTE - Publicado o 21-08-2016 17:46
# Ligazón permanente a este artigo
SEGUIMOS FACENDO CAMIÑO (Nº18 05/07/2016 RV-AM e LVG-AM)
Xusto hoxe hai un ano, o 5 de xullo de 2015, enterámonos de que a Unesco declaraba patrimonio da Humanidade o Camiño do Norte e o Primitivo e con eles unha longa nómina de monumentos de diferentes lugares por onde pasan estas vías. A decisión tomábase en Bonn, lugar no que se atopaba naquel momento o Conselleiro de Cultura e Educación, Román Rodríguez, quen inmediatamente llo comunicou á alcaldesa de Mondoñedo, Elena Candia.
A nova correu como a pólvora, non podía ser menos, dada a transcendencia da mesma. A ledicia colectiva era patente, a miña presentaba reservas.
Unha redactora de La Voz de Galicia-A Mariña chamoume con urxencia para que lle remitira un texto breve facendo unha valoración deste nomeamento. Daquela eu estaba sentado nunha das terrazas da praza do Concello agardando por Elena Candia para manter unha conversa sobre asuntos culturais.
Como os minutos se ían convertendo en horas e a espera se facía longa decidín escribir alí mesmo, no teléfono móbil, inspirado no que vía ao meu arredor un artigo que titulei: ?Seremos quen de aproveitala??
Un ano despois, e facendo unha análise baseada na observación directa e en preguntas a persoas directamente vinculadas ao Camiño debo mudar a miña percepción e dar resposta á pregunta de maneira afirmativa.
Esta primeira etapa está acadada con éxito, pero o camiño é longo e os tramos presentan diferente dificultade: non é o mesmo o paseo desde Ribadeo a Lourenzá que o trazado ?rompepernas? desde Mondoñedo a Abadín. Queda camiño por andar e oxalá dentro dun ano poidamos seguir facendo a valoración en positivo.
Celebramos este primeiro aniversario da declaración con dúas boas novas, por un lado a apertura do primeiro albergue de peregrinos privado que haberá en Mondoñedo e que rexentará a empresa Montero e a inclusión da Ciadade da Paula na Rede de cidades e territorios creativos de España.
Este pasado sábado asinábase en Monforte de Lemos a acta fundacional da Rede de cidades e territorios creativos de España, plataforma da que xa forma parte Mondoñedo xunto con Jun, Alcalá de Henares, Burgos, Donostia, Madrid, Segovia, Valladolid e Monforte, entre outros. A esta iniciativa colaborativa tamén se sumaron entidades supramunicipais como é o caso do Consorcio Ribeira Sacra, o Cabildo de Tenerife ou a Deputación de Lugo. Todos estes municipios presentan características comúns como atesourar un patrimonio material ou inmaterial que permita desenvolver plans e proxectos creativos para o asentamento de poboación e a xeración de valor engadido. Esta iniciativa parte da asociación España Crativa e conta co respaldo da Universidad Rey Juan Carlos, o Instituto Cervantes, a Comisión Nacional de Cooperación coa Unesco, a Xunta de Galicia e a Junta de Castilla y León.



Comentarios (0) - Categoría: O OUTEIRO DE MONDOFORTE - Publicado o 21-08-2016 17:42
# Ligazón permanente a este artigo
[1] [2] 3
© by Abertal
Fran Bouso - Mondoñedo T.I.C.



Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0